Apocalípsis 9:15 - Tayta Diospa Wilakuynin

¹⁵ Paskariykamuptinmi say chusku angilkuna mayu kuchunpita aywayarqan kay pasacho cäsi pulan runakunata wanusiyänanpaq. Say angilkuna puestukush kayarqan say höra, say junaq, say killa, say wata runakunata wanusiq yarquyänanpaqmi.

Apocalípsis 9:15 ပူးပေါင်းရင်းမြစ်များ

Apocalípsis 20:7

Waranqa (1,000) wata päsarkuptinnami prësuraykaq Satanásta kacharinqa.

Apocalípsis 8:10

Kimsa kaq ángel cornëtata tukamuptinmi jatunkaray rupaykaq qoyllar shikwamurqan. Say qoyllarmi cäsi pulan mayukunaman y cäsi pulan pukyukunaman charqan.

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Apocalípsis 8:8

Saypita ishkay kaq ángel cornëtata tukamuptinmi jatunkaray jirkano rupaykar lamarman kuchparqan. Saymi cäsi pulan lamar yawarman tikrarqan.

Apocalípsis 8:9

Yawarman tikrashqan kaqchöqa lapanmi wanuyarqan. Saynölami saycho kaykaq büquikunapis talpukar ushakäyarqan.

Apocalípsis 9:10

Chupannami alacranpa chupanno awja punta karqan. Chupanwan chiwiptinmi runakuna pisqa killa qeshyar nakayarqan.

Apocalípsis 9:18

Shiminpita yarqamuq azufri, nina y qoshtaymi kay pasacho cäsi pulan runakunata ushakäsirqan.

Apocalípsis 9:5

Saynöpis nirqan runakunata nakasirpis mana wanusiyänanpaqmi. Wanusiyänanpa trukanqa pisqa killa nanaywan nakasiyänalanpaqmi nirqan. Saymi alacrán picaptin nakashqannöraq nanaywan nakayarqan.