Apocalípsis 6:12 - Tayta Diospa Wilakuynin

¹² Röllucho soqta kaq laqaraykaq cërata Carnish jorquriptinmi pasa fiyupa suksukyarqan. Say hörami rikarqä inti yanayar lütu tëla niraq rikakuqta y killapis yawar niraq rikakuqta.

Apocalípsis 6:12 ပူးပေါင်းရင်းမြစ်များ

Isaías 24:23

Lapanta mandaq Tayta Dios Sión lömapita mandamuptinmi killapis penqakunqa. Intipis manami asikyanqanasu. Jerusaléncho chipipiykaqta y munayyuq kashqanta mayor runakunapis rikayanqami.

Isaías 29:6

Lapanta mandaq Tayta Dios karmi castiganäpaq shamushaq. Maqakuywan, temblorwan, räyuwan, shukukuywan, mangäda tamyawan y bunyaypa bunyar rupaykaq ninawanmi chikishuqnikikunata ushakäsishaq.

Isaías 34:4

Ciëlucho kaqkunapis sulurmi ushakäyanqa. Röllu luylukaykaqnömi ciëlupis luylukäkunqa. Qoyllarkunapis sakish rapranömi shikwayämunqa. Üva jachapa y hïgus jachapa sakish raprannömi shikwayämunqa.

Isaías 50:3

Munayyuq kashpämi ciëlutapis lütu mödanata jatipaqno sakaskasï>>.

Joel 2:10

Kay pasapis pasaypami mansakanqa. Jana pasapis suksukyanqami. Intipis y killapis sakakäkunqami. Qoyllarkunapis manami asikyäyanqanasu.

Joel 3:15

15 (4.15) Say junaqqa intipis killapis sakakäkuyanqami. Qoyllarkunapis manami asikyäyanqanasu.

Amós 1:1

Kay libruchömi qelqaraykan Amós wilakushqan. Payqa Tecoa markacho taq uysha misiq runami karqan. Amós wilakushqan wisanmi Judá nacioncho Uzías rey kaykarqan y Israel nacionchönami Joáspa surin Jeroboam rey kaykarqan. Amós wilakushqanpita ishkay wata päsarkuptinraqmi fiyupa temblor karqan.

Amós 8:9

Tayta Diosmi nin: <

Zacarías 14:5

Say raqra Azal partiyaq chaptinmi qamkunaqa say jatunkaray raqrapa qeshpiyankipaq. Judá nacionpa mandaqnin rey Uzías kashqan wisan terremötu kaptin unay aylluykikuna qeshpiyashqannömi qamkunapis qeshpiyankipaq. Say hörami santu angilninkunawan Tayta Dios shamunqa.

Mateo 11:21

<<¡Wawalaw, Corazín runakuna! ¡Wawalaw, Betsaida runakuna! Markaykikunacho milagrukunata rurashqäno Tiro markacho y Sidón markacho milagrukunata rurash kaptïqa maynami jusalikuykunata wanakuyashpan qachqa mödanata jatikurkur uchpa janancho jamaräyanman karqan.

Mateo 24:29

<

Mateo 24:7

Juk nacionmi juk nacionwan guërrata rurayanqa y juk marka runakunami juk marka runakunawan wanusinakuyanqa. Saynölami [pestipis,] muchuypis, terremötupis maysaycho kanqa.

Mateo 27:45

Pulan junaqpita malway intiyaqmi pasa sakakurpurqan.

Mateo 27:54

Jesústa täpaykaq capitán y soldädunkunapis pasa suksukyaykaqta mayar y lapan päsashqankunatapis rikarmi fiyupa mansakäyashpan niyarqan: <<¡Rasunpaypami kay runaqa Diospa Surin kash!>>

Mateo 28:2

Aywaykäyaptinmi Tayta Dios kachamushqan ángel jana pasapita urämuptin pasa fiyupa suksukyarqan. Jesús pamparaykashqan sepultüraman chaykurmi saparaq rumita witiskasir jananman jamakuykurqan.

Marcos 15:33

Pulan junaqpita malway intiyaqmi pasa sakakurpurqan.

Apocalípsis 11:13

Say höra pasa fiyupa suksukyaptinmi say markacho cada chunka wayipita juk wayi juchunqa y qanchis waranqa (7,000) runakuna wanuyanqa. Kawaykar quëdaqkunaqa pasaypa mansakashqami Tayta Diosta alabayanqa.

Apocalípsis 16:18

Sayno nimuptinmi asikyaypa asikyar elqukuy rikakämurqan y maqakuy bunrurumushqanpis wiyakämurqan. Pasapis fiyupami suksukyarqan. Runakunata Tayta Dios kamashqanpita pasa manami imaypis sayno suksukyarqansu.

Apocalípsis 16:8

Chusku kaq angilnami sararashqan cöpacho kaykaq castïguta intiman tikwarqan. Saymi inti fiyupa shanaptin runakuna pasaypa nakayarqan.

Apocalípsis 8:12

Chusku kaq ángel cornëtata tukamuptinmi intipis killapis qeshyarqan. Saymi intipis ni killapis shumaq asikyarqannasu. Saynölami cäsi pulan qoyllarkunapis chipipïyarqannasu.

Apocalípsis 8:5

Say angilmi inciensu qoshnisikunanman altarcho kaykaq shanshata winarkur kay pasaman jitaramurqan. Saymi asikyaypa asikyar elqukurqan, maqakuypis seqaypami bunrurumurqan y pasapis fiyupami suksukyarqan.