Apocalípsis 9:21 - Tayta Diospa Wilakuynin

²¹ Saynöpis manami kachariyarqansu wanusikuq kayta, brüju kayta, fornicación jusata y suwakuytapis.

Apocalípsis 9:21 ပူးပေါင်းရင်းမြစ်များ

Isaías 47:12

<

Isaías 47:9

Sayno nikarpis elaqpitami viüda y wawaynaq rikakunkipaq. Say junaq manami brüjuykikunapis ni majiquëruykikunapis sapäyäshunkipaqsu.

Isaías 57:3

Tayta Diosmi nin: <<¡Jusasapakuna, shumaq wiyakuyay! ¡Qamkunaqa brüja castami kaykäyanki! ¡Majanta jarukuq japuymi ïdulukunata adorar Tayta Diosta manakaqman churaykäyanki!

Daniel 11:33

Saymi tantiyakuq runakuna aska runakunata yäsiyanqa Tayta Diosta imaypis sirviyänanpaq. Sayno kaptinpis wakintami espädawan wanusiyanqa, wakintami rupasiyanqa, wakintami prësu apakuyanqa y wakinpatanami imaykantapis qechur apakuyanqa.

Malaquías 3:5

Lapanta mandaq Tayta Diosmi nin: <>.

Mateo 15:19

Runakunaqa shonquncho mana alikunata yarparmi runa mayinta wanusiyan, majanta jarukuyan y fornicación jusata jusalikuyan. Saynöpis suwakuyan, lulakuyan y runa mayinta ashliyan.

2 Corintios 12:21

Capazchir melanaypaq kaqkunata, fornicación jusata y chïnäkur waynäkur puriykäyashqaykita kachariyashkankisu. Jusalikuykaqta tarir qamkunapita Tayta Diospa nawpancho penqakunäpaq kaqpitami lakikü.

Gálatas 5:20

ïdulukunata adorayan, runa mayinta brujyasiyan, runa mayinta chikiyan, rimanakuyan, cëlanakuyan, imalapitapis rabyakuyan, nanaparänakuyan, qarqunakuyan, jaqayäsinakuyan,

Apocalípsis 13:13

Saynöpis anticristupa profëtan milagrukunatami rurarqan. Runakuna rikaykäyaptinmi jana pasapita ninatapis shikwasimurqan.

Apocalípsis 13:15

Anticristupa profëtanqa munayyuq karmi ïduluta kawayta qorqan. Saymi say ïdulu parlar payta mana adoraq kaqkunata wanusiyänanpaq nirqan.

Apocalípsis 13:7

Saynöpis anticristuta Tayta Dios kachaparirqan payman yärakuqkunata atacar vincinanpaqmi. Saymi munaynincho sarararqan maysay trïbu runakunatapis, maysay marka runakunatapis, ima idiömata parlaq runakunatapis y maysay nación runakunatapis.

Apocalípsis 14:8

Say angilpa qepanta juk angilpis aywarmi nirqan: <<¡Ushakashnami, ushakashnami jatunkaray Babilonia marka! ¡Babiloniami vïnuwan shinkäsiqnöpis lapan nación runakunata mana ali costumbrinkunata yachasirqan!>>

Apocalípsis 16:6

Qamman yärakuqkunatapis y profëtaykikunatapis wanusirmi yawarninta jichayarqan. Saymi kikinkunapis yawarta upuyänanpaq yakuta yawarman tikrasishkanki>>.

Apocalípsis 17:2

Say warmiwanqa mana penqakuypami mandaq reykuna kakuyash. Mana ali costumbrinkunaqa shinkäsikuq vïnunömi kaykan. Say vïnuta upurmi kay pasacho runakuna shinkäyarqan>>.

Apocalípsis 17:4

Warmipa mödananmi karqan granäti y puka püru tëlapita. Qoriwan, kuyaylapaq rumikunawan y perlaskunawanpis adornashqami kaykarqan. Sararashqan qori cöpachömi winararqan lapan jusalikushqankuna. Sayqa pasaypa melanaypaqmi karqan.

Apocalípsis 17:5

Urkunchönami runakuna mana musyayashqan jutin qelqaraykarqan kayno nir: <>.

Apocalípsis 18:3

Babiloniapa mana ali costumbrinkuna shinkäsikuq vïnunömi karqan. Say vïnutami intëru pasacho runakuna upuyarqan. Kay pasacho reykuna mana ali costumbrinkunata Babiloniapita yachakurmi ïdulukunata adorayarqan. Imatapis rikashqan kaqta Babilonia rantiptinmi negociantikuna seqaypa rïcuyäyarqan>>.

Apocalípsis 19:2

¡Payqa pitapis shumaqmi juzgan! Lapan runakunata jusalikasiq prostitüta warmita castigashnami. Tayta Diospa sirviqninkunata wanusishqanpitami kikintana ushakäsish>>.

Apocalípsis 21:8

Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.

Apocalípsis 22:15

Say markaman manami yaykuyanqasu luta kawakuqkuna, brüjukuna, fornicación jusata jusalikuqkuna, runa mayinta wanusiqkuna, ïdulukunata adoraqkuna y lapan lulakuqkunapis.

Apocalípsis 9:20

Sayno kaptinpis mana wanuq runakunaqa jusalikuyashqankunata manami wanakuyarqansu. Saypa trukanqa supaykunata y ïdulukunatami imaypis adorayarqan. Say ïdulukunaqa qoripita, qellaypita, broncipita, rumipita y qerupita rurash karmi rikayansu ni wiyayansu ni puriyansu.