Cantares 2:14 - Tayta Diospa Wilakuynin

¹⁴ Kuyashqä palumita, qaqakunacho y sunyaq jirkakunacho amana pakakuynasu. Parlashqaykita wiyaytami munä; qaqlaykita rikaytami munä. Qam parlashqaykiqa maypis wiyaräkuy munaymi. Qaqlaykipis kuyaylapaqmi.

Cantares 2:14 ပူးပေါင်းရင်းမြစ်များ

Job 9:16

Ni qayasinäpaqpis manami valornï kanmansu. Ni imata niytapis manami kamäpakümansu.

Salmo 110:3

Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.

Salmo 22:3

3 (4) Imano kaptinpis qamqa santumi kaykanki. Qamqa reymi kanki. Qamtami Israel runakuna alabayäshunki.

Salmo 45:11

11 (12) Kuyanaylapaq kaptikimi rey kuyashunki. Runayki kaykaptinnaqa paylatana cäsukunki.

Salmo 45:12

12 (13) Tiro markapitapis runakuna qarayninkunawanmi qamman shayämunqa. Rïcu runakunapis yanapänaykipaqmi ruwakuyäshunki.

Salmo 50:23

Agradëcikayämashqaykimi rasunpaypa kaq sacrificiuqa kaykan. Agradëcikamarqa respitayämankimi. Munashqäno kawaqkunataqa salvashaqmi>>.

Salmo 68:13

13 (14) Uywankunata täpaqkunapis paluma niraq adornukunatami chaskiyarqan. Say adornukuna kaykan qellaypita rurash riprayuq y qoripita rurash plümayuqmi.

Salmo 74:19

Noqakunataqa ama qonqaykayämaysu. Kulkushkunanömi pasaypa mansariyä. Jirka uywa niraq fiyu runakunapa makinman ama kachaykayälämaysu.

Éxodo 3:6

Mastapis nirqan: <>. Sayno niptinmi Diosta rikayta mansakushpan Moisés qaqlanta sapakurqan.

Proverbios 15:8

Yaqa runapa ofrendantaqa Tayta Dios manami chaskinsu. Ali runa manakushqantami isanqa kushish chaskin.

Cantares 1:15

Selläma kuyaylapaqmi kaykanki, kuyaynï. Maypis kuyaykuy munaymi kaykanki. Nawikipis ishkay palumano kuyaylapaqmi kaykan.

Cantares 1:5

Jerusalén jipashkuna, yanala karpis Cedar runakunapa toldunno kuyaylapaqmi kaykä. Salomón rurasishqan cortïnakunano kuyaylapaqmi kaykä.

Cantares 1:8

Lapan jipashkunapitapis mas kuyaylapaq jipash, ashishqayki maqta maycho kashqantapis mana musyashpaykiqa tarishqaykiyaq uyshakunapa yupilanpa ayway. Misikuqkunapa suklankuna kaqman chaykur cabraykikunata misikuy.

Cantares 5:2

Punurpis maya mayalami punuykarqä. Sayno punuykashqächömi kuyaynï qayakamuqta wiyarqä. ¡Kuyaylapaq palumita, punkuykita kichapaykalämay! ¡Umäpis shulyatashqami kaykan! ¡Sakay shulya yakumi umäpitapis jutuykan!

Cantares 8:13

Huertakunacho jamakuq reina, amïgükuna maya mayalami kaykäyan parlashqaykita wiyayänanpaq. Noqapis wiyanäpaq imalatapis parlarkalämuy.

Isaías 2:21

Nirkurmi pasaypa mansarir qaqakuna shilikäyashqanmanpis y machaykunamanpis pakakuyanqa. Sayno pakakuyanqa chipipiykar munayyuq Tayta Dios castigananpaq shamuqta rikarmi.

Isaías 51:3

Saynölami raqäla kaykaq Siónmanpis bendicionnïta yapay churashaq. Sunyaq jirkano kaptinpis Edén huertano kananpaqmi tikrasishaq. Saymi Sióncho seqaypa kushikur alabayämanqa.

Isaías 6:5

Saymi pasaypa mansakash nirqä: <<¡Ay taytay! ¡Kananqa wanukushaqchir! ¡Lutankunata parlaq kaykar y manakaqkunata parlaq runakunawan shuntakaq kaykarmi mandaq Reyta rikaykushkä! ¡Pay kaykan lapanta mandaq Tayta Diosmi!>>

Isaías 60:8

<

Jeremías 48:28

Kananqa markaykikunapita qeshpikur machaykunachöna täkuyay. Qaqa urkuncho qeshunta ruraq palumano qamkunapis täkuyay.

Jeremías 49:16

Qaqa pachan uchkukunachömi taykäyanki. Altunnin jirkakunacho anka taqnömi taykäyanki. Sayno taykäyaptikipis saypita qarpayämushaykimi. Runa tukuyashqaykipis walälapaqmi kanqa. Noqa Tayta Diosmi sayno nï.

Ezequiel 7:16

Wakinnami mansakash palumakunano jirkakunaman qeshpir aywakuyanqa. Jusalikuyashqanpita nakarmi lapanpis waqayanqa.

Daniel 9:7

<

Abdías 1:3

Qamkunaqa qaqakunata uchkuykur wayikikunata rurash karmi ali chölu tukuykäyanki. Altunnin qaqakunacho tarmi pipis mana vinciyäshunaykipaq kashqanta yarpaykäyanki. Sayman atiënikurqa kikilaykikunami engañakuykäyanki.

Mateo 10:16

<

Mateo 3:16

Bautizakuskir yakupita yarqaykämuptinmi jana pasa kichakämurqan. Saychömi Jesús rikarqan Espíritu Santu imayka palumano urämur jananman chaykaqta.

Efesios 5:27

Saymi kikinpa nawpanman pushanqa asikyaypa asikyaykaqta, jusaynaqta, santuta y pay munashqanno kaykäyaqta.

Colosenses 1:22

Sayno kawaykashqami Jesucristo cruzcho wanuyninpa Tayta Dios perdonamashkansi. Saymi paypa nawpancho jusaynaq y santuna kashun.

Hebreos 10:22

lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

Hebreos 4:16

Imaypis yanapämänansipaq kaykaptinqa kuyapäkuq Tayta Diosta mana mansapaypa manakushun. Payta manakurqa trönuncho paywan parlaykaqnömi kaykansi. Tayta Diosta manakushqaqa ima nakaycho kashqapis paymi kuyapämashpansi yanapämäshun.

1 Pedro 3:4

Saypa trukanqa ali shonqu kayashqayki y pïmaywanpis ali kawayashqaykimi kuyaylapaqqa kaykan. Sayno kawayashqaykimi Tayta Diospa shonqunpaqno kaykan.

Judas 1:24

Tayta Dios alabash kaykuläsun. Paymi jusalikuyman mana ishkiyänaykipaq munayninwan imaypis yanapaykäyäshunki. Paymi nawpanman jusaynaqtana pushakuyäshunki imayyaqpis kushish kawayänaykipaq.

Apocalípsis 5:8

Chaskirkuptinmi nawpancho kaq chusku kawaykaqkuna y saycho kaq ishkay chunka chusku (24) mayor runakunapis puntanman lätakuykur adorayarqan. Paykuna lapanmi arpankunawan kayarqan. Saynöpis qoripita rurash tazonwanmi inciensuta sararäyarqan. Say inciensu karqan Tayta Diosman yärakuqkuna manakuyashqanmi.