Cantares 2:8 - Tayta Diospa Wilakuynin

⁸ ¡Kuyashqä maqta parlamushqanta wiyaykänami! ¡Payqa shamuykannami! ¡Puntakunapa y jirkakunapa pañaykacharraqmi shamuykan!

Cantares 2:8 ပူးပေါင်းရင်းမြစ်များ

2 Samuel 6:16

Tayta Diospa babulninta Davidpa Markanman yaykaykäsiyaptinmi ventänanpita watqaykur Saúlpa surin Mical rikarqan Tayta Diospa nawpancho tushuraykar David kushish aywaykaqta. Rey kaykar saltaypa saltar tushuykaqta rikarmi shonqulancho Davidta jamurarqan.

Cantares 2:17

Kuyaynï, manaraq pasa waraptin y lantuypis manaraq päsaptin luychunöraq y tarushnöraq Beter puntakunaman kutikalämuy.

Cantares 4:16

¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 5:2

Punurpis maya mayalami punuykarqä. Sayno punuykashqächömi kuyaynï qayakamuqta wiyarqä. ¡Kuyaylapaq palumita, punkuykita kichapaykalämay! ¡Umäpis shulyatashqami kaykan! ¡Sakay shulya yakumi umäpitapis jutuykan!

Isaías 35:6

Weqrukunapis luychunöraqmi pañayanqa. Mana parlaqkunapis shiminkuna pashtaptin kushikurmi cantayanqa. Sunyaq jirkakunachöpis askami yaku pashtamunqa. Saki jirkakunapapis mayunöraqmi yaku aywanqa.

Isaías 44:23

Jana pasa, ¡Tayta Dios salvakuq kashqanpita kushikur cantay! ¡Pasa rurincho kaqkunapis, vivar qaparäyay! ¡Jirkakuna, fiyupa kushikuyashpayki sinchipa cantayay! ¡Munticho kaykaq jachakuna, lapayki kushikur cantayay! ¡Jacobpita miraq Israel runakunata Tayta Dios salvashnami! ¡Munayyuq kashqanta musyasishnami!

Isaías 52:7

Jirkakunapa shamur ali wilakuyta apamuq runa seqaypa kushikuypaqmi kaykan. Say wilakuq runami jawka kawanansipaq kaqta y salvashna kanansipaq kaqta wilakun. Sióntami nin: <<¡Tayta Diosnikimi lapantapis mandaykan!>>

Jeremías 48:27

<

Lucas 6:23

Sayno kaptinpis kushikuyay. Qamkunata gloriacho maynami premiuta Tayta Dios shuyaraykäsiyäshunki. Qamkunatanömi chikishuqnikikunapa unay ayllunkunapis Tayta Diospa profëtankunata nakasiyarqan>>.

Juan 10:27

<

Juan 3:29

Majasakänanpaq kaq maqtalami parlakushqan jipashyuqqa. Majasakaq maqta parlashqanta wiyar amïgun kushikushqannölami noqapis kushikü.

Hechos 14:10

sinchipa nirqan: <<¡Sharkur shumaq ichiy!>> Sayno niptinmi jukla ichirkushpan puriyta qalaykurqan.

Hechos 3:8

Saymi jukla sharkurkur puriyta qalaykurqan. Nirkurmi saltar Tayta Diosta alabashpan paykunawan templu patiuman yaykurqan.

Apocalípsis 3:20

¡Tantiyakuyay! Punkuykichömi qayakaykämü. Mayqaykipis qayakamushqäta wiyar kichapämaptikiqa yaykamuptï juntumi mikushun.