Apocalípsis 4:9 - Tayta Diospa Wilakuynin

⁹ Trönuncho jamaraykaq imayyaqpis kawaq Tayta Diosta sayno adorar agradëcikur alabayaptinmi

Apocalípsis 4:9 ပူးပေါင်းရင်းမြစ်များ

Salmo 47:8

8 (9) Tayta Diosmi lapan nacionkunapa mandaqnin rey kaykan. Paymi sagrädu trönuncho jamaraykan.

Salmo 48:14

14 (15) Tayta Diosqa imaypis Diosninsimi kaykan. Wanushqansiyaqpis paymi rikaykämansi.

Éxodo 15:18

Tayta Diosmi imayyaqpis rey kaykan.

Isaías 6:1

Rey Uzías wanushqan watachömi Tayta Diosta rikarqä jana pasacho kuyaylapaq trönuncho jamaraykämuqta. Say trönunpita pasami mödananpa kuchun templu junta kaykarqan.

Daniel 12:7

Sayno niptinmi lïnu mödanash runa mayu janancho kaykashqanpita ishkan makinta joqarkur imayyaqpis kawaq Tayta Diospa jutincho jurashpan nirqan: <>.

Daniel 4:34

34 (31) Qanchis wata päsarkuptinmi noqa Nabucodonosor ciëlupa nukirkur Tayta Diosta perdonta manakurqä. Saymi yapay juiciüman kutirkur imayyaqpis kawaq munayyuq Tayta Diosta alabarqä y agradëcikurqä. Mandaq kayninqa mana ushakaqmi kaykan. Mandaq kaynintaqa manami pipis qechunqasu.

Deuteronomio 32:40

Imayyaqpis kawaq Dios kashpämi makïta jana pasaman joqarkur jurar nï:

Hebreos 7:25

Saymi payman yärakuqkunata imaypis salvan Tayta Diospa nawpanman chäyänanpaq. Saynöpis salvash kaqkunapaqmi Tayta Diosta imaypis manakuykan.

Hebreos 7:8

Saynöpis Tayta Diospa palabrancho manami imaypis ninsu Melquisedec wanushqanta. Diezmuta chaskiq cürakunami isanqa wanukuqla kaykäyan. Sayno kaptinmi tantiyansi Leví trïbu cürakunapitapis Melquisedec mas munayyuq kashqanta.

Apocalípsis 1:18

Imayyaqpis kawaqmi kaykä. Imayyaqpis kawanäpaqmi wanusiyämashqanpita kawarimushkä. [Amén.] Noqami sararaykä wanushkunapa almankuna kaykäyashqan llävita.

Apocalípsis 10:6

Sayno joqarkurmi jana pasatapis, kay pasatapis, lamartapis kamaq y imayyaqpis kawaq Tayta Diospa jutincho jurar nirqan: <<¡Tayta Dios mananami mas shuyanqanasu!

Apocalípsis 15:7

Saymi Tayta Diospa trönuncho kaykaq chusku kawaykaqkunapita juk yarqamurqan. Paymi qanchis angilkunata aypurqan qoripita rurash cöpata. Say cöpakunachömi imayyaqpis kawaq Tayta Diospa rabyaynin junta winaraykarqan.

Apocalípsis 21:5

Trönucho jamaraykaqnami nimurqan: <>. Saypitanami nimarqan: <>.

Apocalípsis 4:2

Jinan hörami Espíritu Santu rikasimarqan jana pasacho kaykaq trönuta. Say trönuchömi juk jamaraykarqan.

Apocalípsis 4:8

Say chuskun kawaykaqkuna soqta riprayuqmi kayarqan. Saynöpis intëru cuerpunchömi nawinkuna karqan. Say kawaykaqkunami paqaspa junaqpapis niyarqan: <<¡Santu, santu, santu! ¡Lapanpaq munayyuq Tayta Dios santumi kaykan! ¡Payqa unaypita kawaq, kananpis kaykaq y shamunanpaq kaykaqmi kaykan!>>

Apocalípsis 5:1

Saypitanami trönucho jamaraykaqpa aluq kaq makincho rölluta rikarqä. Say rölluqa jananpa y rurinpami qelqaraykarqan. Qanchis kutimi cërawan kuchun laqararqan.

Apocalípsis 6:16

Saychömi jirka puntakunata y qaqakunatapis niyarqan: <<¡Janäkunaman juchumuy! ¡Trönucho jamaraykaqpis y Carnishpis fiyupa rabyashqami kaykäyan! ¡Paykunapita pakaykayälämay!

Apocalípsis 7:15

Say runakunaqa Tayta Dios jamarashqan trönun nawpanchömi kaykäyan. <