Apocalípsis 13:18 - Tayta Diospa Wilakuynin

¹⁸ Anticristupa ima nümerun kashqantapis shumaq tantiyakuyay. Say nümerunqa kaykan soqta pachak soqta chunka soqtami (666). Runapa jutinmi say nümeru kaykan. Pipis yachaq kaqqa tantiyakusun pï runapa jutin say nümeru kashqantapis.

Apocalípsis 13:18 ပူးပေါင်းရင်းမြစ်များ

Salmo 107:43

Pipis tantiyakuq karqa saykunata tantiyakusun. Saynöpami cuentata qokuyanqa Tayta Dios kuyakuq kashqanta.

Daniel 12:10

Aska runakunami tantiyakuyanqa imano nakarpis Tayta Diosman yärakur mana jusalikuypa kawayänanpaq. Jusalikuqkunaqa jina jusalikur kawayäsun. Paykuna mana tantiyakuyaptinpis Dios munashqanno kawaq runakunami isanqa tantiyakuyanqa.

Oseas 14:9

9 (10) Yachaqkuna y yarpaysapakuna kay wilakuyta tantiyakuyäsun. Tayta Diospa näninqa derëchumi. Ali runakunaqa saypa purir manami ishkiyansu. Jusasapakunami isanqa say nänipa aywar ishkiyan.

Marcos 13:14

<<[Profëta Daniel qelqashqannölami] Tayta Dios mana munashqanta templucho rikayanki. (Kay qelqashqäta liyiqkunaqa shumaq tantiyakuyäsun.) Sayno kaykaqta rikar Judea markakunacho taqkuna jirkakunapa qeshpir aywakuyäsun.

Romanos 3:5

Sayno kaptinpis wakin runakunaqa mana tantiyarmi niyan: <>.

Deuteronomio 3:11

Basán nacionpa mandaqnin rey Ogqa jatunkaray refaíta runami karqan. Payta wanurasish manami mas refaíta runakuna kayarqannasu. Paypa catrinpis fiërrupitami karqan. Catrinpa larguyninpis chusku metrumi karqan. Anchuyninnami ishkay metruno karqan. Amonita runakuna taykäyashqan Rabá markachömi kananyaqpis catrin kaykanraq.

Apocalípsis 1:3

Kushishqami kayanqa kay qelqaraykaqkunata liyiqkuna y liyipashqanta wiyar cäsukuqkunaqa. Kay qelqaraykaqkuna cumplikänanpaqnami kaykan.

Apocalípsis 15:2

Saynöpis rikarqä ninawan talush vidriuno lamartami. Say lamar jananchömi Tayta Diosman yärakuqkuna arpankuna aptash ichiraykäyarqan. Say arpakunata Tayta Diospitami chaskiyarqan. Paykuna manami anticristuta chaskikuyarqansu, ni ïdulunta adorayarqansu ni jutinpa nümeruntapis churakuyarqansu.

Apocalípsis 17:9

<

Apocalípsis 21:17

Nirkurnami murällanpa anchuyninta tupurqan. Tupuptinmi anchuynin karqan pachak chusku chunka chusku (144) kukush.