Apocalípsis 11:19 - Tayta Diospa Wilakuynin

¹⁹ Saymi jana pasacho kaykaq templu kichakaskiptin rikarqä saycho kaykaq Pactu Babulta. Elqukuypis, maqakuypis y runtu tamyapis fiyupami karqan. Kay pasapis fiyupami suksukyarqan.

Apocalípsis 11:19 ပူးပေါင်းရင်းမြစ်များ

Salmo 105:32

Tamyapa trukan runtu tamyatami tamyasimurqan. Intëru say nacionman maqakuytami pashtasimurqan.

Salmo 18:12

12 (13) Elqukuyno chipipiylami nawpanpita yarqamurqan. Runtu tamyawan tillaykaq shanshalami tamyamurqan.

Isaías 28:2

Paykunata ushakäsinanpaqmi kalpayuq y munayyuq runata Tayta Dios akrash. Say runaqa runtu tamyanöraq, löcu wayranöraq y jakash mayunöraqmi imatapis tarishqan kaqta ushakäsinqa.

Isaías 29:6

Lapanta mandaq Tayta Dios karmi castiganäpaq shamushaq. Maqakuywan, temblorwan, räyuwan, shukukuywan, mangäda tamyawan y bunyaypa bunyar rupaykaq ninawanmi chikishuqnikikunata ushakäsishaq.

Isaías 30:30

Contrankunata ushakäsinanpaq shamurmi fiyupa mansariypaq parlashqanta Tayta Dios wiyakäsinqa. Bunyaypa bunyar rupaykaq ninawan, maqakuywan, mangädawan y runtu tamyawanmi fiyupa rabyashpan castiganqa.

Isaías 32:19

Muntikunata runtu tamya ushaptinpis, juklä markakunata contrankuna juchusir ushayaptinpis

Ezequiel 13:11

Juchunaykaq tapiata rebucayaptinpis juchushqannömi lula profëtakuna wilakuyashqanpis manakaqlapaq kaykan. Fiyupa mangäda y shukukuynintin runtu tamya shamur juchunaykaq tapiata juchusishqannömi Jerusalénmanpis castïgu char ushakäsinqa.

Ezequiel 13:13

Saymi lula profëtakunata Tayta Dios nin: <

Ezequiel 38:22

Pestiwan y wanusinakuywanmi castigashaq. Payman, soldädunkunaman y paywan shamuq lapan runakunamanmi mangädata, ruminöraq runtu tamyata y azufriyuq ninata tamyasimushaq.

Números 10:33

Sinaí jirkapita aywakurmi Israel runakuna kimsa junaq aywayta aywayarqan. Pactu Babultami puntanta apayarqan posädakuyänanpaq sitiuta tariyashqanyaq.

Números 4:15

<

Números 4:5

<

Josué 10:11

Amorreo runakuna Bet-horónpita uraypa Azecayaq qeshpiykäyaptinmi rumi sikasaq runtu tamyata Tayta Dios tamyasimurqan. Say tamyawanmi Israel runakuna espädawan wanusiyashqanpitapis mas askaq wanuyarqan.

Apocalípsis 11:13

Say höra pasa fiyupa suksukyaptinmi say markacho cada chunka wayipita juk wayi juchunqa y qanchis waranqa (7,000) runakuna wanuyanqa. Kawaykar quëdaqkunaqa pasaypa mansakashqami Tayta Diosta alabayanqa.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Apocalípsis 12:1

Saypitanami jana pasacho rikakämurqan intino chipipiykaq warmi. Say warmipa chakin uraläninchömi killa kaykarqan. Jatirashqan corönachömi chunka ishkay qoyllarkuna karqan.

Apocalípsis 16:1

Saypitanami wiyarqä jana pasacho kaykaq templupita qanchis angilkunaman sinchipa qayakur nikaqta: <>.

Apocalípsis 16:18

Sayno nimuptinmi asikyaypa asikyar elqukuy rikakämurqan y maqakuy bunrurumushqanpis wiyakämurqan. Pasapis fiyupami suksukyarqan. Runakunata Tayta Dios kamashqanpita pasa manami imaypis sayno suksukyarqansu.

Apocalípsis 16:21

Jana pasapitami chusku arröbano jatusaq runtu tamya tamyamurqan. Say runtu tamyawan nakarmi runakuna imaykatapis Tayta Diospa contran rimayarqan.

Apocalípsis 19:11

Saypitanami jana pasa kichakämuptin rikarqä yuraq cawalluta. Loqaraqninpa jutinmi karqan Nishqanta Rasunpa Cumpliq. Paymi pitapis mana jananpaylapa juzgan. Mana ali ruraqkunata ushakäsinanpaqmi guërratapis ruran.

Apocalípsis 4:1

Saypitanami jana pasacho punku kicharaykämuqta rikarqä. Say hörami nawpata wiyashqänöla cornëta waqamuqnöraq kayno nimaqta wiyarqä: <>.

Apocalípsis 4:5

Chawpincho kaykaq trönupitami asikyaypa asikyar elqukuy yarqamurqan. Maqakuypis bunruruypa bunrururmi wiyakämurqan. Trönupa nawpanchömi qanchis candelabrukuna rataraykäyarqan. Saykuna kayarqan Tayta Diospa qanchis espïritunkunami.

Apocalípsis 7:15

Say runakunaqa Tayta Dios jamarashqan trönun nawpanchömi kaykäyan. <

Apocalípsis 8:5

Say angilmi inciensu qoshnisikunanman altarcho kaykaq shanshata winarkur kay pasaman jitaramurqan. Saymi asikyaypa asikyar elqukurqan, maqakuypis seqaypami bunrurumurqan y pasapis fiyupami suksukyarqan.

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.