Apocalípsis 4:6 - Tayta Diospa Wilakuynin

⁶ Trönu nawpanpanami kuyaylapaq cristal vidriunöraq lamar rikakarqan. Saynöpis trönu nawpankunapa tumaypami chusku kawaykaqkuna kaykäyarqan. Paykunapami intëru cuerpuncho nawinkuna karqan.

Apocalípsis 4:6 ပူးပေါင်းရင်းမြစ်များ

1 Reyes 7:23

Saynöpis yakuta shuntayänanpaqmi Hiram rurarqan broncipita fundiypa lamar niyashqan jatunkaray redondu lavatoriuta. Say lavatoriupa anchuyninmi karqan chusku metru pulan. Altuyninnami karqan ishkay metru y 25 centïmetru. Kuchunta tumaypa tupuptinmi karqan chunka kimsa metru pulan (13.5).

Job 28:17

Tantiyakuymanqa ni qoripis ni diamantipis manami tinkunsu. Manami alinnin kaq alhäjawanpis trukayta puëdinsisu.

Éxodo 38:8

Maylakuyänanpaqnami lavatoriutapis jamakunantinta broncipita rurarqan. Sayta rurarqan Tinkuna Toldu patiucho aruq warmikunapa espëjunkunapitami.

Ezequiel 10:12

Querubinkunapa waqtankunacho, makinkunacho, riprankunacho y intëru cuerpunchömi nawinkuna karqan. Saynölami ruëdankunachöpis nawinkuna karqan.

Ezequiel 10:14

Say querubinkunaqa chusku qaqlayuqmi kayarqan. Juk qaqlanmi querubinpano karqan, jukaq qaqlanmi runapano karqan, jukaq qaqlanmi leonpano karqan y jukaq qaqlannami ankapano karqan.

Apocalípsis 14:3

Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

Apocalípsis 15:2

Saynöpis rikarqä ninawan talush vidriuno lamartami. Say lamar jananchömi Tayta Diosman yärakuqkuna arpankuna aptash ichiraykäyarqan. Say arpakunata Tayta Diospitami chaskiyarqan. Paykuna manami anticristuta chaskikuyarqansu, ni ïdulunta adorayarqansu ni jutinpa nümeruntapis churakuyarqansu.

Apocalípsis 15:7

Saymi Tayta Diospa trönuncho kaykaq chusku kawaykaqkunapita juk yarqamurqan. Paymi qanchis angilkunata aypurqan qoripita rurash cöpata. Say cöpakunachömi imayyaqpis kawaq Tayta Diospa rabyaynin junta winaraykarqan.

Apocalípsis 19:4

Saypitanami trönuncho jamaraykaq Tayta Diosta adorayänanpaq puntancho kaykaq ishkay chunka chusku (24) mayor runakuna y saycho kaykaq chusku kawaykaqkunapis lätakuykur niyarqan: <<¡Amén! ¡Aleluya!>>

Apocalípsis 21:11

Say marka Tayta Diospa chipipiyninwanmi chipipirqan. Jaspe rumi niraq y cristal vidriu niraqmi kuyaylapaq karqan.

Apocalípsis 21:18

Say murällaqa jaspe rumikunawan perqashqami karqan. Markaqa qorilapita rurash karmi limpiu vidriuno luchuk karqan.

Apocalípsis 21:21

Say murällapa chunka ishkay punkunkunami cada ünun karqan juk perlaspita rurash. Markapa jatun kaq cällinmi karqan chipipiykaq qoripita rurash. Saynöpis karqan vidriu niraqmi.

Apocalípsis 22:1

Saypitanami ángel rikasimarqan imayyaqpis kawasikuq y kuyaylapaq cristal vidriuno chipipiykaq [chuya] mayuta. Say mayu yarqaykämurqan Tayta Dios y Jesucristo jamaraykashqan trönun chakinpitami.

Apocalípsis 4:4

Say trönutami tumapararqan ishkay chunka chusku (24) trönukuna. Say trönukunamanmi yuraq mödanash y qori corönan jatish mayor runakuna jamakuyarqan.

Apocalípsis 5:11

Saypitanami rikarqä yupaytapis mana atipaypaq angilkuna Carnishta alabaykäyaqta. Paykunami trönupa nawpancho, chusku kawaykaqkunapa nawpancho y ishkay chunka chusku (24) mayor runakunapa nawpanchöpis alabar

Apocalípsis 5:14

Sayno alabayaptinmi Tayta Diospa nawpancho kaykaq chusku kawaykaqkuna <<¡amén!>> niyarqan. Saynöpis ishkay chunka chusku (24) mayor runakuna lätakuykur [imayyaqpis kawaq] Tayta Diosta adorayarqan.

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Apocalípsis 5:8

Chaskirkuptinmi nawpancho kaq chusku kawaykaqkuna y saycho kaq ishkay chunka chusku (24) mayor runakunapis puntanman lätakuykur adorayarqan. Paykuna lapanmi arpankunawan kayarqan. Saynöpis qoripita rurash tazonwanmi inciensuta sararäyarqan. Say inciensu karqan Tayta Diosman yärakuqkuna manakuyashqanmi.

Apocalípsis 6:1

Saychömi rikarqä röllucho punta kaq laqaraykaq cërata Carnish jorquqta. Jorquriptinmi nawpancho kaq chusku kawaykaqkunapita juknin maqakuynöraq qayakamur nimurqan: <<¡Shamuy!>>

Apocalípsis 6:6

Saymi say chusku kawaykaqkunapa chawpinpita kayno nimuqta wiyarqä: <<¡Muchuymi kanqa! Saymi juk junaq arur gänayashqan aypanqa juk kïlu trïguta o kimsa kïlu cebädata rantiyänalanpaq. Muchuy kaptinpis aceititawan vïnutaqa ama ushakäsiysu>>.

Apocalípsis 7:11

Saymi Tayta Diospa puntancho kaykaq chusku kawaykaqkuna, ishkay chunka chusku (24) mayor runakuna y lapan angilkunapis lätakuykur Tayta Diosta alabar

Apocalípsis 7:17

Tayta Dios jamarashqan trönun nawpancho Carnishmi paykunata misinqa. Imaypis mana yakunäyänanpaqmi kawasikuq yakuman pushanqa. Kikin Tayta Diosmi shoqashpan weqinkunatapis pisapanqa>>.