Apocalípsis 18:24 - Tayta Diospa Wilakuynin

²⁴ Qamchömi profëtakunapa, Diosman yärakuqkunapa y maysay runakunapa yawarnin mashtaraykan>>.

Apocalípsis 18:24 ပူးပေါင်းရင်းမြစ်များ

Jeremías 2:34

Jusaynaq pobrikunata wanusiyaptikimi mödanaykikunapis yawarlana kaykan. Mana jusalikuykäyaptinmi say runakunata wanusiyashkanki.

Jeremías 51:49

Babilonia runakuna sayno ushakäyanqa Israel runakunata y juklä nación runakunatapis wanusiyashqanpitami.

Ezequiel 22:12

<< .

Ezequiel 22:27

<<

Ezequiel 22:9

Pitapis lutala jitaparmi wanuykäsiyanki. Lömakunacho ïdulukunapaq mikuyta yanukurmi fiestatapis ruraykäyanki. Fiyupa melanaypaq kaqkunatami rurayanki.

Daniel 7:21

Rikaraykaptïmi say waqra Tayta Diosman yärakuqkunata atacar vincirqan.

Daniel 7:25

Saynöpis munayyuq Tayta Diospa contranmi parlanqa. Tayta Diosman yärakuqkunatapis fiyupami nakasinqa. Tayta Diospaq rurashqan fiestakunatapis y mandamientunkunatapis trukasiytami munanqa. Tayta Diosman yärakuqkunata kimsa wata soqta killami munaynincho sararanqa.

Mateo 23:27

<<¡Wawalaw, ishkay cära fariseukuna y ley yachasiqkuna! Qamkunaqa janalanpa pintash mïchu niraqmi kaykäyanki. Mïchupa janan kuyaylapaq kaptinpis rurincho tulukuna ismur melanaypaqmi kaykan.

Mateo 23:35

Jusaynaq Abelta wanusishqanpita Berequíaspa surin Zacaríasta templu punkucho wanusishqanyaqmi kay pasacho lapan ali runakunata wanusiyashqanpita qamkuna jusayuq kaykäyanki.

Hechos 7:52

Lapan profëtakunatapis paykuna nakasiyarqanmi. Jusaynaq runa shamunanpaq kashqanta wilakuykäyaptinpis wanusiyarqanmi. Qamkunapis paykunanölami salvamaqninsi runata entregayashkanki wanusish kananpaq.

1 Tesalonicenses 2:15

Say runakunami Señor Jesucristutapis wanusiyarqan. Saynölami Tayta Diospa profëtankunatapis unay ayllunkuna wanusiyarqan. Sayno runakunami noqakunatapis Judeapita qarqayämash. Paykuna manami Tayta Dios munashqannösu kawayan. Saynöpis manami munayansu Tayta Diospa ali wilakuyninta runakuna chaskikuyänanta.

Apocalípsis 11:7

Tayta Dios munashqanno wilakuyninta wilakur ushaskiyaptinnami wanwanyaykaqpita anticristo yarqamur paykunapa contran sharkur wanusinqa.

Apocalípsis 16:6

Qamman yärakuqkunatapis y profëtaykikunatapis wanusirmi yawarninta jichayarqan. Saymi kikinkunapis yawarta upuyänanpaq yakuta yawarman tikrasishkanki>>.

Apocalípsis 17:6

Saypita rikärishqächönami tantiyaskirqä Jesucristuman yärakuqkunata wanusir yawarninta upushqanwan say warmi shinkash kaykashqanta. Sayta rikaykur pasaypa mansarir manami ima ruraytapis kamäpakurqäsu.

Apocalípsis 19:2

¡Payqa pitapis shumaqmi juzgan! Lapan runakunata jusalikasiq prostitüta warmita castigashnami. Tayta Diospa sirviqninkunata wanusishqanpitami kikintana ushakäsish>>.