Apocalípsis 6:17 - Tayta Diospa Wilakuynin

¹⁷ ¡Lapan runakunata castigananpaq kaq tiempu chämushnami! ¡Tayta Diospa castïgunta manami pipis awantanqasu!>>

Apocalípsis 6:17 ပူးပေါင်းရင်းမြစ်များ

Salmo 110:5

Tayta Diosqa aluq kaq nawpaykichömi yanapäshunaykipaq imaypis kaykan. Paymi rabyashqan junaq contrayki sharkuq reykunatapis wanusinqa.

Salmo 2:12

Diospa surinta respitar qonqurpakuyay. Mana respitayaptikiqa jinan höra rabyakushpanmi wanusiyäshunki. ¡Payman yärakuqkunami isanqa kushish kawayanqa!

Salmo 76:7

7 (8) ¡Qamqa pasaypa mansariypaqmi kaykanki! Rabyakuptikiqa ¿piraq nawpaykicho kaykanman?

Isaías 63:4

Unaypitanami yarparqä sayno ushakäsinäpaq kashqanta. Höra chämushnami kuyashqä runakunata salvanäpaq.

Jeremías 30:7

Say junaqkunanöqa fiyupa mansariypaqqa manami imaypis kashqaraqsu. Say wisanqa Jacobpita miraqkuna seqaypami nakayanqa. Sayno kaptinpis paykunata salvashaqmi.

Joel 1:15

¡Tayta Dios juzganan junaq chaykämunnami! Say junaq chämuptin ¡imanöraq runa nakaykuyälanqa! Say junaqmi lapanpaq munayyuq Tayta Dios saysika runakunata ushakäsinqa.

Joel 2:1

Tayta Dios juzganan junaq chaykämunnami. Judácho taqkuna, lapayki mansariyashpayki suksukyäyay. Pïmaypis musyananpaq sagrädu Sión lömacho cornëtata tukayay.

Joel 2:11

Say atacaqkunapa puntantami Tayta Dios aywanqa. Atacayänanpaq mandaptin maqakuynöraqmi wiyakanqa. Nishqanta ruraqkunaqa yupaytapis mana atipaypaqmi kayanqa. Paykunaqa tishyayparaqmi aywayanqa. Tayta Dios juzganan junaq pasaypa mansariypaqmi kanqa. Sayta manami pipis awantanqasu.

Joel 2:31

31 (3.4) Intipis sakakäkunqami. Killapis yawarmanmi tikranqa. Saykuna kanqa juzganä junaq manaraq chämuptinmi. Say junaqqa seqaypa mansariypaqmi kanqa.

Nahum 1:6

Pay rabyanaptin ¿piraq mansarinmansu? Pay ajanaptin ¿piraq ichipanman? Pay rabyakurqa ninanöraqmi imaykatapis ushan. Pay puriptinqa qaqakunapis shilikäyanmi.

Malaquías 3:2

<

Lucas 21:36

Sayno kananpaq kaykaptinqa Tayta Diosta imaypis manakur kamarikushla kaykäyay. Saynöpami shamunanpaq kaq nakaykunapita qeshpir Runapa Surinpa nawpancho kushikuyankipaq>>.

Romanos 2:5

Sayno kaptinpis rumi shonqu karmi jusaykikunata kachariyankisu. Saymi juzganan junaqcho Tayta Dios fiyupa rabyar castigayäshunki.

Judas 1:6

Saynölami Tayta Diosta mana cäsuyashqanpita wakin angilkunatapis yanawyaykaq sakayman wichqaykush juiciu final chämushqanyaq.

Apocalípsis 11:18

Nishqaykita wiyakuyta mana munarmi maysaychöpis runakuna fiyupa rabyanäyarqan. Kananqa kikikimi rabyakur wanushkunata juzganki. Tiempu chämushnami sirvishuqniki profëtakunata y qamman yärakur mansapakushuqnikikunata rïcu kayaptinpis pobri kayaptinpis premiuta qonaykipaq. Runa mayinta wanusiqkunataqa ushakäsinkimi>>.

Apocalípsis 16:14

Say kimsa supaykunaqa milagrukunatapis rurayarqanmi. Maysaypapis aywarmi reykunata y soldädunkunata shuntayarqan lapanpaq munayyuq Tayta Dios juzganan junaq pelyayänanpaq.

1 Samuel 6:20

niyarqan: <>