Cantares 2:17 - Tayta Diospa Wilakuynin

¹⁷ Kuyaynï, manaraq pasa waraptin y lantuypis manaraq päsaptin luychunöraq y tarushnöraq Beter puntakunaman kutikalämuy.

Cantares 2:17 ပူးပေါင်းရင်းမြစ်များ

Proverbios 5:19

Payqa kuyaylapaq luychunömi kaykan. Kuyashushqaykiwan waylushushqaykiwan imaypis contentakuy.

Cantares 2:7

Jerusalén jipashkuna, luychukunapa jutincho y tarushkunapa jutincho promitiykayälämay kuyaynï punukuykaqta mana rikchasiyänaykipaq. Punuyta jimashqanyaq punukusun.

Cantares 4:6

Noqaqa manaraq pasa waraptin y lantuypis manaraq päsaptinmi mïrra perfümi kashqan jirkaman y inciensu kashqan lömaman aywashaq.

Cantares 8:14

Kuyaynï, luychuno karpis o tarushno karpis mushkuykaq jirkakuna jananpa cörrimuy.

Lucas 1:78

Tayta Diosninsi kuyapämashpansi jana pasapita juk salvadorta kachamunqa. Sayqa pasa waraqnömi kushikuypaq kanqa.

Romanos 13:12

Pasa waränanpaqnöna kaykaptinqa jusalikuykunata kacharir Tayta Dios munashqannöna kawanansipaq shumaq yarpachakushun. Sakäpakushno kawanansipa trukanqa aksichönöna kawashun. Espädan kamarikush soldädu kaykaqno noqansipis kaykäshun.

Hebreos 10:1

Moisés qelqashqan leykunaqa manami mushuq pactunösu kaykan, sinöqa mushuq pactupa lantuyninnölami. Saymi say leykuna nishqanno wata wata uywakunata altarcho rupasiyaptinpis runakunapa shonqunkuna Tayta Dios munashqannösu karqan.

Hebreos 8:5

Paykunaqa jana pasacho kaykaq Sagrädu Toldu niraqta rurayashlanchömi Tayta Diosta sirviyan. Sayta musyansi Moisésta Tayta Dios kayno nish kaptinmi: <>. Payta sayno nirqan Sagrädu Tolduta sharkasinanpaq rikasirmi.

2 Pedro 1:19

Saymi masraq tantiyansi profëtakuna wilakuyashqan rasunpaypa kashqanta. Sayno kaykaptinqa profëtakuna qelqayashqankunata shumaq cäsukuyay. Saykunaqa sakaycho aksi asikyapämashqansinömi kaykan. Sayno cäsukuyay pasa waraptin waraq qoyllar shonquykikunacho asikyashqanyaq.