Apocalípsis 19:6 - Tayta Diospa Wilakuynin

⁶ Saypitanami aska runakuna alabaykäyaqta wiyarqä. Say alabayashqan wiyakarqan aska yaku aywar qaparaqno y maqakuy bunruruqnömi. Say runakunami niyarqan: <<¡Aleluya! ¡Lapanpaq munayyuq Tayta Diosninsi mandaykannami!

Apocalípsis 19:6 ပူးပေါင်းရင်းမြစ်များ

Job 40:9

¿Noqano kalpayuqku kaykanki? ¿Maqakuynöraqku parlashqaykipis wiyakan?

Salmo 47:2

2 (3) Poderyuq Tayta Diosqa mansariypaqmi. Paymi intëru kay pasacho kaqkunapa mandaqnin rey kaykan.

Salmo 47:7

7 (8) Paymi intëru pasacho kaqkunapa mandaqnin rey kaykan. Salmuta cantar lapan shonqunsiwan payta alabashun.

Salmo 77:18

18 (19) Löcu wayra rurinchömi maqakuyniki pashtashqanpis wiyakämurqan. Elqukuynikipa asikyayninwanmi pasapis rikakarqan. Temblorwanmi pasapis fiyupa kuyurqan.

Salmo 93:1

¡Tayta Diosmi mandamaqninsi rey kaykan! ¡Tayta Diosmi chipipiykaq mödanan jatish kaykan! ¡Paymi imayyaqpis munayyuq kaykan! Paymi kay pasatapis shumaq takyasish mana kuyukunanpaq.

Salmo 97:1

¡Tayta Diosmi mandamaqninsi rey kaykan! ¡Kay pasacho taqkuna, kushikuyay! ¡Maysay islacho taqkunapis, kushikuyay!

Salmo 97:12

Ali runakuna, Tayta Diospa makincho kayashqaykipita kushikuyay. Paypa jutinta joqarir alabayay.

Salmo 99:1

¡Tayta Diosmi mandamaqninsi rey kaykan! Querubinkunapa chawpinchömi trönunpis kaykan. Juzgaptin kay pasapis y lapan runakunapis suksukyäyanqami.

Isaías 52:7

Jirkakunapa shamur ali wilakuyta apamuq runa seqaypa kushikuypaqmi kaykan. Say wilakuq runami jawka kawanansipaq kaqta y salvashna kanansipaq kaqta wilakun. Sióntami nin: <<¡Tayta Diosnikimi lapantapis mandaykan!>>

Jeremías 51:48

Norti kaqläpita shamurmi Babilonia nacionta ushakäsiyanqa. Saymi jana pasapis, kay pasapis y kay pasacho lapan imayka kaqkunapis kushikuypita cantayanqa. Noqa Tayta Diosmi sayno nï.

Ezequiel 1:24

Paykuna aywayaptin riprankuna sapsapyashqan sinchipami wiyakarqan. Say karqan fiyupa jakash mayu bunyashqanno, lapanpaq munayyuq Tayta Diospa vozninno, saysika runakuna parlayashqanno y aska soldädukuna qaparäyashqannömi. Aywaykäyashqancho ichikuykuyaptinqa riprankunapis shuntakäkuqmi.

Ezequiel 43:2

Saypitami rikarqä Israel runakunata kuyaq Tayta Diospa chipipiynin inti jeqamunan kaqläpita aywaykämuqta. Jakash mayu qayarashqannöraqmi shamushqan wiyakämurqan. Chipipiyninwanmi kay pasapis fiyupa asikyarqan.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

Apocalípsis 1:15

Chakinkunapis waylash broncinöraqmi chipipirqan. Parlashqanpis aska yaku aywar qaparaqnöraqmi karuman wiyakarqan.

Apocalípsis 1:8

Unaypita kawaq, kananpis kaykaq y shamunanpaq kaykaq munayyuq Tayta Diosmi nin: <>.

Apocalípsis 12:10

Saypitami wiyarqä jana pasapita sinchipa nimuqta: <<¡Kananqa yärakuqkunata Tayta Diosninsi salvananpaq kaq höra chämushnami! ¡Tayta Diosninsi munayninwan mandaykashqanqa chämushnami! ¡Kananpitaqa Jesucristunami lapantapis makincho sararanqa! ¡Satanásqa jana pasapita qarqushnami kaykan! ¡Tayta Diosman yärakuqkunata paqasta junaqta tumpaq Satanás vincishnami kaykan!

Apocalípsis 14:2

Jana pasapitami wiyakämurqan aska yaku raqrapa bunyaypa bunyar aywaqno y maqakuy bunruruqno. Saynöpis saysika arpakunata tukayämushqannömi wiyakämurqan.

Apocalípsis 19:1

Saypitanami wiyarqä jana pasacho saysika runakuna sinchipa kayno nimuqta: <<¡Aleluya! ¡Tayta Diosninsimi munayninwan runakunata salvan! ¡Payqa lapanpaq munayyuqmi kaykan! [¡Payta pïmaypis alabasun!]

Apocalípsis 19:4

Saypitanami trönuncho jamaraykaq Tayta Diosta adorayänanpaq puntancho kaykaq ishkay chunka chusku (24) mayor runakuna y saycho kaykaq chusku kawaykaqkunapis lätakuykur niyarqan: <<¡Amén! ¡Aleluya!>>

Apocalípsis 21:22

Say markachöqa templuta manami rikarqäsu. Saychöqa lapanpaq munayyuq Tayta Dios y Carnishmi templu kaykan.

Apocalípsis 4:5

Chawpincho kaykaq trönupitami asikyaypa asikyar elqukuy yarqamurqan. Maqakuypis bunruruypa bunrururmi wiyakämurqan. Trönupa nawpanchömi qanchis candelabrukuna rataraykäyarqan. Saykuna kayarqan Tayta Diospa qanchis espïritunkunami.

Apocalípsis 6:1

Saychömi rikarqä röllucho punta kaq laqaraykaq cërata Carnish jorquqta. Jorquriptinmi nawpancho kaq chusku kawaykaqkunapita juknin maqakuynöraq qayakamur nimurqan: <<¡Shamuy!>>

Apocalípsis 8:5

Say angilmi inciensu qoshnisikunanman altarcho kaykaq shanshata winarkur kay pasaman jitaramurqan. Saymi asikyaypa asikyar elqukurqan, maqakuypis seqaypami bunrurumurqan y pasapis fiyupami suksukyarqan.