Apocalípsis 18:6 - Tayta Diospa Wilakuynin

⁶ Jukta nakasiyashqannöla kikintapis castigar nakaykasilay, Tayta Dios. Jusalikushqanman tupu yapa yaparkur castigaykulay.

Apocalípsis 18:6 ပူးပေါင်းရင်းမြစ်များ

Salmo 137:8

¡Babilonia marka! Qamtapis ushakäsiyäshunkipaqmi. Nakasiyämashqaykipita ushakäsishuqnikikuna kushish kawaykuyäläsun.

Salmo 28:4

Rurayashqanman tupu paykunata juzgaykulay. Jusalikuyashqanman tupu castigaykulay.

Isaías 40:2

Jerusalén manana lakikunanpaq ali shimilaykipa wilar niyay. Ali cösa llëvarkasirmi jusalikuyashqanta perdonashkä>>.

Isaías 61:7

Nawpata fiyupa penqayman y manakaqman churarkuyäshushpaykipis respitayäshushpayki favornikinami parlayanqa. Aska riquëzata chaskirmi nacionnikicho imayyaqpis kushish kawayanki.

Jeremías 16:18

Qamkunata rikashkämi manakaq ïduluykikunata adorar qoykushqä nacionta impüruyäsiyashqaykita. Sayno rurayashkanki intëru kay nacionnïchömi. Saymi qamkunataqa ali cösa llëvasiyäshayki>>.

Jeremías 17:18

Penqayman churamänaykipa trukanqa qatikachämaqkunata penqayman churaykuy. Noqata castigamänaykipa trukanqa paykunata castigaykuy. Paykunata ima desgraciapis päsaykuläsun.

Jeremías 50:15

¡Intëru kuchunpa atacar qaparäyay! ¡Babilonia vincishnami kaykan! ¡Rikachakuna törrinkunapis tunishnami! ¡Murällankunapis juchushnami! Imanömi qamkunata rurayäshurqayki, sayno kikinkunatapis rurayay. Noqa castigaptïmi Babilonia runakunata sayno atacayanki.

Jeremías 50:29

<<¡Babiloniata atacayänaykipaq flëchawan flëchaqkunata shuntayay! ¡Pipis mana qeshpinanpaq intëru marka kuchunpa sapaskiyay! ¡Rurayashqanman tupu tumanta kutisiyay! ¡Imanömi jukta rurarqan, sayno paykunatapis rurayay! Paykunaqa conträmi sharkuyash. Noqaqa Israel runakunapa santu Tayta Diosninmi kä.

Jeremías 51:24

<

Jeremías 51:49

Babilonia runakuna sayno ushakäyanqa Israel runakunata y juklä nación runakunatapis wanusiyashqanpitami.

Lamentaciones 3:64

Tayta Dios, paykunataqa jusalikuyashqanman tupu castigaykulay.

Zacarías 9:12

¡Jäpa nacioncho tarpis kutimuyta yarparqa nacionnikiman kutikayämuyna! Aläpa nakayashqaykipita ishkay kuti mastami bendicionnïta churamushaq.

2 Timoteo 4:14

Fiërru takaq Alejandrumi pasaypa conträ rikakush. Sayno kashqanpita Señor Jesucristumi juzganqa.

Apocalípsis 13:10

Carcilcho wichqaraqpaq kaqkunaqa carcilchömi wichqaräyanqa. Wanusish kayänanpaq kaqkunaqa wanusishqami kayanqa. Sayno päsaptinpis Diosman yärakuqkunaqa pacienciakuyäsun. Imano nakarpis payman yärakuyäsun.

Apocalípsis 14:10

cöpa junta winaraykaq rabyaynintami Tayta Dios mana kuyapaypa upusinqa. Carnish y santu angilninkunapis rikaykäyaptinmi say runakuna azufrintin nina rataykaqcho rupar nakayanqa.

Apocalípsis 16:19

Jatunkaray Babilonia markacho taq runakuna jusalikuyashqanpitami cöpa junta winaraykaq rabyayninta Tayta Dios upusir fiyupa castigarqan. Sayno castigaptinmi say marka kimsaman rachikarqan. Wakin markakunanami pasaypa juchur ushakäyarqan.

Apocalípsis 17:2

Say warmiwanqa mana penqakuypami mandaq reykuna kakuyash. Mana ali costumbrinkunaqa shinkäsikuq vïnunömi kaykan. Say vïnuta upurmi kay pasacho runakuna shinkäyarqan>>.

Apocalípsis 17:4

Warmipa mödananmi karqan granäti y puka püru tëlapita. Qoriwan, kuyaylapaq rumikunawan y perlaskunawanpis adornashqami kaykarqan. Sararashqan qori cöpachömi winararqan lapan jusalikushqankuna. Sayqa pasaypa melanaypaqmi karqan.

Apocalípsis 18:20

Jana pasacho kaqkuna, ¡kushikuyay! Apostolkuna, profëtakuna y Diosman lapan yärakuqkunapis, ¡kushikuyay! Qamkunata wanusiyäshushqaykipitami Tayta Dios say markata chipyaq ushakäsish.