Apocalípsis 11:3 - Tayta Diospa Wilakuynin

³ Say wisanmi ishkay wilakuqnïkunata noqa nishaq juk waranqa ishkay pachak soqta chunka (1,260) junaq wilakuynïta wilakuyänanpaq. Paykunaqa qachqa mödanankuna jatishqami wilakuyanqa>>.

Apocalípsis 11:3 ပူးပေါင်းရင်းမြစ်များ

Génesis 37:34

Saymi lakikushpan mödananta rachirir lütu mödanatana jatikurqan. Surin wanushqanta asïlaqa mana qonqarmi selläma waqar purirqan.

2 Samuel 3:31

Saypitanami Joabta y paywan kaykaq runakunata David nirqan: <>. Nirkur pampaq apayaptinmi rey Davidpis aywarqan.

1 Reyes 21:27

Tayta Dios nishqanta Elías wilaykuptinmi rey Acab mödananta rachirir qachqa mödanata jatikurqan. Nirkurmi ayunashpan fiyupa lakikur say mödanan jatishla punurqanpis.

2 Reyes 19:1

Asiria nacionpa mandaqnin rey nishqanta wilayaptinmi rey Ezequías pasaypa mansarir jatiraykashqan mödananta rachirir qachqa mödanata jatikurqan. Nirkurnami templuman aywaykur Tayta Diosta manakurqan.

1 Crónicas 21:16

Jana pasapa rikachakushqanchömi David rikarqan Tayta Diospa angilnin espädan aptash kaykämuqta. Say espädantaqa Jerusalénmanmi toqiraykarqan. Saymi Davidpis mayor runakunapis fiyupa mansakäyashpan qachqa mödanata jatikur pasaman lätakuykuyarqan.

Nehemías 9:1

Say killalami ishkay chunka chusku (24) junaqchöna Israel runakuna shuntakäyarqan ayunayänanpaq. Ayunarmi lapan runakuna qachqa mödanata jatikurkur umanmanpis alpata winakuyarqan.

Job 16:15

<

Salmo 69:11

11 (12) Lakikur qachqa mödanata jatikuptïpis lapanmi asipäyäman.

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Jeremías 1:10

Kanan junaqmi qamta churaykä maysay markakunacho y nacionkunacho ima päsananpaq kashqantapis wilakunaykipaq. Wilakushqaykinölami wakin nacionkuna ushakäyanqa y wakin nacionkuna mas munayyuq rikakuyanqa>>.

Lamentaciones 2:10

Sióncho mayor runakunapis upälami pasacho jamaraykäyan. Seqaypa lakikurmi lütuta jatikurkur umankunaman alpata winakuyan. Jerusalén jipashkunapis pasaypa lakikuyashpanmi urkunkunatapis pasaman töpasiypa lätaraykäyan.

Ezequiel 4:6

<

Daniel 12:7

Sayno niptinmi lïnu mödanash runa mayu janancho kaykashqanpita ishkan makinta joqarkur imayyaqpis kawaq Tayta Diospa jutincho jurashpan nirqan: <>.

Daniel 7:25

Saynöpis munayyuq Tayta Diospa contranmi parlanqa. Tayta Diosman yärakuqkunatapis fiyupami nakasinqa. Tayta Diospaq rurashqan fiestakunatapis y mandamientunkunatapis trukasiytami munanqa. Tayta Diosman yärakuqkunata kimsa wata soqta killami munaynincho sararanqa.

Daniel 8:14

Tapuptinmi jukaq ángel nirqan: <>.

Joel 1:13

Tayta Diosta altarcho sirviq cürakuna, qachqa mödanata jatikurkur waqayay. Saki mikuypis ni vïnupis Tayta Diosninsipa wayinman apayämunanpaq mananami kannasu.

Jonás 3:5

Sayno wilakushqanta wiyarmi Nínive runakuna criyiyashpan rïcupis pobripis qachqa mödanata jatikurkur ayunayarqan.

Jonás 3:8

Saypa trukanqa lapan runakunapis qachqa mödanata jatikurkur lapan shonqunkunawan Tayta Diosta manakuyäsun. Saynöpis jusalikuyta y wanusinakuyta kacharir alina kawayäsun.

Números 11:26

Qanchis chunka (70) mayor runakunata qayarmi Eldadta y Medadta Moisés qayarqan. Isanqa Tinkuna Tolduman aywayänanpa trukan campamentulachömi quëdakuyarqan. Paykunamanpis Espíritu chaptinmi profëtanöna parlayta qalaykuyarqan.

Mateo 11:21

<<¡Wawalaw, Corazín runakuna! ¡Wawalaw, Betsaida runakuna! Markaykikunacho milagrukunata rurashqäno Tiro markacho y Sidón markacho milagrukunata rurash kaptïqa maynami jusalikuykunata wanakuyashpan qachqa mödanata jatikurkur uchpa janancho jamaräyanman karqan.

Mateo 18:16

Mana chaskikuptinqa yapay tantiyasiyänaykipaq juk ishkay yärakuq mayikita pushayanki. Saynöpami imata nishqaykitapis mana ñëgananpaq ishkay o kimsa testïgu kayanqa.

Lucas 10:13

<<¡Wawalaw, Corazín runakuna! ¡Wawalaw, Betsaida runakuna! Markaykikunacho milagrukunata rurashqäno Tiro markacho y Sidón markacho milagrukunata rurash kaptïqa maynami jusalikuykunata wanakuyashpan qachqa mödanata jatikurkur uchpa janancho jamaräyanman karqan.

Lucas 24:48

Lapan ima päsamashqantapis rikash karmi wilakuyänaykipaq testïgu kaykäyanki.

Juan 15:27

Saynölami qamkunapis qalaykunanpita pasa noqawan purish kar noqapita musyasiyanki.

Juan 3:27

Sayno niyaptinmi Juan nirqan: <

Hechos 1:8

Sayno kaptinpis Espíritu Santu qamkunaman shamuptinmi poderninta chaskiyanki. Chaskiskirnami wilakuynïta wilakuyanki Jerusaléncho, intëru Judeacho, Samariacho y maysay markakunachöpis>>.

Hechos 13:31

Kawarirkamurmi Galileapita Jerusalénman paywan aywaq discïpulunkunata aska kuti yuriparqan. Paykunami Jesúspita kanan wilakuykäyan.

Hechos 2:32

<

Hechos 3:15

Saynöpami mana ushakaq kawayta qomaqninsita wanusiyashkanki. Paytami Tayta Dios kawarisimush. Kawarirkamur yuripäyämaptinmi noqakuna rikayashkä.

1 Corintios 12:28

Saymi iglesiacho Tayta Dios puntata churash apostolkuna kayänanpaq, saypita profëtakuna kayänanpaq y saypita yachasiqkuna kayänanpaq. Saynöpis wakinta churash milagrukunata rurayänanpaq, wakinta churash qeshyaqkunata aliyäsiyänanpaq, wakinta churash muchuqkunata yanapäyänanpaq, wakinta churash imatapis ali kamakäsiq kayänanpaq y wakintanami churash mana tantiyayashqan idiömakunacho parlayänanpaq.

2 Corintios 13:1

Kananwanqa kimsa kutinami qamkunaman watukaq shamushaq. Tayta Diospa palabrancho kayno qelqaraykashqanta yarpäyay: <>.

Efesios 4:11

Paymi wakinta churash apóstol kayänanpaq, wakinta profëta kayänanpaq, wakinta ali wilakuyninta wilakuyänanpaq y wakintana pastor kar yachasikuq kayänanpaq.

Deuteronomio 17:6

<

Deuteronomio 19:15

<

Apocalípsis 1:5

Jesucristupis ali kawayänaykipaq qamkunata yanapaykuyäläshunki. Paymi Tayta Dios munashqannöla wilakuyninta wilakush y wanushkunapita puntata kawarimush. Kay pasacho lapan reykunapitapis mas munayyuqmi kaykan. Paymi kuyamashpansi yawarninta jichar lapan jusansita maylamashkansi.

Apocalípsis 11:2

Templu waqtancho kaykaq patiuta isanqa ama tupumunkisu. Say patiuta kachariykushkä mana cäsukamaq runakuna munaynincho sararäyänanpaqmi. Paykunami chusku chunka ishkay (42) killa sagrädu Jerusalén markata munaynincho sararäyanqa.

Apocalípsis 11:6

Say ishkay wilakuqkunaqa munayyuqmi kayanqa tamyatapis mana tamyasiyämunanpaq, yakutapis yawarman tikrasiyänanpaq y munayashqan höra pestiwan runakunata ushakäsiyänanpaqpis.

Apocalípsis 12:6

Mamannami qeshpirqan Tayta Dios kamarishqan sunyaq jirkaman. Saychömi Tayta Dios mikuyta kamariparqan juk waranqa ishkay pachak soqta chunka (1,260) junaq.

Apocalípsis 13:5

Anticristutami Tayta Dios kachaparirqan yachaq tukur paypa contran rimananpaq. Saynöpis munayninta qorqan chusku chunka ishkay (42) killa munashqanno imatapis rurananpaqmi.

Apocalípsis 19:10

Sayno nimaptinmi angilta adoranäpaq lätakuykurqä. Saymi nimarqan: <<¡Noqata ama adoramaysu! Noqapis qamnöla y yärakuq mayikikunanölami Tayta Diospa sirviqnin kaykä. ¡Tayta Dioslata adorayqa! Lapan wilakushqäpis Jesucristo alabash kananpaqmi kaykan>>.

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.