Apocalípsis 6:15 - Tayta Diospa Wilakuynin

¹⁵ Kay pasacho reykuna, rïcukuna, mandaq soldädukuna, ashmaykuna y wakin runakunapis qaqakunaman y machaykunamanmi pakakuyarqan.

Apocalípsis 6:15 ပူးပေါင်းရင်းမြစ်များ

Génesis 3:8

Say tardi inti jeqaykaptinnami huertacho Tayta Dios puriykarqan. Saycho puriykashqanta mayaskirmi jachakuna rurinman ishkan pakakuyarqan.

Salmo 76:12

12 (13) Paymi mandaq autoridäkunatapis wanurasin. Kay pasacho kaq reykunapis payta mansayanmi.

Isaías 2:10

¡Qaqa uchkunkunaman y pasa rurinmanpis pakakuyay! ¡Mansariypaq, chipipiykaq y munayyuq Tayta Diospita pakakuyay!

Isaías 2:19

Mansariypaq, chipipiykaq y munayyuq Tayta Diosmi runakunata castigananpaq kay pasaman shamunqa. Sayta rikarmi pasaypa mansakäyashpan machaykunaman y pasa uchkukunamanpis pakakuyanqa.

Isaías 2:21

Nirkurmi pasaypa mansarir qaqakuna shilikäyashqanmanpis y machaykunamanpis pakakuyanqa. Sayno pakakuyanqa chipipiykar munayyuq Tayta Dios castigananpaq shamuqta rikarmi.

Isaías 42:22

Sayno kaptinpis manami cäsukuyashsu. Saymi Tayta Dios castigar paykunata suwapäyänanpaq chikiqnin runakunata kacharqan. Kananqa contrankunata mansarmi machaykunaman pakakuyan. Wakinnami calapösucho wichqaraykäyan. Prësu apakuyaptin manami pipis kashsu washänanpaq. Lapan imaykanta apakuyaptinpis manami pipis kashsu qechüsinanpaq.

Miqueas 7:17

Paykunaqa culebrakunanömi alpata mikuyanqa. Pakaraykäyashqanpita yarqamurmi nawpaykiman suksukyaykar chäyämunqa.

Hebreos 11:38

Runakuna chikiyaptinmi saki jirkakunapa y sunyaq raqrakunapa purir machaykunaman pakakuyaq. Tayta Diosman mana yärakuqkunaqa manami mayqanpis paykunano ali kayarqansu.

Apocalípsis 18:23

Pipis mana taptin aksipis mananami kanqanasu. Casaray fiestapis mananami kanqanasu. Qamcho taykaq negociantikuna maysay negociantikunapitapis mas munayyuqmi kayarqan. Brüju karmi maysaychöpis taq runakunata criyisishkanki.

Jueces 6:2

Madianita runakuna fiyupa nakasiyaptinmi Israel runakuna mansariyashpan pakakuyänankunata rurayarqan qaqakunacho, machaykunacho y pipis mana yaykunankunacho.

1 Samuel 13:6

Saymi Israel runakuna pasaypa mansariyashpan pakakuyarqan machaykunaman, raqrakunaman, qaqakunaman, zanjakunaman y saki pözukunamanpis.