Apocalípsis 6:2 - Tayta Diospa Wilakuynin

² Sayno nimuptin rikärishqächömi yuraq cawalluta rikarqä. Loqaraqninmi flëchan aptash kaykarqan. Paymi corönata chaskirkur Tayta Diospa contran kaqkunata majaypa majar ushakäsinanpaq aywarqan.

Apocalípsis 6:2 ပူးပေါင်းရင်းမြစ်များ

Salmo 110:2

Siónpita pasa mandaq kanaykipaqmi Tayta Dios yanapaykäshunki. Mandaq kaykarqa chikishuqnikikunata munaynikichöna sararaykulay.

Salmo 76:7

7 (8) ¡Qamqa pasaypa mansariypaqmi kaykanki! Rabyakuptikiqa ¿piraq nawpaykicho kaykanman?

Salmo 98:1

1 (1b) Mushuq alabanzawan Tayta Diosta alabayay. Paymi espantaypaq kaqkunata rurash. Munayyuq karmi lapan contrankunata vincish.

Isaías 25:8

wanuypis kanqanasu. Waqaqkunatapis kikin Tayta Diosmi shoqashpan weqinta pisapanqa. Kuyashqan runakuna manami penqaycho kayanqanasu. Sayno kananpaqmi Tayta Dios nin.

Zacarías 1:8

Juk sakaymi revelacioncho rikarqä puka cawallun loqash runa ichiraykaqta. Say runaqa aska arrayán jachakuna kashqan raqrachömi kaykarqan. Qepanchömi kaykäyarqan puka cawallun, bäyu cawallun y yuraq cawallun loqash runakuna.

Mateo 28:18

Discïpulunkunaman witiykurmi Jesús nirqan: <

1 Corintios 15:25

Contrankunata vincishqanyaqmi lapantapis Jesucristo makincho sararanqa.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Apocalípsis 11:18

Nishqaykita wiyakuyta mana munarmi maysaychöpis runakuna fiyupa rabyanäyarqan. Kananqa kikikimi rabyakur wanushkunata juzganki. Tiempu chämushnami sirvishuqniki profëtakunata y qamman yärakur mansapakushuqnikikunata rïcu kayaptinpis pobri kayaptinpis premiuta qonaykipaq. Runa mayinta wanusiqkunataqa ushakäsinkimi>>.

Apocalípsis 14:14

Rikärishqächömi rikarqä yuraq pukutay janancho runapa surin niraq jamaraykaqta. Paymi kaykarqan qori coronash y afilash ösin aptash.

Apocalípsis 15:2

Saynöpis rikarqä ninawan talush vidriuno lamartami. Say lamar jananchömi Tayta Diosman yärakuqkuna arpankuna aptash ichiraykäyarqan. Say arpakunata Tayta Diospitami chaskiyarqan. Paykuna manami anticristuta chaskikuyarqansu, ni ïdulunta adorayarqansu ni jutinpa nümeruntapis churakuyarqansu.

Apocalípsis 17:14

Saymi say ichayqa Carnishpa contran sharkur paywan pelyayanqa. Contran sharkuyaptinpis lapan mandaqkunapa y reykunapa mandaqnin karmi paykunata Carnish vincinqa. Carnishwanmi kayanqa qayashqan, akrashqan y imaypis cäsukuq runakuna>>.

Apocalípsis 19:14

Paytami jana pasapita kaq soldädukuna yuraq cawallunkuna loqash qatiräyarqan. Paykunami fïnu lïnupita rurash yuraq y limpiu mödanankuna jatish kayarqan.

Apocalípsis 3:21

Imano nakarpis mana ajayaypa yärakamuqkunataqa noqawan mandaq kayänanpaqmi churashaq. Satanásta vincishqäpitami noqatapis Taytä churamash paywan imayyaqpis mandaq kanäpaq.

Apocalípsis 9:7

Say chukluskuna kayarqan guërraman aywayänanpaq kamarish cawallukunanömi. Umancho qori corönan jatishnömi kayarqan. Qaqlanpis runapa qaqlanömi karqan.