Cantares 1:5 - Tayta Diospa Wilakuynin

⁵ Jerusalén jipashkuna, yanala karpis Cedar runakunapa toldunno kuyaylapaqmi kaykä. Salomón rurasishqan cortïnakunano kuyaylapaqmi kaykä.

Cantares 1:5 ပူးပေါင်းရင်းမြစ်များ

Salmo 120:5

¡Pasaypami lakikü! ¡Meseccho y Cedarcho taykaqnömi kaykä!

Salmo 149:4

Kuyashqan runakunata rikarmi Tayta Dios kushikun. Ali kawayänanpaqmi humildikunata yanapan.

Salmo 45:9

9 (10) Palaciuykichöqa princesakunapis askami kaykäyan. Aluq kaq nawpaykichömi majasakänaykipaq kaq reina jamaraykan. Paypa mödananqa Ofirpita apamushqan qori püruwan adornashqami kaykan.

Salmo 90:17

Tayta Diosnilä, kuyakuq kashqaykita tantiyaykasiyälämay. Lapan aruynïkunamanpis bendicionnikita churaykalämuy.

Cantares 2:14

Kuyashqä palumita, qaqakunacho y sunyaq jirkakunacho amana pakakuynasu. Parlashqaykita wiyaytami munä; qaqlaykita rikaytami munä. Qam parlashqaykiqa maypis wiyaräkuy munaymi. Qaqlaykipis kuyaylapaqmi.

Cantares 2:7

Jerusalén jipashkuna, luychukunapa jutincho y tarushkunapa jutincho promitiykayälämay kuyaynï punukuykaqta mana rikchasiyänaykipaq. Punuyta jimashqanyaq punukusun.

Cantares 3:10

Andanpa jorconninkunapis qellaypitami. Jorconkuna jawiräkunanpis qoripitami. Reypa jamakunanpis granäti tëlapitami. Rurinpaqa Jerusalén warmikuna kushish bordayashqanmi kaykan.

Cantares 3:5

Jerusalén jipashkuna, luychukunapa jutincho y tarushkunapa jutincho promitiykayälämay kuyaynï punukuykaqta mana rikchasiyänaykipaq. Punuyta jimashqanyaq punukusun.

Cantares 4:3

Shimikipis kuyaylapaq puka jïlunöraqmi kaykan. Parlakuynikipis maypis wiyakuy munaymi kaykan. Shukurashqayki jaku rurincho qaqlaykipis granädanöraqmi ishkanlä kuyaylapaq pukaraykan.

Cantares 5:16

Parlakuyninpis maypis wiyaräkuy munaymi. Paynöqa manami pipis kansu. Jerusalén jipashkuna, saynömi kuyashqä maqtaqa. Saynömi kuyaynïqa.

Cantares 5:8

Jerusalén jipashkuna, qamkunatami ruwakü. Kuyaynï maqtata rikayashpaykiqa wilaykuyälay paypaq lakikur qeshyaykashqäta.

Cantares 6:4

Kuyaynï, qamqa Tirsa markanöpis y Jerusalén markanöpis kuyaylapaqmi kaykanki. Aska soldädukuna pelyaman aywayashqan admiraypaq kashqannömi kuyaylapaq kashqaykipis admiraypaq kaykan.

Cantares 8:4

Jerusalén jipashkuna, promitiykayälämay kuyaynï punukuykaqta mana rikchasiyänaykipaq. Punuyta jimashqanyaq punukusun.

Isaías 21:16

Tayta Diosmi nimash: <

Isaías 53:2

Tayta Diospa sirviqnin paypa nawpanchömi shaksharqan. Saki pasachöpis jaqwäkur sheqlimuq jachanömi winarqan. Pay manami kuyaylapaqsu ni rikapäkuy munaysu karqan.

Isaías 60:7

Cedarcho kaq uyshakunatapis qampaqmi qatiyämunqa. Altarnïcho rupasiyänaykipaqmi Nebaiotcho kaq carnikunata qatiyämunqa. Say rupasiyashqayki shonqüpaqnömi kanqa. Maysaypita imaykatapis apayämuptin templüpis kushikuypaqmi kanqa.

Isaías 61:10

Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.

Ezequiel 16:14

Say jatipashqäkunawanmi kuyaylapaq muñicanöraq karqayki. Kuyaylapaq kashqaykitami maysay nacionkunachöpis parlayaq> >>. Tayta Diosmi sayno nin.

Ezequiel 27:21

<<

Mateo 10:25

Yachakuqkunapis yachasiqninno karmi kushikuyan y ashmaykunapis patronninno karmi kushikuyan. Noqatapis Beelzebú nikäyämarqa qamkunatapis wamräkuna kayaptiki peorraqmi ashliyäshunki.

Mateo 22:11

Invitashqan runakunata rikaq yaykurshi say rey rikanaq juk runa trukaküni kaykaqta.

Lucas 13:34

Saypitanami Jesús nirqan: <<¡Ay, Jerusalén, Jerusalén! Qamqa Tayta Diospa profëtankunata nawpapita pasami wanuykäsinki. Pay kachamushqan wilakuqkunatapis samqaykankimi. Chipshankunata walpa oqlakuqno wawaykikunata aska kuti shuntayta munaptïpis manami munashkankisu.

Lucas 15:22

<

Romanos 13:14

Saypa trukanqa qanra mödanata loqtikur kachariyashqaykino jusalikuykunata kacharir Jesucristupa makincho kawayay. Lutanta rurayta munarpis ama rurayaysu.

2 Corintios 5:21

Jusaynaq kaykaptinpis lapan jusansitami Jesucristuta Tayta Dios jitapash. Saymi jusayuq runano noqansi rayku wanuptin paycho kaptinsi jusaynaqtano Tayta Dios chaskimansi.

Gálatas 4:26

Abrahampa warmin Saranami Tayta Dios rurashqan mushuq pactuno kaykan. Say pactuta Tayta Dios cumplir salvamaptinsimi noqansipa markansi jana pasacho kaq Jerusalén kanqa.

Efesios 5:26

Sayno wanurqan payman yärakuqkuna Tayta Diospa palabranwan maylash kar santu kayänanpaqmi.

1 Juan 3:1

¡Tantiyakuyay! ¡Tayta Dios seqaypami kuyamansi! Kuyamashpansimi <> nimansi. Rasunpaypami wamrankuna kaykansi. Wamran kashqansitaqa Tayta Diosta mana chaskikuq runakuna manami tantiyayansu. Sayno tantiyayansu Tayta Diosta mana reqirmi.