Apocalípsis 14:10 - Tayta Diospa Wilakuynin

¹⁰ cöpa junta winaraykaq rabyaynintami Tayta Dios mana kuyapaypa upusinqa. Carnish y santu angilninkunapis rikaykäyaptinmi say runakuna azufrintin nina rataykaqcho rupar nakayanqa.

Apocalípsis 14:10 ပူးပေါင်းရင်းမြစ်များ

Génesis 19:24

Chaykuptinnami Sodoma y Gomorra markakunaman azufrintin ninata Tayta Dios tamyasimurqan.

Job 18:15

Wayinchöpis manami kikinpachönösu tanqa. Say wayimanqa azufritaraqmi shikanqa.

Job 21:20

Kikinkunata desgracia päsasun. Lapanpaq munayyuq Tayta Diospa castïgunwan nakayäsun.

Salmo 11:6

Yaqa runakunataqa jusankunaman tupumi castiganqa. Paykunataqa ninawan talush azufri tamyawan y shanaq wayrawanmi ushakäsinqa.

Salmo 37:34

Tayta Diosman yärakuy. Pay munashqanno imaypis kaway. Sayno kawaptikiqa paymi yanapäshunki qoshushqayki nacioncho kushish kawanaykipaq. Rikaykaptikimi yaqa runakunata ushakäsinqa.

Salmo 52:6

6 (8) Tayta Diosta cäsukuqkunaqa sayta rikar mansariyanqami. Asiparmi niyanqa:

Salmo 60:3

3 (5) Noqakunataqa nakaymanmi churaykayämashkanki. Castïguykiwanmi vïnu upush runano upatakash kaykäyä.

Salmo 73:10

Sayno kaykäyaptinpis paykunataqa runakuna alabayanmi. Imata niyashqantapis criyiyanmi.

Salmo 75:8

8 (9) Tayta Diosmi castïgun winaraykaq cöpata aptaraykan. Cöpa juntami paypa rabyaynin kaykan. Maysaycho taq yaqa runakunata castigarmi say cöpata ushaypa upusinqa.

Salmo 91:8

Kikikimi rikanki yaqa runakunata castigashqanta.

Isaías 29:9

Chikishuqnikikunata Tayta Dios sayno ushakäsinanpaq kashqanta ¿manaku criyiyanki? Mana criyirqa qaprayashnömi kaykäyanki. Ima shinkäsikuqkunata mana upuykarpis shinkashnömi lutankunalata yarpachakuykäyanki.

Isaías 30:33

Asiria runakunapa mandaqnin rey nakananpaq unaypitanami juk sitiu kamarish kaykan. Say kamarishqan sitiuqa jatunkaraymi. Saycho rupananpaqmi yantapis kamarishna kaykan. Tayta Dios pükamuriptinmi shiminpita aska azufri yarqamunqa. Saywan ninata ratasirmi say reyta ushakärasinqa.

Isaías 34:9

Ushakäsiptinmi chikiqninkuna täyashqan nacioncho raqrakunapa yaku aywananpa trukanqa breana aywanqa. Alpapis azufrimanmi tikranqa. Chakrakunapis breanöraqmi rupanqa.

Isaías 51:17

¡Jerusalén marka, apurä rikchay! ¡Jukla sharkuy! Cöpa junta winaraykaq rabyayninta upusishushpaykimi Tayta Dios fiyupa llëvasishushkanki. Saymi sharkuytapis mana puëdishqanyaq machash runano kaykanki.

Jeremías 25:27

Upusiq aywanäpaq kachamashpanmi Tayta Dios nimarqan: <.

Jeremías 49:12

Tayta Diosmi nin: <

Jeremías 51:57

Babilonia runakunata castigashaq mandaqninkunata, yachaq runakunata, capitanninkunata, autoridäninkunata y soldädunkunatapis. Aysayashqanyaq shinkash runa punukashqanno rikakur manami imaypis rikchayämunqanasu>>. Saynömi nin mandamaqninsi rey. Jutinpis lapanta mandaq Yahwehmi kaykan.

Lamentaciones 4:21

Uz particho kaq Edom nación runakuna, ama kushipäyämaysu. Qamkunamanpis castïgu chämunqami. Saymi shinkash qarapächu jitaraq runa penqaypaq kashqanno qamkunapis penqaypaq kayankipaq.

Ezequiel 20:48

48 (21.4) Lapan runakunami musyayanqa kayaptï mana upiypa rupashqanta> >>.

Ezequiel 38:22

Pestiwan y wanusinakuywanmi castigashaq. Payman, soldädunkunaman y paywan shamuq lapan runakunamanmi mangädata, ruminöraq runtu tamyata y azufriyuq ninata tamyasimushaq.

Habacuc 2:16

Sayno rurayashqaykipitami respitädu kayänaykipa trukan penqaycho kayankipaq. Tayta Diospa castïgun winaraykaq cöpapita upuyaptikimi kikikikunatapis qarapachayäshunkipaq. Kanan munayyuq karpis waray warantinqa kuyapaypaqmi kayankipaq.

Mateo 20:22

Saymi Jesús nirqan: <> Saymi niyarqan: <>.

Mateo 25:41

<

Mateo 26:39

Nirkur mas washaläman aywashpanmi pasaman lätakuykur Tayta Diosta manakur nirqan: <>.

Marcos 8:38

Jusasapa runakunapa nawpancho pipis noqapita y wilakuynïpita penqakuptinqa Runapa Surinpis Tayta Diospa munayninwan y santu angilninkunawan shamurmi paypita penqakunqa>>.

Marcos 9:44

[Infiernuchöqa runata ushakäsiq kurukuna imaypis manami wanuyanqasu. Ninapis manami imaypis upinqasu.]

Hechos 10:22

Saymi niyarqan: <>.

Deuteronomio 29:23

23 (22) Saymi pasaypa mansakäyashpan niyanqa: <¡Say chakrakunacho kachiwan azufrilami mashtaraykan! Manami imapis saycho wayunqasu ni qewalapis winamunqasu. Sodomata, Gomorrata, Admata y Zeboimta Tayta Dios castigar ushakäsiptin imapis mana quëdashqannömi saycho imapis quëdanqasu>.

2 Tesalonicenses 1:7

Qamkunatami isanqa noqakunatawan manana nakanansipaq shuntakamäshun. Sayno kanqa Señor Jesucristo munayyuq angilninkunawan jana pasapita kutimuptinmi.

Judas 1:7

Saynölami Sodomacho, Gomorracho y cercan markakunacho taq runakunapis fiyupa penqaypaq jusalikuyarqan. Saymi runakuna tantiyakuyänanpaq say markakunata Tayta Dios ninawan ushakäsirqan.

Apocalípsis 15:7

Saymi Tayta Diospa trönuncho kaykaq chusku kawaykaqkunapita juk yarqamurqan. Paymi qanchis angilkunata aypurqan qoripita rurash cöpata. Say cöpakunachömi imayyaqpis kawaq Tayta Diospa rabyaynin junta winaraykarqan.

Apocalípsis 16:19

Jatunkaray Babilonia markacho taq runakuna jusalikuyashqanpitami cöpa junta winaraykaq rabyayninta Tayta Dios upusir fiyupa castigarqan. Sayno castigaptinmi say marka kimsaman rachikarqan. Wakin markakunanami pasaypa juchur ushakäyarqan.

Apocalípsis 18:3

Babiloniapa mana ali costumbrinkuna shinkäsikuq vïnunömi karqan. Say vïnutami intëru pasacho runakuna upuyarqan. Kay pasacho reykuna mana ali costumbrinkunata Babiloniapita yachakurmi ïdulukunata adorayarqan. Imatapis rikashqan kaqta Babilonia rantiptinmi negociantikuna seqaypa rïcuyäyarqan>>.

Apocalípsis 18:6

Jukta nakasiyashqannöla kikintapis castigar nakaykasilay, Tayta Dios. Jusalikushqanman tupu yapa yaparkur castigaykulay.

Apocalípsis 19:15

Yuraq cawallun loqaraqpa shiminpitami afilash espäda yarqamurqan. Nacionkunata say espädawan vincirkurmi fiërru väran aptakurkur mandanqa. Nacionkunata castigarmi üvata jarukunan pözucho jaruqno castiganqa. Sayno castigarmi lapanpaq munayyuq Tayta Dios fiyupa rabyashqanta musyasinqa.

Apocalípsis 19:20

Saychömi yuraq cawallun loqash runa anticristuta y lula profëtatapis prësu sarirqan. Manaraq prësu sariptinmi say lula profëta anticristupa nawpancho milagrukunata rurar anticristupa señalninta chaskikuqkunata y ïdulunta adoraqkunatapis criyisirqan. Say lula profëtata y anticristutaqa azufriyuq nina rupaykaq qochamanmi kawaykaqta qaykurqan.

Apocalípsis 20:10

Nirkurnami runakunata engañaq diabluta azufriyuq nina rupaykaq qochaman qaykunqa. Saychömi anticristo y lula profëtapis mayna qaykuraykäyanqa. Saychömi diablupis paqasta junaqta imayyaqpis paykunawan nakanqa.

Apocalípsis 20:14

Saypitanami wanuytapis Hadestapis nina qochaman qaykurqan. Say nina qochami qepa kaq wanuy kaykan.

Apocalípsis 21:8

Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.