Apocalípsis 4:4 - Tayta Diospa Wilakuynin

⁴ Say trönutami tumapararqan ishkay chunka chusku (24) trönukuna. Say trönukunamanmi yuraq mödanash y qori corönan jatish mayor runakuna jamakuyarqan.

Apocalípsis 4:4 ပူးပေါင်းရင်းမြစ်များ

Ester 8:15

Mardoqueuqa palaciupita yarqamurqan azulwan yuraq sotänan jatish, qori corönan jatish y granäti lïnu cäpan jatishqami. Rikaykurmi Susacho taq runakuna lapanpis kushikushpan büllata rurayarqan.

Salmo 21:3

3 (4) Vinciskir kutimuptin kushishqami chaskishkanki. Qori corönatami jatipashkanki.

Mateo 19:28

Sayno niptinmi Jesús nirqan: <

Lucas 22:30

Sayno churaptïmi mandaykashqächo noqawan mikuyanki y upuyanki. Saynöpis trönucho jamayanki chunka ishkay trïbu Israel runakunata mandayänaykipaq>>.

2 Timoteo 4:8

Kananqa shuyaraykä ali juzgaq juez Señor Jesucristo kutimunan junaq corönata entregamänanpaq kashqantami. Say coröna kaykan paypa nawpancho jusaynaqta chaskimashqanmi. Manami noqalasu corönata chaskishaq, sinöqa Jesucristuta shuyakuqkuna lapanmi chaskiyanqa.

Apocalípsis 11:16

Saymi Diospa puntancho kaykaq ishkay chunka chusku (24) mayor runakuna trönunkunacho jamaraykäyashqanpita lätakuykur Tayta Diosta adorayashpan

Apocalípsis 14:3

Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

Apocalípsis 19:14

Paytami jana pasapita kaq soldädukuna yuraq cawallunkuna loqash qatiräyarqan. Paykunami fïnu lïnupita rurash yuraq y limpiu mödanankuna jatish kayarqan.

Apocalípsis 19:4

Saypitanami trönuncho jamaraykaq Tayta Diosta adorayänanpaq puntancho kaykaq ishkay chunka chusku (24) mayor runakuna y saycho kaykaq chusku kawaykaqkunapis lätakuykur niyarqan: <<¡Amén! ¡Aleluya!>>

Apocalípsis 2:10

<

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 3:18

Rasunpaypa rïcu kayta munarqa ninawan sulusish qori püruta noqapita rantiyay. Qarapächu kayta mana munarqa yuraq mödanata noqapita rantiyay. Qapra kayta mana munarqa noqapita jampita rantiyay. Saynöpami rïcu, ali mödanash y ali rikaq kayanki.

Apocalípsis 4:10

say ishkay chunka chusku (24) mayor runakunapis imayyaqpis kawaq Tayta Diospa nawpanman lätakuykur adorayarqan. Corönankunata jorqur Tayta Diospa trönunpa nawpanman churaykuyashpanmi niyarqan:

Apocalípsis 4:6

Trönu nawpanpanami kuyaylapaq cristal vidriunöraq lamar rikakarqan. Saynöpis trönu nawpankunapa tumaypami chusku kawaykaqkuna kaykäyarqan. Paykunapami intëru cuerpuncho nawinkuna karqan.

Apocalípsis 5:11

Saypitanami rikarqä yupaytapis mana atipaypaq angilkuna Carnishta alabaykäyaqta. Paykunami trönupa nawpancho, chusku kawaykaqkunapa nawpancho y ishkay chunka chusku (24) mayor runakunapa nawpanchöpis alabar

Apocalípsis 5:14

Sayno alabayaptinmi Tayta Diospa nawpancho kaykaq chusku kawaykaqkuna <<¡amén!>> niyarqan. Saynöpis ishkay chunka chusku (24) mayor runakuna lätakuykur [imayyaqpis kawaq] Tayta Diosta adorayarqan.

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Apocalípsis 5:8

Chaskirkuptinmi nawpancho kaq chusku kawaykaqkuna y saycho kaq ishkay chunka chusku (24) mayor runakunapis puntanman lätakuykur adorayarqan. Paykuna lapanmi arpankunawan kayarqan. Saynöpis qoripita rurash tazonwanmi inciensuta sararäyarqan. Say inciensu karqan Tayta Diosman yärakuqkuna manakuyashqanmi.

Apocalípsis 6:11

Sayno niyaptinmi Tayta Dios nirqan: <>. Sayno nirmi say almakunata yuraq mödanata jatiparqan.

Apocalípsis 7:11

Saymi Tayta Diospa puntancho kaykaq chusku kawaykaqkuna, ishkay chunka chusku (24) mayor runakuna y lapan angilkunapis lätakuykur Tayta Diosta alabar

Apocalípsis 7:9

Saypitami rikarqä Tayta Dios jamarashqan trönupa nawpancho y Carnishpa nawpancho yupaytapis mana atipaypaq saysika runakuna palmankuna aptash y yuraq mödanan jatish kaykäyaqta. Paykuna kayarqan maysay nación runakuna, maysay trïbu runakuna, maysay marka runakuna y tukuy idiömata parlaq runakunami.

Apocalípsis 9:7

Say chukluskuna kayarqan guërraman aywayänanpaq kamarish cawallukunanömi. Umancho qori corönan jatishnömi kayarqan. Qaqlanpis runapa qaqlanömi karqan.