Apocalípsis 6:14 - Tayta Diospa Wilakuynin

¹⁴ Jana pasapis rölluno luylukarkur luylukarkurmi elaqakäkurqan. Jirkakuna y lamarcho islakunapis juklämanmi witikuyarqan.

Apocalípsis 6:14 ပူးပေါင်းရင်းမြစ်များ

Salmo 102:26

26 (27) Lapan kamashqayki ushakaptinpis qamqa imaypis kaykankimi. Mödana makwayar ushakashqannömi lapanpis ushakanqa. Mödanata trukasiqnölami trukarasinkipaq. Trukarkasirnaqa manami cäsupankinasu.

Isaías 34:4

Ciëlucho kaqkunapis sulurmi ushakäyanqa. Röllu luylukaykaqnömi ciëlupis luylukäkunqa. Qoyllarkunapis sakish rapranömi shikwayämunqa. Üva jachapa y hïgus jachapa sakish raprannömi shikwayämunqa.

Isaías 54:10

Lömakuna kuyuptinpis jirkakuna qotukäkuyaptinpis qamta imaypis kuyapäshaykimi. Jawka kawanaykipaq pactu rurashqansita imaypis cumplishaqmi>>. Kuyapäshuqniki Tayta Diosmi sayno nin.

Jeremías 3:23

Walälami lömakunacho kaykaq altarkunaman juk dioskunata manakuq aywayashkä. Walälami puntakunachöpis say dioskunapaq fiestata rurayashkä. Tayta Diosnilä, qamlami salvayämanki.

Jeremías 51:25

<

Ezequiel 38:20

Pescädukunapis, pishqukunapis, munti uywakunapis, lätaypa puriqkunapis y runakunapis fiyupa mansarirmi suksukyäyanqa. Jirkakunapis juchunqami, qaqakunapis kuchpakäyanqami y marka murällakunapis juchurmi ushakäyanqa.

Nahum 1:5

Pay shamuptinqa lömakunapis mansariyashpan suksukyäyanmi. Jirkakunapis sulur ushakäyanmi. Kay pasapis y kay pasacho kaqkunapis lapanmi mansariyashpan suksukyäyan.

Habacuc 3:10

Rikayäshushpaykimi jirkakunapis mansariyashpan suksukyäyan. Waqya tamyapis pasaypami tamyamun. Lamarpis bunyaypa bunyarmi qaparan. Yakupis fiyupami pulchaqyan.

Habacuc 3:6

Tayta Dios ichiykuptin pasapis fiyupami suksun. Rikaraptin maysay markakunapis pasaypami mansakäyan. Jirkakuna unaypita pasa karpis juchunmi. Saynölami lömakunapitapis juchu aywan. Tayta Diosmi isanqa mana ushakaq kaykan.

2 Pedro 3:10

[Sakaypa] elaqpita suwa shamushqannömi Señor Jesucristupis elaqpita shamunqa. Pay shamuptinmi intipis, killapis y lapan qoyllarkunapis mansariypaq bunrurur ninawan rupaykar ushakäyanqa. Saynölami kay pasapis y kay pasacho kaqkunapis rupaykälar chipyaq ushakanqa.

Apocalípsis 16:20

Lapan islakunapis y jirkakunapis elaqaskiyarqanmi.

Apocalípsis 20:11

Saypitanami rikarqä jatunkaray yuraq trönuncho Tayta Dios jamaraykaqta. Paypa nawpanpitami kay pasapis y jana pasapis elaqaskiyarqan. Mananami mas rikakäyarqannasu.

Apocalípsis 21:1

Saypitanami mushuq pasatawan mushuq ciëluta rikarqä. Nawpa kaq ciëlupis y nawpa kaq pasapis manami karqannasu. Lamarpis mananami karqannasu.