Apocalípsis 6:9 - Tayta Diospa Wilakuynin

⁹ Röllucho pisqa kaq laqaraykaq cërata Carnish jorquriptinmi almakuna altar chakincho kaykäyaqta rikarqä. Say almakuna kayarqan Diospa wilakuyninta wiyakuyashqanpita y Jesucristuman yärakuyashqanpita wanusiyash runakunapa almankunami.

Apocalípsis 6:9 ပူးပေါင်းရင်းမြစ်များ

Génesis 4:10

Niptinmi Tayta Dios nirqan: <<¿Imatataq ruraykushkanki? Wawqikipa yawarninta jichashqaykimi qayakaykäman.

Éxodo 29:12

Yawarninman dëduykita töparkasir altarpa waqrankunata lushinki. Nirkur pusuq kaq yawarta altar chakinman talinki.

Levítico 4:7

Saynölami inciensuwan qoshnisikuna altarpa waqrantapis yawarwan lushinqa. Tinkuna Toldu patiuman yarqurirnami pusuq yawarta sacrificiuta rupasina altar chakinman talinqa.

Juan 16:2

Sinagögapitapis qarquyäshunkimi. Tayta Dios munashqanta ruraykäyashqanta yarparmi wanusiyäshunki.

2 Corintios 5:8

Payman yärakurmi cuerpunsita kacharir nawpanman jukla chayta munansi.

Filipenses 1:23

Sayno kaptinmi mayqanta akraytapis kamäpaküsu. Noqapaqqa mas alimi kanman kay pasata kacharir Jesucristupa nawpanmanna aywakuptï.

Filipenses 2:17

Sayno kaptinmi wanusiyämänan kaptinpis kushikü. Wanusiyämaptinqa sacrificiu jananman vïnuta winayashqannömi kashaq. Tayta Diosta mana ajayaypa sirviyashqaykipis sacrificiuno kaptin qamkunapis kushikuyay.

2 Timoteo 1:8

Sayno kaykaptinqa mana penqakuypa Jesucristupa wilakuyninta wilakuy. Saynöpis ama penqakuysu ali wilakuyninta wilakushqäpita prësu wichqaräsiyämaptinpis. Imano nakarpis ali wilakuyninta wilakuy. Sayno wilakunaykipaqmi Tayta Dios yanapaykäshunki.

2 Timoteo 4:6

Wanuy janächönami kaykan. Sacrificiuman jichashqan vïnu altarcho ushakashqannömi noqapis ushakänäpaqna kaykä.

Hebreos 12:23

Tayta Diosman lapan yärakuqkunawan shuntakashnömi kaykäyanki. Qechpa wamra herenciata chaskiqno kayaptikimi jutikikunapis jana pasacho qelqaraykan. Saynöpis pïmayta juzgaq Tayta Diospa nawpanman y jana pasacho kaykaq lapan salvashkunapa nawpanman chashnönami kaykäyanki.

Apocalípsis 1:2

Juannami say revelacionta qelqar Tayta Dios nishqankunata, Jesucristo nishqankunata y lapan rikashqankunata qelqash.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

Apocalípsis 14:18

Altarcho kaykashqanpitanami yapay mas juk angilpis yarqamurqan. Paymi altarcho nina kawasiq karqan. Say angilmi ösin aptash kaq angilta sinchipa qayakur nirqan: <<¡Üva poquraykannami! ¡Ösikiwan lapanta shuntamuy!>>

Apocalípsis 16:7

Saynöpis wiyarqä jana pasacho kaykaq altarpita kayno nimuqta: <>.

Apocalípsis 19:10

Sayno nimaptinmi angilta adoranäpaq lätakuykurqä. Saymi nimarqan: <<¡Noqata ama adoramaysu! Noqapis qamnöla y yärakuq mayikikunanölami Tayta Diospa sirviqnin kaykä. ¡Tayta Dioslata adorayqa! Lapan wilakushqäpis Jesucristo alabash kananpaqmi kaykan>>.

Apocalípsis 2:13

<

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 8:3

Saypitanami Tayta Diospa trönun nawpancho kaykaq altarman juk ángel charqan inciensu qoshnisikunan aptash. Altarpis inciensu qoshnisikunanpis qoripitami karqan. Saychömi aska inciensuta chaskirqan Diosman yärakuqkuna manakuyashqantawan altarman churananpaq.

Apocalípsis 9:13

Soqta kaq ángel cornëtata tukamuptinmi wiyarqä Tayta Diospa nawpancho kaykaq qori altarpa chuskun waqran chawpinpita parlamuqta.