Apocalípsis 21:27 - Tayta Diospa Wilakuynin

²⁷ Sayman manami yaykuyanqasu jusasapakuna, lutanta ruraqkuna ni lulakuqkunapis. Sayman yaykuyanqa Libru de la Vïdacho jutinkuna qelqaraykaqkunalami. Say libruqa Carnishpa librunmi kaykan.

Apocalípsis 21:27 ပူးပေါင်းရင်းမြစ်များ

Salmo 101:8

Cada tuta juzgashpämi fiyu runakuna wanusish kayänanpaq nishaq. Tayta Dios akrashqan markapita paykunata elaqäsishaqmi.

Éxodo 32:32

Saymi perdonaykunaykipaq ruwakulä, Taytay. Mana perdonarqa libruykicho qelqaraykaq jutïtapis börrariykulay>>.

Isaías 35:8

Saypami nänipis aywaranqa. Say nänipa jutinmi kanqa Diosman Chäna Sagrädu Näni. Jusalikuq runaqa manami say nänipa purinqasu. Mana tantiyakuq runakunaqa say näniman manami jaruylapis jaruyanqasu. Tayta Dios munashqanno kawaq runakunalami say nänipa puriyanqa.

Isaías 52:1

¡Sión, rikchay, rikchay! ¡Shumaq kalpasakuy! ¡Santu Jerusalén marka, kuyaylapaq mödanaykita jatikuy! Diosta mana cäsukuq jäpa runakuna manami imaypis atacayäshunkinasu.

Isaías 60:21

<

Ezequiel 44:9

Israel markakunacho tarpis señaläni mana cäsukamaq jäpa runakunaqa manami templüman yaykuyanqasu>. Tayta Diosmi sayno nin.

Joel 3:17

17 (4.17) Tayta Diosmi nin: <

Levítico 13:46

Say runaqa lepran aliyashqanyaq impürumi kanqa. Sayno karqa aliyashqanyaq campamentupita juklächo täkunqa.

Zacarías 14:21

Intëru Jerusaléncho y Judáchöpis lapan mankakunami lapanta mandaq Tayta Diospaq santu kayanqa. Santu kaptinmi pipis adorayänanpaq shamur say mankakunawan apayämushqan sacrificiuta yanukuyanqa. Say wisanqa lapanta mandaq Tayta Diospa templuncho rantikuqkuna manami kayanqanasu.

Números 12:15

Saymi campamentupita qanchis junaqyaq Maríata qarquyarqan. Pay kutimushqanyaqmi Israel runakuna jinalancho kaykäyarqan.

Números 5:3

Campamentu impüru mana rikakunanpaq warmi kaptinpis olqu kaptinpis qarquyanki. Campamentuchöqa qamkunawanmi noqa taykä>>.

Mateo 13:41

Say junaqmi angilninkunata Runapa Surin kachamunqa jusalikasiqkunata y jusalikuqkunatapis mandashqanpita shuntaykur

Marcos 7:2

Saychömi rikayarqan Jesúspa discïpulunkuna makinta mana maylakuylapa mikuykäyaqta.

Lucas 10:20

Supaykuna wiyakuyäshushqaykipita kushikurpis jana pasacho jutikikuna qelqaraykashqanpita mas kushikuyay>>.

Efesios 5:5

Shumaq tantiyakuyay: fornicación jusata jusalikuqkuna y wachakash kaqkunaqa manami Tayta Dios y Jesucristo mandashqanman yaykuyanqasu. (Wachakash kaqkunaqa ïduluta adoraqnömi kaykäyan.)

Filipenses 4:3

Wilakuq mayï, qamtapis ruwämi paykunata amistasinaykipaq. Jesucristupa wilakuyninta Clementiwan y wakin wilakuq mayïkunawanpis wilakuptï say warmikuna alimi yanapäyämash. Libru de la Vïdachömi paykunapa jutinkunapis qelqaraykäyan.

1 Timoteo 1:10

Saynöpis kaykan majanta qanrataqkunapaq, olqupura kakuqkunapaq, warmipura kakuqkunapaq, runa mayinta rantikuqkunapaq, lulakuqkunapaq, manakaqta jitapar runa mayinpa contran sharkuqkunapaq y ali yachasikuyta mana cäsukur ima jusatapis jusalikuqkunapaqmi.

Hebreos 12:14

Pïmaywanpis kuyanakur ali kawayay. Saynöpis mana jusalikuypa Tayta Dios munashqanno kawayay. Jusalikur kawaqkunaqa manami pipis Tayta Diospa nawpanman chanqasu.

2 Pedro 3:13

Noqansimi isanqa Tayta Dios promitishqannöla mushuq ciëluta y mushuq pasata shuyakuykansi. Saychöqa Tayta Dios munashqannömi lapanpis ali kanqa.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.

Apocalípsis 20:12

Saynöpis rikarqä lapan wanuq runakuna, yachaqpis mana yachaqpis, Tayta Diospa puntancho ichiraykäyaqta. Saypitanami librukunata kichar Libru de la Vïdatapis Tayta Dios kicharqan. Say librukunata rikaykurmi alita o mana alitapis rurayashqanman tupu runakunata juzgarqan.

Apocalípsis 20:15

Saymanmi Libru de la Vïdacho jutinkuna mana qelqaraq kaq runakunatapis qaykurirqan.

Apocalípsis 21:8

Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.

Apocalípsis 3:5

Imano nakarpis mana ajayaypa yärakamuqkunaqa yuraq mödanan jatishqami kayanqa. Paykunapa jutinkunata Libru de la Vïdapita manami börrashaqsu. Taytäpa y angilkunapa nawpanchömi favornin parlashaq.