Apocalípsis 10:7 - Tayta Diospa Wilakuynin

⁷ ¡Qanchis kaq ángel cornëtata tukayta qalaykuptinmi lapantapis Tayta Dios cumplir qalaykunqa! ¡Lapanpis päsanqa sirviqnin profëtakunawan wilashqannölami!>>

Apocalípsis 10:7 ပူးပေါင်းရင်းမြစ်များ

Amós 3:7

Sirviqnin profëtakunata manaraq wilarqa Tayta Dios manami imatapis mansariypaq kaqkunata ruransu.

Hechos 3:21

Kutimunan junaq chämushqanyaqmi Jesucristuqa jana pasacho kanqa. Kutimurnami lapantapis churanqa Tayta Dios munashqannöna kananpaq. Sayno kananpaq kashqantaqa Tayta Diospa santu profëtankuna unaypita pasami wilakuyarqan.

Romanos 11:25

Wawqi panikuna, mana alabakuyänaykipaqmi runakuna mana musyayashqanta kanan wilashayki. Wakin Israel runakuna kanan chukru shonqu karpis manami saynölasu imayyaqpis kayanqa. Paykuna sayno kayanqa mana Israel runakunapita Tayta Dios akrashqankunata salvashqanyaqlami.

Romanos 16:25

¡Tayta Diosta alabaykuyay! Paymi Jesucristupa wilakuyninta wilakushqänöla yanapaykäyäshunki payman yärakur munashqanno kawayänaykipaq. Say wilakuytaqa runakuna nawpata manami musyayarqansu.

Apocalípsis 14:6

Saypitanami rikarqä juk ángel junishpa pajaykaqta. Paymi mana ushakaq ali wilakuyta apamurqan. Say wilakuy kaykan maysay nación runakunapaq, maysay trïbu runakunapaq, ima idiömata parlaqkunapaq y maysaycho taq runakunapaqmi.

Apocalípsis 17:17

Saypita Tayta Dios yarpayta qoshqannölami say chunka waqrakuna wilanakur ichayta munayninta qoyanqa. Saymi say ichay munayyuq kanqa Tayta Dios nishqannöla lapanpis cumplikashqanyaq.