Cantares 1:10 - Tayta Diospa Wilakuynin

¹⁰ Zarcïlluykita jatikurkuptikiqa qaqlaykipis kuyaylapaqmi. Perlasyuq walqaykita walqakurkuptikiqa kunkaykipis kuyaylapaqmi.

Cantares 1:10 ပူးပေါင်းရင်းမြစ်များ

Génesis 24:22

Camëllunkuna yakuta upuskiyaptinnami jipashpa senqanman qori sortïjata churaparqan. Say sortïja lasarqan soqta grämunömi. Saynölami qoripita rurash ishkay brasilëtata makinmanpis jatiparqan. Saykuna pachak (100) grämupita masmi lasarqan.

Génesis 24:47

Nirkurnami tapurqä <¿Pipa surintaq kaykanki?> nir. Saymi nimarqan: . Sayno nimaptinmi juk sortïjata senqanman jatipashkä. Saynöpis ishkan makinman brasilëtakunata jatipashkä.

Génesis 24:53

Nirkurnami Rebecata qararqan qoripita qellaypita rurash alhäjakunata y fïnu mödanakunatapis. Saynölami turintapis mamantapis qararqan.

Génesis 41:42

Sayno nirmi Faraón sëlluyuq sortïjanta makinpita jorqurir Joséta jatiparqan. Nirkurmi yanapaqnin runakunata nirqan lïnupita rurash fïnu mödanata jatiparkur qoripita rurash walqata walqapäyänanpaq.

Proverbios 1:9

Paykuna tantiyasiyäshushqaykiqa kuyaylapaq corönano y kuyaylapaq walqanömi kaykan.

Cantares 1:11

Qellaywan adornash qori zarcïllutami rurapäshayki.

Cantares 4:9

Kuyay warmilä, qampaqmi shonqü pasaypa turbatan. Rikäramaptiki shonqüpis pasaypami kurun kurunyan. Walqaykipa jïlulanwanmi shonqüta suwapämashkanki.

Cantares 5:13

Qaqlanpis mushkuq waytakuna waytaraykaq huertanömi. Shiminpis liriu waytapita mïrra perfümi jutuykaqnömi.

Isaías 61:10

Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.

Números 31:50

Saymi guërracho shuntayämushqanta Tayta Diospaq apaykäyämü qoripita rurash brasilëtakunata, pulcërakunata, sortïjakunata, arëtikunata y wakin alhäjakunatapis. Saykunata apaykäyämü Tayta Dios mana ushakäsimänanpaqmi>>.

1 Pedro 3:4

Saypa trukanqa ali shonqu kayashqayki y pïmaywanpis ali kawayashqaykimi kuyaylapaqqa kaykan. Sayno kawayashqaykimi Tayta Diospa shonqunpaqno kaykan.