Apocalípsis 20:6 - Tayta Diospa Wilakuynin

⁶ Puntata kawarimuqkunaqa kushishqami kayanqa. Paykunaqa Tayta Dios kuyashqan santu runakunami kayanqa. Saymi qepa kaq wanuyman chäyanqasu. Saypa trukanqa Tayta Diosta y Jesucristuta sirviq cürakuna kayashpanmi Jesucristuwan waranqa wata mandayanqa.

Apocalípsis 20:6 ပူးပေါင်းရင်းမြစ်များ

Isaías 4:3

Saymi Sión lömacho quëdaqkunapaq y Jerusaléncho kachaykuyashqan kaqkunapaq runakuna niyanqa: <>. Say niyashqannömi kayanqa lapanpis Jerusaléncho padrunash kaqkuna.

Isaías 61:6

Saynöpis Tayta Diospa cürankuna kayashqaykitami niyäshunkipaq. Tayta Diosninsita sirviq kayashqaykitami parlayanqa. Juklä nación runakunapa riquëzankunawanmi quëdayankipaq. Seqaypa chanin cuestaq adornunkunata jatikurmi kushikuyankipaq.

Daniel 12:12

Kushishqami kawayanqa juk waranqa kimsa pachak kimsa chunka pisqa (1,335) junaqyaq mana ajayaypa shuyaraqkunaqa.

Lucas 14:15

Saymi mësacho Jesúswan jamaraykaq juk runa nirqan: <<¡Ima kushishqaraq kayanqa Tayta Dios mandaykashqancho mikuqkuna!>>

Romanos 12:1

Wawqi panikuna, qamkunatami ruwä Tayta Diospa makinman kawaynikita churaykuyänaykipaq. Pay kuyapaykäyäshuptikiqa kawaykaq santu sacrificiu kaykuyälay. Sayno karmi Tayta Dios munashqanno rasunpaypa sirviyanki.

Romanos 8:17

Tayta Diospa wamran karmi pay promitishqan herenciata Jesucristo chaskishqanno noqansipis chaskishun. Imano nakarpis Jesucristuman yärakurqa paywanmi gloriacho kawashun.

2 Timoteo 2:12

Nakayta awantarqa paywanmi mandashun. Ñëgashqaqa paypis ñëgamäshunmi.

1 Pedro 2:5

Qamkunapis rumino kayaptikimi Tayta Dios churaykäyäshunki templun kayänaykipaq y payta sirviq santu cürakuna kayänaykipaqpis. Saymi altarman churash sacrificiuno kashpansi lapan shonquykikunawan payta sirviyänayki. Jesucristupa yanapayninwan sirvirmi Tayta Diospa shonqunpaqno kayankipaq.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

Apocalípsis 1:6

Mandamaqninsi rey kashpanmi makincho kanansipaq shuntamashkansi. Saynöpis Papänin Tayta Diosta sirviq cürakuna kanansipaqmi churamashkansi. ¡Jesucristo imaypis alabash kaykuläsun! ¡Pay japalan mandamaqninsi kaykuläsun! Amén.

Apocalípsis 14:13

Saypitanami wiyarqä jana pasapita kayno nimuqta: < >>. Santu Espïritupis nirqan: <<¡Aw, paykunaqa mananami nakayanqanasu, sinöqa jawkanami kawayanqa! Payman yärakur alita rurayashqankunata Tayta Dios manami qonqanqasu>>.

Apocalípsis 2:11

<>.

Apocalípsis 20:14

Saypitanami wanuytapis Hadestapis nina qochaman qaykurqan. Say nina qochami qepa kaq wanuy kaykan.

Apocalípsis 21:8

Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.

Apocalípsis 22:5

Say markachöqa pasapis mananami sakanqanasu. Chipipiyninwan Tayta Dios asikyapaptinmi intitapis ni ima aksitapis nistäyanqanasu. Say runakunami imayyaqpis mandayanqa.

Apocalípsis 22:7

Saynöpis Jesucristo nin: <>.

Apocalípsis 3:21

Imano nakarpis mana ajayaypa yärakamuqkunataqa noqawan mandaq kayänanpaqmi churashaq. Satanásta vincishqäpitami noqatapis Taytä churamash paywan imayyaqpis mandaq kanäpaq.

Apocalípsis 5:10

Tayta Diosninsipa makincho kayänanpaq y sirviqnin cürakuna kayänanpaqmi churashkanki. Paykunami pasacho mandaq kayanqa>>.