Apocalípsis 11:15 - Tayta Diospa Wilakuynin

¹⁵ Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Apocalípsis 11:15 ပူးပေါင်းရင်းမြစ်များ

Salmo 110:4

Tayta Diosmi jurashpan kayno promitishurqayki: <>. Say promitishushqaykitaqa imaypis cumplinqami.

Salmo 146:10

Sión, Tayta Diosmi imayyaqpis rey kanqa. Mandamaqninsi reymi imayyaqpis kanqa. ¡Aleluya!

Salmo 2:2

Manakaqkunata yarparmi nacionkunapa mandaqnin reykunapis guërrata rurayänanpaq kamarikuykäyan. Paykunaqa Tayta Diospa contran y akrashqan reypa contran sharkuyänanpaqmi wilanakur nikäyan:

Salmo 72:11

Lapan reykuna puntanman qonqurpakuyäsun. Lapan nacioncho taq runakunapis payta sirviyäsun.

Salmo 82:8

Tayta Dios, lapan nacionkunapapis qammi duëñun kaykanki. Shamuykulayna runakunata juzganaykipaq.

Salmo 86:9

Qammi lapan nacionkunata kamashkanki. Lapan nación runakunami adorayäshunaykipaq shayämunqa. Puntaykiman qonqurpakamurmi jutikita joqariyanqa.

Éxodo 15:18

Tayta Diosmi imayyaqpis rey kaykan.

Isaías 27:13

Say wisan cornëtata tukamuptinmi Asiriacho tarpis y Egiptucho tarpis nacionnikiman kutiyämunki. Jerusalénman kutiykamurmi sagrädu lömacho Tayta Diosta adorayanki.

Isaías 44:23

Jana pasa, ¡Tayta Dios salvakuq kashqanpita kushikur cantay! ¡Pasa rurincho kaqkunapis, vivar qaparäyay! ¡Jirkakuna, fiyupa kushikuyashpayki sinchipa cantayay! ¡Munticho kaykaq jachakuna, lapayki kushikur cantayay! ¡Jacobpita miraq Israel runakunata Tayta Dios salvashnami! ¡Munayyuq kashqanta musyasishnami!

Isaías 55:5

Saynölami qamkunapis mana reqiyashqayki nación runakunata qayasiyanki. Mana reqiyäshuqniki runakunami warakayla qamkunaman shayämunqa. Sayno kanqa Tayta Diosniki kar qamkunata yanapaptïmi. Noqaqa Israel runakunapa santu Diosninmi kä>>.

Isaías 9:7

7 (6) Rey David jamashqan trönuman jamaykurmi imayyaqpis mandamäshun. Munaynincho kashpansimi imaypis ali kawashun. Tayta Dios munashqannöla mandarmi ali kaqlata imaypis ruranqa. Lapanta mandaq Tayta Dios kuyamashpansimi sayno kananpaq kamakäsinqa.

Jeremías 16:19

Tayta Dios, qammi valorta qomanki. Ima peligrupitapis qammi sapämanki. Qamta adorayäshunaykipaqmi maysay nacionkunapitapis shamur niyanqa: <

Ezequiel 37:25

Sirvimaqnï Jacob tashqan y paykunapa unay ayllunkuna täyashqan nacionchömi täyanqa. Surinkunapis y paykunapita miraqkunapis saychömi imayyaqpis täyanqa. Sirvimaqnï Davidmi imayyaqpis paykunapa mandaqnin rey kanqa.

Ezequiel 47:5

Yapay pisqa pachak (500) metrupitanaqa mananami chakilapa simpanäpaqnönasu karqan. Saymi aläpa jakash kaptin nadyaypana simparqä.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Daniel 7:18

Saypitanami munayyuq Tayta Diosman yärakuqkuna pay mandaykashqanta chaskiyanqa. Say mandashqanchömi imayyaqpis mana ushakaypa paykuna kayanqa>.

Daniel 7:22

Sayno vincirqan imaypis kawaq Awkin shamur kuyashqan runakunapa favornin sharkushqanyaqmi. Favornin sharkuptinnami Tayta Dios mandaykashqanta chaskikuyarqan.

Daniel 7:27

Saypitanami munayyuq Tayta Diosman yärakuqkuna kay pasacho lapan mandaqpitapis mas mandaq kayanqa. Saynölami munayyuqpitapis mas munayyuq kayanqa y respitash runapitapis mas respitash kayanqa. Tayta Dios mandaykashqan imaypis mana ushakaq kaptinmi kay pasacho lapan nacionkuna payta sirviyanqa>.

Oseas 2:23

23 (25) Muruta muruqnöpis nacionnikimanmi kutisiyämushayki noqalatana adorayämänaykipaq. Lo-ruhama jutiki kananpaq nish karpis kananqa kuyapäyäshaykimi. Lo-ammi jutiki kananpaq nish karpis kananqa niyäshaykimi. Qamkunanami niyämanki: >>.

Abdías 1:21

Lapanta vinciskirnami Sión lömaman wisäyanqa Esaúpita miraq runakunata juzgayänanpaq. Tayta Diospa makinchömi lapanpis kanqa.

Miqueas 4:7

Chakin pakish uyshano kayaptinpis y juklä markaman qarqush kayaptinpis yanapäshaqmi markanman kutir munayyuq rikakuyänanpaq. Nirkurnami Sión lömapita imayyaqpis paykunapa mandaqnin rey kashaq.

Zacarías 14:9

Say wisanqa intëru kay pasacho Tayta Dioslami rey kanqa. Saymi maysaychöpis pay japalantana alabayanqa.

Zacarías 2:11

11 (15) Say wisanmi aska nación runakuna sirviyämanqa. Kuyashqä runakuna kayaptinmi noqaqa paykunawan imaypis kaykäshaq>>. Say nishqannöla päsaptinmi musyayankipaq lapanta mandaq Tayta Dios qamkunaman kachamashqanta.

Malaquías 1:11

<

Mateo 24:31

Cornëta sinchipa waqamuptinmi angilninkunata Runapa Surin kachamunqa akrashqan kaqkunata maysaypitapis shuntayämunanpaq.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

Lucas 1:33

Paymi Jacobpita miraq runakunata imayyaqpis mandanqa. Pay mandaykashqanqa imaypis manami ushakanqasu>>.

Lucas 15:10

Saynömi Tayta Diospa angilninkunapis kushikuyan juk runalapis jusalikuykunata wanakur Tayta Dios munashqannöna kawaptin>>.

Lucas 15:6

Wayinman chaykasirnami reqinakuyashqankunata y vecïnunkunata qayaykasir nin: <¡Oqrashqä uyshätami tarimushkä! ¡Lapansi kushikushun!>

Hechos 4:26

Tayta Diospa y akrashqan Cristupa contran sharkuyänanpaqmi kay pasacho reykuna y autoridäkuna shuntakar wilanakuyan>>.

Hebreos 1:8

Surinpaqnami isanqa nirqan: <

Apocalípsis 10:7

¡Qanchis kaq ángel cornëtata tukayta qalaykuptinmi lapantapis Tayta Dios cumplir qalaykunqa! ¡Lapanpis päsanqa sirviqnin profëtakunawan wilashqannölami!>>

Apocalípsis 12:10

Saypitami wiyarqä jana pasapita sinchipa nimuqta: <<¡Kananqa yärakuqkunata Tayta Diosninsi salvananpaq kaq höra chämushnami! ¡Tayta Diosninsi munayninwan mandaykashqanqa chämushnami! ¡Kananpitaqa Jesucristunami lapantapis makincho sararanqa! ¡Satanásqa jana pasapita qarqushnami kaykan! ¡Tayta Diosman yärakuqkunata paqasta junaqta tumpaq Satanás vincishnami kaykan!

Apocalípsis 15:4

¿Piraq mana mansapakuykushunkimansu? ¿Piraq mana alabaykushunkimansu? Qam japalaykimi santu kaykanki. Runakunata rurayashqanman tupu juzgashqaykita pïmaymi musyayan. Saymi lapan nación runakunapis puntaykiman shamur adorayäshunki>>.

Apocalípsis 16:17

Qanchis kaq angilnami sararashqan cöpacho kaykaq castïguta wayraman tikwamurqan. Saymi [jana pasacho kaykaq] templupita y Diospa trönunpita sinchipa kayno nimuqta wiyarqä: <<¡Kananqa lapanpis cumplishnami kaykan!>>

Apocalípsis 17:14

Saymi say ichayqa Carnishpa contran sharkur paywan pelyayanqa. Contran sharkuyaptinpis lapan mandaqkunapa y reykunapa mandaqnin karmi paykunata Carnish vincinqa. Carnishwanmi kayanqa qayashqan, akrashqan y imaypis cäsukuq runakuna>>.

Apocalípsis 19:1

Saypitanami wiyarqä jana pasacho saysika runakuna sinchipa kayno nimuqta: <<¡Aleluya! ¡Tayta Diosninsimi munayninwan runakunata salvan! ¡Payqa lapanpaq munayyuqmi kaykan! [¡Payta pïmaypis alabasun!]

Apocalípsis 19:6

Saypitanami aska runakuna alabaykäyaqta wiyarqä. Say alabayashqan wiyakarqan aska yaku aywar qaparaqno y maqakuy bunruruqnömi. Say runakunami niyarqan: <<¡Aleluya! ¡Lapanpaq munayyuq Tayta Diosninsi mandaykannami!

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 8:12

Chusku kaq ángel cornëtata tukamuptinmi intipis killapis qeshyarqan. Saymi intipis ni killapis shumaq asikyarqannasu. Saynölami cäsi pulan qoyllarkunapis chipipïyarqannasu.

Apocalípsis 9:1

Saypitanami pisqa kaq ángel cornëtata tukamuptin pasaman qoyllar shikwamuqta rikarqä. Say qoyllarmi chaskirqan supaykuna wichqaraykäyashqan wanwanyaykaq pasapa shiminpa llävinpa wawanta.

Apocalípsis 9:13

Soqta kaq ángel cornëtata tukamuptinmi wiyarqä Tayta Diospa nawpancho kaykaq qori altarpa chuskun waqran chawpinpita parlamuqta.