Apocalípsis 16:2 - Tayta Diospa Wilakuynin

² Sayno niptinmi punta kaq ángel sararashqan cöpacho kaykaq castïguta pasaman tikwamurqan. Saymi anticristupa señalninwan señalash kaqkunata y ïdulunta adoraqkunata qeri pasaypa usharqan. Say qeriwanmi fiyupa nakayarqan.

Apocalípsis 16:2 ပူးပေါင်းရင်းမြစ်များ

2 Crónicas 21:15

Qamtanami tukuy niraq qeshyakunawan castigashayki. Pacha nanaywan qeshyaykälarmi waran waran ansankipaq hasta oqitikipis yarqukashqanyaq> >>.

2 Crónicas 21:18

Saypitanami rey Joramta Tayta Dios pacha nanaywan castigaptin ni ima jampipis tinkurqansu.

Salmo 78:26

Saynölami inti jeqamunan kaqläpita y sur kaqläpita wayrata wayräsimurqan.

Isaías 3:17

Sayno kayashqanpita qarachu qeshyawan castigaptïmi qara putuyash penqaypaq puriyanqa>>.

Isaías 3:24

Say wisanqa perfümiwan mushküyänanpa trukan fiyupami asyäyanqa. Wachkupa trukan waskalami kanqa. Shumaq piltakush kayänanpa trukan qara putumi kayanqa. Sëda mödanakunata jatikuyänanpa trukan lütu mödanatami jatikuyanqa. Qaqlankunapis kuyaylapaq kananpa trukan melanaypaq qeri ushashqami kayanqa.

Hechos 12:23

Tayta Dioslata adorayänanpaq Herodes mana niptinmi Señor Jesucristo kachamushqan ángel jinan höra castigaptin kuru ushaypa wanurqan.

Deuteronomio 28:27

<

Deuteronomio 28:35

Tayta Diosmi qonqurnikikunachöpis chankaykikunachöpis qeriwan qeshyasiyäshunki. Saynölami qeri ushayäshunki chaki puntaykikunapita uma jirkaykikunayaq. Say qerita imawan jampirpis manami aliyäyankisu.

Deuteronomio 7:15

Imayka qeshyakunapitapis Tayta Diosmi sapäyäshunki. Egipto runakunata plägakunawan nakasishqanno qamkunata manami nakasishunkisu. Contrayki sharkuqkunatami isanqa say plägakunawan nakasinqa.

Apocalípsis 13:12

Anticristunömi munayyuq karqan. Paymi lapan runakunata nirqan anticristuta adorayänanpaq. Anticristuqa uman shatush kashqanpita aliyashnami kaykarqan.

Apocalípsis 14:16

Sayno niptinmi pukutay janancho jamaraykashqanpita shamur ösinta aptakurkur kay pasacho runakunata shuntamurqan.

Apocalípsis 14:9

Say angilpa qepantanami mas juk angilpis aywar sinchipa nirqan: <

Apocalípsis 16:1

Saypitanami wiyarqä jana pasacho kaykaq templupita qanchis angilkunaman sinchipa qayakur nikaqta: <>.

Apocalípsis 16:11

Qeri qeshyawan pasaypa nakarmi Tayta Diospa contran imaykatapis rimayarqan. Sayno nakaykarpis y qeri ushaykaptinpis jusalikuykunata manami wanakuyarqansu.

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

1 Samuel 5:6

Saynölami Asdod runakunata y nawpan markakunacho taq runakunatapis chupu qeshyawan Tayta Dios fiyupa castigarqan.

1 Samuel 5:9

Sayman apayaptinmi saychöpis runakunata Tayta Dios castigarqan mansariypaq chupu qeshyawan. Say qeshyami usharqan wamrakunapita qalaykur hasta awkinkunayaq.