Apocalípsis 15:3 - Tayta Diospa Wilakuynin

³ Tayta Diospa sirviqnin Moisés cantashqanta y Carnish cantashqanta cantarmi niyarqan: <

Apocalípsis 15:3 ပူးပေါင်းရင်းမြစ်များ

Génesis 17:1

Abram esqun chunka esqun (99) watayuq kaykaptinmi Tayta Dios yuriparkur nirqan: <

1 Crónicas 6:49

49 (34) Aarón y paypita miraqkunalami sacrificiuta rupasina altarcho sacrificiukunata rupasiyaq y inciensuwan qoshnisikuna altarcho inciensuwan qoshnisiyaq. Lugar Santïsimucho lapan rurananpaq kaqkunatami paykuna rurayaq. Saynöpami Diospa sirviqnin Moisés lapan mandashqankunata cumpliyarqan. Sayno cumpliyaptinmi Israel runakunapa jusankunata Tayta Dios perdonarqan.

2 Crónicas 24:6

Saymi mandaq cüra Joiadata qayaykasir rey nirqan: <

Nehemías 9:14

Jamay junaqkuna jamayänanpaqmi ordenarqayki. Sirvishuqniki Moiséswanmi mandamientuykikunata, estatütuykikunata y leynikikunata yachasirqayki.

Job 36:24

Saypa trukanqa lapan kamashqanta rikarmi pïmaypis payta alabayan. Saynöla qampis mana qonqaypa payta alabay.

Job 5:9

Milagrukunata rurashqanta manami yupaytapis atipansisu. Espantaypaq rurashqantapis manami tantiyayta kamäpakunsisu.

Salmo 100:5

Tayta Diosqa alilata ruraqmi. Kuyapäkuyninqa manami imaypis ushakansu. Awnishqantaqa imaypis cumplinmi.

Salmo 105:5

Espantaypaq rurashqan milagrukunata yarpäyay. Contransikunata imano vincishqanta ama qonqäyaysu.

Salmo 111:2

Tayta Dios rurashqankunaqa espantaypaqmi kaykan. Rurashqankunata rikarmi tantiyakuqkunaqa fiyupa kushikuyan.

Salmo 111:7

Tayta Dios rurashqanqa lapanpis alimi kaykan. Paypa mandamientunkunaqa lapanpis cäsukunansipaqmi kaykan.

Salmo 139:14

Admiraypaq kamamashqaykikunata rikarmi qamta alabä. Rurashqaykikunaqa selläma kushikuypaqmi kaykan. Sayno kashqanta lapan shonqüwanmi criyï.

Salmo 145:17

Tayta Dios rurashqankuna lapanpis alimi kaykan. Kuyapäkuq kashpanmi imatapis alilata ruran.

Salmo 145:6

Munayyuq kashqaykitami wilakushaq. Munaynikiwan rurashqaykikunata pïmaypis parlayanqami.

Salmo 18:30

30 (31) Tayta Dios munashqanno kawayqa imaypis alimi kaykan. Lapan promitishqantapis payqa cumplinmi. Payman yärakuqkunataqa escüdunömi sapan.

Salmo 78:12

Unay ayllunsikuna rikaykaptinmi espantaypaq kaqkunata Tayta Dios rurarqan. Sayno rurarqan Egiptucho kaykaq Zoán partichömi.

Salmo 92:5

5 (6) Tayta Dios, rurashqaykikunaqa admiraypaqmi kaykäyan. Yarpashqaykitaqa ¿piraqchi musyanman?

Salmo 99:4

Tayta Dios, munayyuq reymi kaykanki. Imaypis alilatami ruranki. Intëru Israel nacionchömi imaypis ali mandanki.

Isaías 33:22

Tayta Diosmi juezninsi. Tayta Diosmi leykunata qomashkansi. Tayta Diosmi mandamaqninsi rey. Paymi contrapartinsikunapita sapämäshun.

Isaías 45:21

Imata yarpäyashqaykitapis mä niyämay. Kikikikunapis mä tapunakuyay. ¿Pitaq unaypita pasa nirqan kanan kashqanno imapis päsananpaq kashqanta? ¿Manaku noqa Tayta Dios saykunata wilarqä? Noqapita mas juk Diosqa manami kansu. Noqapita mas juk manami kansu alilata ruraq y imapitapis salvaq.

Daniel 6:20

20 (21) Chaykashqanchömi pasaypa lakish qayakurqan: <> nir.

Daniel 9:11

Leynikikunata mana cäsukurmi lapäkunapis lutanta rurayashkä. Saymi sirvishuqniki Moisés qelqashqan leykunacho nishqanno noqakunaman maldición chämush.

Oseas 14:9

9 (10) Yachaqkuna y yarpaysapakuna kay wilakuyta tantiyakuyäsun. Tayta Diospa näninqa derëchumi. Ali runakunaqa saypa purir manami ishkiyansu. Jusasapakunami isanqa say nänipa aywar ishkiyan.

Miqueas 7:20

Abrahamta, Jacobta y wakin unay ayllükunata kuyapar promitishqaykita cumpliykulay, Taytay.

Sofonías 3:5

Sayno kayaptinpis Tayta Diosqa imaypis Jerusalénchömi kaykan. Payqa manami imatapis lutankunataqa ruransu. Cada tutami tantiyasimansi alilata ruraq kashqanta. Sayno kaptinpis jusalikuq runakunaqa lutanta rurar manami penqakuyansu.

Zacarías 9:9

<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

Juan 1:17

Leyninkunataqa Moiséswanmi Tayta Dios wilakasirqan. Kuyapäkuq kayninta y rasunpa kaq wilakuynintami isanqa Jesucristuwan tantiyasimashkansi.

Deuteronomio 31:30

Sayno nirkurmi lapan Israel runakunapa nawpancho kay versuta qalaykunanpita ushananyaq Moisés kayno liyiparqan:

Deuteronomio 32:3

<

Deuteronomio 34:5

Tayta Dios nishqannölami sirviqnin Moisés say jirkacho wanukurqan. Say jirkaqa Moab nacionchömi kaykan.

1 Timoteo 1:17

¡Tayta Diosmi imayyaqpis munayyuq rey, imayyaqpis kawaq y mana rikakaq kaykan! Pay japalanmi Dios kaykan. [Manami pipis payno yachaq kansu.] ¡Imayyaqpis alabash kaykuläsun! ¡Amén!

Hebreos 3:5

Tayta Diospa wayinta Moisés ali rikarpis ashmaynölami karqan. Sayno karmi shamuq watakunacho Tayta Dios tantiyasimänansipaq kaqkunata qelqarqan.

Josué 22:5

Isanqa yäsimashqansinöla lapan yachasimashqansi leykunata mana qonqaypa cumpliyanki. Tayta Diosninsita kuyayashpayki pay munashqannöla lapayki kawayanki. Saynöpis nishqankunata cumpliyashpayki lapan shonquykikunawan y lapan voluntänikikunawan payta sirviyanki>>.

Apocalípsis 1:8

Unaypita kawaq, kananpis kaykaq y shamunanpaq kaykaq munayyuq Tayta Diosmi nin: <>.

Apocalípsis 11:17

niyarqan: <

Apocalípsis 14:3

Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

Apocalípsis 14:8

Say angilpa qepanta juk angilpis aywarmi nirqan: <<¡Ushakashnami, ushakashnami jatunkaray Babilonia marka! ¡Babiloniami vïnuwan shinkäsiqnöpis lapan nación runakunata mana ali costumbrinkunata yachasirqan!>>

Apocalípsis 17:14

Saymi say ichayqa Carnishpa contran sharkur paywan pelyayanqa. Contran sharkuyaptinpis lapan mandaqkunapa y reykunapa mandaqnin karmi paykunata Carnish vincinqa. Carnishwanmi kayanqa qayashqan, akrashqan y imaypis cäsukuq runakuna>>.

Apocalípsis 19:16

Sotänancho y mama chankancho qelqaraq juk jutinmi nirarqan: <>.

Apocalípsis 19:2

¡Payqa pitapis shumaqmi juzgan! Lapan runakunata jusalikasiq prostitüta warmita castigashnami. Tayta Diospa sirviqninkunata wanusishqanpitami kikintana ushakäsish>>.

Apocalípsis 4:8

Say chuskun kawaykaqkuna soqta riprayuqmi kayarqan. Saynöpis intëru cuerpunchömi nawinkuna karqan. Say kawaykaqkunami paqaspa junaqpapis niyarqan: <<¡Santu, santu, santu! ¡Lapanpaq munayyuq Tayta Dios santumi kaykan! ¡Payqa unaypita kawaq, kananpis kaykaq y shamunanpaq kaykaqmi kaykan!>>