Apocalípsis 2:12 - Tayta Diospa Wilakuynin

¹² <

Apocalípsis 2:12 ပူးပေါင်းရင်းမြစ်များ

Isaías 11:4

Pïninpis mana kaqkunapa favorninmi sharkunqa. Pobrikunatapis intëru nacionninsichömi respitasinqa. Parlashlanwanmi runakuna wanuyanqa. Fiyu runakunatapis juk pükaylami ushakärasinqa.

Isaías 49:2

Parlashqäpis ali afilash espädano kananpaqmi kamakäsish. Makinwanmi imaykapitapis sapämash. Llawchi punta flëchano kanäpaqmi churamash. Flëchanta purisikunanman winashnömi kaykä.

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

Apocalípsis 1:11

<<[Alfa y Omegami noqa kaykä. Qalaykunan y ushananmi kaykä.] Revelacioncho rikasishqäkunata juk rölluman qelqarkur apasiy [Asia provincia] qanchis markakunacho kaykaq iglesiakunaman. Say markakuna kaykäyan Éfeso, Esmirna, Pérgamo, Tiatira, Sardis, Filadelfia y Laodiceami>>.

Apocalípsis 1:16

Aluq kaq makinchömi qanchis qoyllarkunata sarararqan. Shiminpitanami ishkan lädunpa afilash espäda yarqamurqan. Qaqlanpis intinöraqmi chipipirqan.

Apocalípsis 19:15

Yuraq cawallun loqaraqpa shiminpitami afilash espäda yarqamurqan. Nacionkunata say espädawan vincirkurmi fiërru väran aptakurkur mandanqa. Nacionkunata castigarmi üvata jarukunan pözucho jaruqno castiganqa. Sayno castigarmi lapanpaq munayyuq Tayta Dios fiyupa rabyashqanta musyasinqa.

Apocalípsis 19:21

Anticristupa soldädunkunatanami yuraq cawallun loqash runaqa shiminpita yarqamuq espädawan wanusirqan. Say wanuqkunapa aysantanami wiskurkuna pacha junta mikuyarqan.

Apocalípsis 2:1

<<Éfeso markacho kaykaq iglesiapa angilninpaq kay nishqäta qelqay: Noqami aluq kaq makïcho qanchis qoyllarkunata sararaykä. Qoripita rurash qanchis candelabrukunapa chawpinchömi purï.

Apocalípsis 2:16

Sayno kaykaptinqa wanakuyashpayki say yachasikuykunata kachariyay. Mana kachariyaptikiqa qamkuna kaqman elaqpita shamur shimïpita yarqamuq espädawanmi ushakäsiyäshayki.

Jueces 3:16

Impuestuta manaraq aparmi Aodqa pulan metru largutano ishkan lädunpa afilash espädata rurarqan. Nirkurmi mödanan rurinpa aluq kaq seqlanman jatirkurqan.