Apocalípsis 9:18 - Tayta Diospa Wilakuynin

¹⁸ Shiminpita yarqamuq azufri, nina y qoshtaymi kay pasacho cäsi pulan runakunata ushakäsirqan.

Apocalípsis 9:18 ပူးပေါင်းရင်းမြစ်များ

Apocalípsis 8:10

Kimsa kaq ángel cornëtata tukamuptinmi jatunkaray rupaykaq qoyllar shikwamurqan. Say qoyllarmi cäsi pulan mayukunaman y cäsi pulan pukyukunaman charqan.

Apocalípsis 8:11

Qoyllarpa jutinmi karqan Ayaq. Ayaq kaptinmi say qoyllar chashqan kaq yakuqa ayaq rikakurqan. Say yakuta upuq kaqkunaqa saysikami wanuyarqan.

Apocalípsis 8:12

Chusku kaq ángel cornëtata tukamuptinmi intipis killapis qeshyarqan. Saymi intipis ni killapis shumaq asikyarqannasu. Saynölami cäsi pulan qoyllarkunapis chipipïyarqannasu.

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Apocalípsis 8:8

Saypita ishkay kaq ángel cornëtata tukamuptinmi jatunkaray jirkano rupaykar lamarman kuchparqan. Saymi cäsi pulan lamar yawarman tikrarqan.

Apocalípsis 8:9

Yawarman tikrashqan kaqchöqa lapanmi wanuyarqan. Saynölami saycho kaykaq büquikunapis talpukar ushakäyarqan.

Apocalípsis 9:15

Paskariykamuptinmi say chusku angilkuna mayu kuchunpita aywayarqan kay pasacho cäsi pulan runakunata wanusiyänanpaq. Say angilkuna puestukush kayarqan say höra, say junaq, say killa, say wata runakunata wanusiq yarquyänanpaqmi.

Apocalípsis 9:17

Soldädukunapa chalëcunkunami karqan ninano puka, zafiruno azul y azufrino qarwash. Cawallunkunapa umankunami karqan leonpa umanno. Shiminpitami yarqamurqan ninapis, qoshtaypis y azufripis. Saynömi soldädukunata y cawallunkunata revelacioncho rikarqä.

Apocalípsis 9:19

Manami shiminpita yarqamuqkunalawansu runakunata cawallukuna wanusiyarqan, saypa trukanqa culebra niraq umayuq chupankunawanpis wachirmi wanusiyarqan.