Apocalípsis 13:13 - Tayta Diospa Wilakuynin

¹³ Saynöpis anticristupa profëtan milagrukunatami rurarqan. Runakuna rikaykäyaptinmi jana pasapita ninatapis shikwasimurqan.

Apocalípsis 13:13 ပူးပေါင်းရင်းမြစ်များ

1 Reyes 18:38

Sayno manakuyta ushaskiptinmi ciëlupita nina ratamur usharqan pishtashqan turïtupa aysanta, yantata, perqaraykaq rumikunata y alpatapis. Altar nawpan zanjacho kaykaq yakutapis chipyaqmi sakisirqan.

Éxodo 7:22

Saymi Egiptucho brüjukunapis yakuta yawarman tikrasiyarqan. Sayta rikarpis Tayta Dios nishqannölami Moiséswan Aarón niyashqanta Faraón cäsurqansu.

Éxodo 8:7

7 (3) Brüjukunapis munayyuq kayashqanta musyasikurmi Aarón rurashqannöla rasakkunata yakupita yurisiyämurqan.

Éxodo 9:11

Wakin runakunatanöla chupu sariykuptinmi brüjukunapis Moisésta witipäyarqannasu.

Números 16:35

Saynölami Tayta Diospa nawpanpita nina shamur usharqan ishkay pachak pisqa chunka (250) inciensuwan qoshnisiq runakunatapis.

Mateo 16:1

Jesústa manakaqman churayta munarmi fariseukunawan saduceukuna aywaykur niyarqan: <>.

Mateo 24:24

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

Marcos 13:22

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

2 Timoteo 3:8

Janeswan Jambres Moiséspa contran sharkuyashqannömi lutan yachasikuqkunapis Jesucristupa wilakuyninta wilakuqkunapa contran sharkuyan. Lutan yarpaykuna umankunacho kaptinmi Jesucristupa wilakuyninta imaypis tantiyayansu.

Apocalípsis 11:5

Pipis paykunata wanusiyta munayaptinqa shiminkunapita nina yarqamurmi rupar ushanqa. Paykunawan churaqkunaqa saynömi wanuyanqa.

Apocalípsis 16:14

Say kimsa supaykunaqa milagrukunatapis rurayarqanmi. Maysaypapis aywarmi reykunata y soldädunkunata shuntayarqan lapanpaq munayyuq Tayta Dios juzganan junaq pelyayänanpaq.

Apocalípsis 19:20

Saychömi yuraq cawallun loqash runa anticristuta y lula profëtatapis prësu sarirqan. Manaraq prësu sariptinmi say lula profëta anticristupa nawpancho milagrukunata rurar anticristupa señalninta chaskikuqkunata y ïdulunta adoraqkunatapis criyisirqan. Say lula profëtata y anticristutaqa azufriyuq nina rupaykaq qochamanmi kawaykaqta qaykurqan.

Apocalípsis 20:9

Say soldädukuna maysaypitapis shamurmi Dios kuyashqan markacho kaykaq yärakuq runakunapa campamentunta tumaypa juntapäyanqa. Sayno juntaparaykäyaptinmi Tayta Dios jana pasapita ninata ratasimur say soldädukunata ushakäsinqa.