Apocalípsis 21:23 - Tayta Diospa Wilakuynin

²³ Kikin Tayta Dios y Carnish asikyapaptinmi intipis ni killapis kanqanasu.

Apocalípsis 21:23 ပူးပေါင်းရင်းမြစ်များ

Salmo 84:11

11 (12) Tayta Diosmi kawayta qomansi y escüduno imaykapitapis sapämansi. Paymi kuyamansi y aliman churamansi. Munashqanno kawaqkunataqa ali kaqkunatami kamaripan.

Isaías 2:10

¡Qaqa uchkunkunaman y pasa rurinmanpis pakakuyay! ¡Mansariypaq, chipipiykaq y munayyuq Tayta Diospita pakakuyay!

Isaías 2:19

Mansariypaq, chipipiykaq y munayyuq Tayta Diosmi runakunata castigananpaq kay pasaman shamunqa. Sayta rikarmi pasaypa mansakäyashpan machaykunaman y pasa uchkukunamanpis pakakuyanqa.

Isaías 2:21

Nirkurmi pasaypa mansarir qaqakuna shilikäyashqanmanpis y machaykunamanpis pakakuyanqa. Sayno pakakuyanqa chipipiykar munayyuq Tayta Dios castigananpaq shamuqta rikarmi.

Isaías 24:23

Lapanta mandaq Tayta Dios Sión lömapita mandamuptinmi killapis penqakunqa. Intipis manami asikyanqanasu. Jerusaléncho chipipiykaqta y munayyuq kashqanta mayor runakunapis rikayanqami.

Isaías 30:26

Say wisanqa kuyashqan runakunata castigar däñashqanta Tayta Diosmi jampinqa. Killapis intinöraqmi asikyanqa. Intipis qanchis intinöraqmi asikyanqa.

Habacuc 3:3

Temán markapitami Tayta Dios shamun. Parán lömapitami santu Dios shamun. Selah Intëru ciëluchömi munayyuq kashqan rikakaykan. Intëru pasachömi payta alabaykäyan.

Mateo 16:27

<

Marcos 8:38

Jusasapa runakunapa nawpancho pipis noqapita y wilakuynïpita penqakuptinqa Runapa Surinpis Tayta Diospa munayninwan y santu angilninkunawan shamurmi paypita penqakunqa>>.

Lucas 2:32

Mana Israel runakunapaqpis aksimi kanqa. Pay kayninpami kuyashqayki Israel runakunapis reqish kayanqa>>.

Juan 1:14

Diospa Palabran kay pasaman shamurmi runano yurirqan. Noqakunawanmi kay pasacho purirqan. Tayta Diospa juklayla Surin kaptinmi munayyuq kaykaqta rikayarqä. Kuyapäkuq y rasun kaqlata parlaqmi karqan.

Juan 1:18

Manami pipis Tayta Diosta imaypis rikashsu. Juklayla Surinmi isanqa, Dios kar y Tayta Dioswan juklayla kar, Tayta Diospita musyasimashkansi.

Juan 1:4

Paychömi mana ushakaq kaway kaykan. Say kawaymi runakunapaq aksi kaykan.

Juan 1:9

Rasunpaypa kaq aksi lapan runakunatami asikyapan. Paymi kay pasaman shamurqan.

Juan 17:24

<

Juan 5:23

Sayno churamash kikinta adorayashqannöla noqatapis lapan runakuna adorayämänanpaqmi. Saymi noqata mana adoramaq kaqqa Taytätapis adoraykansu.

Hechos 22:11

Asikyämuqpa chipipiyninwan qaprayash rikakuptïmi noqawan aywaykaqkuna janchaylapa Damascuman chäsiyämarqan.

Apocalípsis 14:4

Paykunaqa warmiwan mana kakuq runakuna karmi doncëlla jipashno püru kaykäyan. Imano nakarpis Carnish munashqannömi kawayarqan. Paykunata salvarqan Tayta Diospaq y Carnishpaq primiciano kayänanpaqmi.

Apocalípsis 18:1

Saypitanami rikarqä munayyuq juk ángel jana pasapita uraykämuqta. Chipipiyninmi intëru pasata asikyaparqan.

Apocalípsis 21:11

Say marka Tayta Diospa chipipiyninwanmi chipipirqan. Jaspe rumi niraq y cristal vidriu niraqmi kuyaylapaq karqan.

Apocalípsis 21:25

Say markacho pasa mana sakaptinmi imaypis punkunkunata wichqayanqasu.

Apocalípsis 22:5

Say markachöqa pasapis mananami sakanqanasu. Chipipiyninwan Tayta Dios asikyapaptinmi intitapis ni ima aksitapis nistäyanqanasu. Say runakunami imayyaqpis mandayanqa.

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Apocalípsis 7:17

Tayta Dios jamarashqan trönun nawpancho Carnishmi paykunata misinqa. Imaypis mana yakunäyänanpaqmi kawasikuq yakuman pushanqa. Kikin Tayta Diosmi shoqashpan weqinkunatapis pisapanqa>>.