Apocalípsis 8:13 - Tayta Diospa Wilakuynin

¹³ Saypitanami rikarqä juk anka junaqpa tumaykaqta. Say hörami wiyarqä say anka sinchipa kayno nimuqta: <<¡Wawalaw, wawalaw, wawalaw! Pasacho kawaqkuna ¡imanöraq kayanqa! ¡Kimsaraqmi angilkuna cornëtata tukayämunan pishin!>>

Apocalípsis 8:13 ပူးပေါင်းရင်းမြစ်များ

Salmo 103:20

Munayyuq angilkuna, Tayta Diosta alabayay. Nishqanta cäsukuq kayashpayki payta alabayay.

Ezequiel 2:10

Say rölluta kichariptinmi rikarqä ishkanläpa qelqash kaykaqta. Saycho qelqaraykarqan wanupakuy versu, waqay versu y mansariy versukunalami.

Hebreos 1:14

Saymi angilkunaqa Tayta Diospa mandun ruraqla kaykäyan. Paykunatami Tayta Dios kachamun salvash kaqkunata yanapänanpaq.

Apocalípsis 11:14

Ishkay kaq nakay päsaptinpis juk masraqmi chämunanpaq kaykan.

Apocalípsis 12:12

¡Jana pasacho taqkuna, kushikuyay! ¡Wawalaw, kay pasacho y lamarcho kaqkuna! Jana pasapita qarqaytakamush karmi diablu fiyupa rabyash puriykan. Pay musyaykanmi walka tiempulana runakunata engañananpaq kashqanta>>.

Apocalípsis 14:3

Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

Apocalípsis 14:6

Saypitanami rikarqä juk ángel junishpa pajaykaqta. Paymi mana ushakaq ali wilakuyta apamurqan. Say wilakuy kaykan maysay nación runakunapaq, maysay trïbu runakunapaq, ima idiömata parlaqkunapaq y maysaycho taq runakunapaqmi.

Apocalípsis 19:17

Saypitanami rikarqä inti janancho juk ángel ichiraykämuqta. Say angilmi wiskurkunata qayakur nirqan: <<¡Tayta Dios kamarishqan mikuyta mikuyänaykipaq lapayki shayämuy!

Apocalípsis 3:10

<

Apocalípsis 8:2

Nirkurnami Tayta Diospa nawpancho qanchis angilkuna ichiraykäyaqta rikarqä. Paykunami cada ünun cornëtata chaskiyarqan.

Apocalípsis 9:1

Saypitanami pisqa kaq ángel cornëtata tukamuptin pasaman qoyllar shikwamuqta rikarqä. Say qoyllarmi chaskirqan supaykuna wichqaraykäyashqan wanwanyaykaq pasapa shiminpa llävinpa wawanta.

Apocalípsis 9:12

Say punta kaq nakay päsaskiptinpis ishkay nakaykunaraqmi chämunanpaq kaykan.