Apocalípsis 13:4 - Tayta Diospa Wilakuynin

⁴ Anticristuta munayninta qoshqanpitami dragonta runakuna adorayarqan. Saynölami anticristutapis adorar niyarqan: <<¡Payno munayyuqqa manami pipis kansu! ¡Manami pipis payta vinciyta kamäpakunsu!>>

Apocalípsis 13:4 ပူးပေါင်းရင်းမြစ်များ

Éxodo 15:11

Tayta Dios, ima diospis manami qamno kansu. Qamnöqa manami pipis santu kansu. Espantaypaq kaqkunatami rurashkanki.

Isaías 46:5

<<¿Imamanraq tinkusiyämanki? ¿Piraq noqano kanman?

2 Corintios 4:4

Sayno chaskikuyansu kay pasacho kaykaq dios yarpayninkunata upatakäsish kaptinmi. Saymi Jesucristupa wilakuynin aksino kaykaptinpis paykunaqa mana rikaqno kar say wilakuyninta tantiyayansu. Jesucristuchömi Tayta Dios imano kashqantapis tantiyansi.

Deuteronomio 9:2

Musyayashqaykinöpis paykuna Anacpita miraq karmi jatusaq runakuna kaykäyan. Saymi paykunapaq runakuna nikäyan: <¿Piraqchi ichipanman Anacpita miraq jatusaq runakunataqa?>

2 Tesalonicenses 2:4

Anticristo shamur manami munanqasu Tayta Diosta ni imatapis runakuna adorayänanta, saypa trukanqa kikilantana adorayänantami munanqa. Saynöpis payta adorayänanpaqmi Dios tukushpan Tayta Diospa templunman yaykur jamanqa.

Apocalípsis 12:3

Saypitanami jana pasacho rikakämurqan qanchis umayuq y chunka waqrayuq jatunkaray puka dragón. Cada umanchömi corönata jatirarqan.

Apocalípsis 12:4

Chupanwan qarashtarmi cäsi pulan qoyllarkunata kay pasaman jitariykamurqan. Warmi qeshyakunanpaqna kaykaptinmi nawpanman ichikuykurqan wamra yuriskiptin mikukurkunanpaq.

Apocalípsis 13:11

Nirkurnami rikarqä anticristupa profëtan pasa rurinpita yarqaykämuqta. Pay karqan carnishpa waqranno waqrashqami. Isanqa dragonnömi parlarqan.

Apocalípsis 13:15

Anticristupa profëtanqa munayyuq karmi ïduluta kawayta qorqan. Saymi say ïdulu parlar payta mana adoraq kaqkunata wanusiyänanpaq nirqan.

Apocalípsis 13:2

Cuerpun karqan leopardupa niraqmi. Chakinkunami kayarqan ukumaryapa niraq. Y shiminnami karqan leonpa niraq. Paytami munayninta dragón qorqan lapanta mandananpaq.

Apocalípsis 17:14

Saymi say ichayqa Carnishpa contran sharkur paywan pelyayanqa. Contran sharkuyaptinpis lapan mandaqkunapa y reykunapa mandaqnin karmi paykunata Carnish vincinqa. Carnishwanmi kayanqa qayashqan, akrashqan y imaypis cäsukuq runakuna>>.

Apocalípsis 18:18

Say markapita qoshtay sharkuqta rikarmi seqaypa waqar niyanqa: <>.

Apocalípsis 9:20

Sayno kaptinpis mana wanuq runakunaqa jusalikuyashqankunata manami wanakuyarqansu. Saypa trukanqa supaykunata y ïdulukunatami imaypis adorayarqan. Say ïdulukunaqa qoripita, qellaypita, broncipita, rumipita y qerupita rurash karmi rikayansu ni wiyayansu ni puriyansu.

1 Samuel 17:24

Goliatta rikaykurmi Israel soldädukuna pasaypa mansariyashpan campamentuman qeshpir kutikuyarqan.