Apocalípsis 8:7 - Tayta Diospa Wilakuynin

⁷ Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Apocalípsis 8:7 ပူးပေါင်းရင်းမြစ်များ

Salmo 105:32

Tamyapa trukan runtu tamyatami tamyasimurqan. Intëru say nacionman maqakuytami pashtasimurqan.

Éxodo 9:33

Markapita yarquskir makinta joqarkur Tayta Diosta Moisés manakuptinmi jinan höra runtu tamyapis maqakuypis chawarqan.

Isaías 28:2

Paykunata ushakäsinanpaqmi kalpayuq y munayyuq runata Tayta Dios akrash. Say runaqa runtu tamyanöraq, löcu wayranöraq y jakash mayunöraqmi imatapis tarishqan kaqta ushakäsinqa.

Isaías 29:6

Lapanta mandaq Tayta Dios karmi castiganäpaq shamushaq. Maqakuywan, temblorwan, räyuwan, shukukuywan, mangäda tamyawan y bunyaypa bunyar rupaykaq ninawanmi chikishuqnikikunata ushakäsishaq.

Isaías 30:30

Contrankunata ushakäsinanpaq shamurmi fiyupa mansariypaq parlashqanta Tayta Dios wiyakäsinqa. Bunyaypa bunyar rupaykaq ninawan, maqakuywan, mangädawan y runtu tamyawanmi fiyupa rabyashpan castiganqa.

Isaías 32:19

Muntikunata runtu tamya ushaptinpis, juklä markakunata contrankuna juchusir ushayaptinpis

Ezequiel 38:22

Pestiwan y wanusinakuywanmi castigashaq. Payman, soldädunkunaman y paywan shamuq lapan runakunamanmi mangädata, ruminöraq runtu tamyata y azufriyuq ninata tamyasimushaq.

Joel 2:30

30 (3.3) Jana pasachöpis y kay pasachöpis rikakäsimushaq imaypis mana rikayashqaykikunatami. Yawartapis, ninatapis y ichiraykaq qoshtaytapis rikayankimi.

Santiago 1:11

Fiyupa shanaptin qewapis sakinmi. Waytanpis kuyaylapaq kaykashqancho shushur ushakäkunmi. Saynölami rïcukunapis mas rïcu kaypaq wachakash kaykäyashlancho ushakäyanqa.

Josué 10:11

Amorreo runakuna Bet-horónpita uraypa Azecayaq qeshpiykäyaptinmi rumi sikasaq runtu tamyata Tayta Dios tamyasimurqan. Say tamyawanmi Israel runakuna espädawan wanusiyashqanpitapis mas askaq wanuyarqan.

1 Pedro 1:24

<

Apocalípsis 12:4

Chupanwan qarashtarmi cäsi pulan qoyllarkunata kay pasaman jitariykamurqan. Warmi qeshyakunanpaqna kaykaptinmi nawpanman ichikuykurqan wamra yuriskiptin mikukurkunanpaq.

Apocalípsis 16:2

Sayno niptinmi punta kaq ángel sararashqan cöpacho kaykaq castïguta pasaman tikwamurqan. Saymi anticristupa señalninwan señalash kaqkunata y ïdulunta adoraqkunata qeri pasaypa usharqan. Say qeriwanmi fiyupa nakayarqan.

Apocalípsis 16:21

Jana pasapitami chusku arröbano jatusaq runtu tamya tamyamurqan. Say runtu tamyawan nakarmi runakuna imaykatapis Tayta Diospa contran rimayarqan.

Apocalípsis 6:8

Sayno nimuptin rikärishqächömi bäyu cawalluta rikarqä. Loqaraqninpa jutinmi karqan Wanuy. Paypa qepantanami Hades shamurqan. Ishkanmi yarqayämurqan runakunata espädawan, muchuywan, qeshyawan y munti uywakunawan wanusiyänanpaq. Saymi munayyuq kayarqan pulanpa pulannin runakunata wanusiyänanpaq.

Apocalípsis 7:1

Saypitanami chusku angilkuna kay pasapa chuskun kuchuncho ichiraykäyaqta rikarqä. Say angilkunami wayrata saparäyarqan kay pasamanpis ni lamarmanpis ni ima jachamanpis mana wayrämunanpaq.

Apocalípsis 9:15

Paskariykamuptinmi say chusku angilkuna mayu kuchunpita aywayarqan kay pasacho cäsi pulan runakunata wanusiyänanpaq. Say angilkuna puestukush kayarqan say höra, say junaq, say killa, say wata runakunata wanusiq yarquyänanpaqmi.

Apocalípsis 9:18

Shiminpita yarqamuq azufri, nina y qoshtaymi kay pasacho cäsi pulan runakunata ushakäsirqan.

Apocalípsis 9:4

Paykunatami nirqan qewatapis ni jachatapis mana ushakäsiyänanpaq. Saypa trukanqa Tayta Diospa sëllunwan urkuncho mana señalaraq runakunalata nakasiyänanpaqmi nirqan.