Apocalípsis 18:19 - Tayta Diospa Wilakuynin

¹⁹ Fiyupa waqar qaparäyashpanmi alpatapis umankunaman winakur niyanqa: <<¡Wawalaw, jatunkaray Babilonia marka! Saychömi büquiyuqkuna negociunta rantikur lapanpis rïcuyäyash. Kananqa elaqpitami pasaypa ushakäkush>>.

Apocalípsis 18:19 ပူးပေါင်းရင်းမြစ်များ

2 Samuel 13:19

Fiyupa lakikushpanmi jatirashqan tünicanta rachir ushashpan umanman uchpata winakurqan. Nirkurmi umanta sarikurkur waqaraykar aywakurqan.

Nehemías 9:1

Say killalami ishkay chunka chusku (24) junaqchöna Israel runakuna shuntakäyarqan ayunayänanpaq. Ayunarmi lapan runakuna qachqa mödanata jatikurkur umanmanpis alpata winakuyarqan.

Job 2:12

Karulapita rikayaptinqa mana reqiypaqmi Job karqan. Pay kashqanta tantiyaykurnami seqaypa waqayarqan. Mödanankunatapis rachirmi alpata junishpa jitayarqan umankunaman shikwamunanpaq.

Isaías 13:19

<

Lamentaciones 2:10

Sióncho mayor runakunapis upälami pasacho jamaraykäyan. Seqaypa lakikurmi lütuta jatikurkur umankunaman alpata winakuyan. Jerusalén jipashkunapis pasaypa lakikuyashpanmi urkunkunatapis pasaman töpasiypa lätaraykäyan.

Ezequiel 27:30

Seqaypa pësakur qayarayparaq qampaq waqayashqanpis maysaymanmi wiyakash. Umankunaman alpata winakuyashpanmi uchpa janancho qoshpayash.

Josué 7:6

Sayno vinciykuyaptinmi Josué y mayor runakuna lakikuyashpan mödanankunata rachiyarqan y alpatapis umankunaman winakuyarqan. Nirkurnami pasa sakashqanyaq Tayta Diospa babulninpa puntanman lätakuykuyarqan.

Apocalípsis 17:16

Rikashqayki chunka waqrakuna y ichaypis say prostitüta warmita fiyupami chikikurkuyanqa. Saymi lapan imankunatapis apakur qarapächulata kachaykuyanqa. Saypitanami aysanta mikuyanqa y pusuq kaqtana rupasiyanqa.

Apocalípsis 18:10

Castigashqanta rikarmi mansakash karulapita rikarar niyanqa: <<¡Wawalaw, jatunkaray Babilonia marka! ¡Munayyuqmi karqayki! ¡Kananqa elaqpitami ushakaykushkanki!>>

Apocalípsis 18:3

Babiloniapa mana ali costumbrinkuna shinkäsikuq vïnunömi karqan. Say vïnutami intëru pasacho runakuna upuyarqan. Kay pasacho reykuna mana ali costumbrinkunata Babiloniapita yachakurmi ïdulukunata adorayarqan. Imatapis rikashqan kaqta Babilonia rantiptinmi negociantikuna seqaypa rïcuyäyarqan>>.

Apocalípsis 18:8

Sayno kashqanpitami pasaypa nakanqa. Wanuypis, nakaypis y mikanaypis elaqpitami payman chanqa. Sayno nakaykaqtami nina rupar ushanqa. Babiloniataqa lapanpaq munayyuq Tayta Diosmi castiganqa>>.

1 Samuel 4:12

Benjamín trïbupita juk runa pelyapita qeshpiykurmi say junaqla Silo markayaq charqan. Paymi fiyupa lakikushpan mödananpis rachish y umanpis alpalana charqan.