Apocalípsis 1:2 - Tayta Diospa Wilakuynin

² Juannami say revelacionta qelqar Tayta Dios nishqankunata, Jesucristo nishqankunata y lapan rikashqankunata qelqash.

Apocalípsis 1:2 ပူးပေါင်းရင်းမြစ်များ

Juan 1:32

Mastapis Juan nirqan: <

Juan 12:17

Lázaruta Jesús kawarisimushqanta rikaq runakuna maysaycho wilakuyaptinmi

Juan 19:35

Lapan saykunatami rikarqä. Saymi imano kashqantapis qelqaykä salvamaqninsi Cristo kashqanta qamkunapis criyiyänaykipaq. Lapan qelqashqäkuna rasun kaqmi kaykan.

Juan 21:24

Jesús kuyashqan discïpulumi kay libruta qelqash. Lapan qelqashqankuna rasun kaqmi kaykan.

Juan 3:11

Rasunpami nï: Rikashqäta y musyashqätami wilapaykä. Sayno kaptinpis nishqäta manami criyiyankisu.

Hechos 22:15

Kananqa paypa testïgun kar rikashqaykita y wiyashqaykita pïmaytapis wilapanki.

Hechos 26:16

¡Sharkuy! Qamta yuripashkä sirvimaqnï y wilakuqnï kanaykipaqmi. Saymi kanan rikashqaykikunata y rikasinäpaq kaqkunatapis wilakunki.

Hechos 4:20

Rikayashqäta y wiyayashqätaqa mana upälakuypami imaypis wilakuyäshaq>>.

1 Corintios 1:6

Jesucristupa wilakuyninta chaskikuyänaykipaq yanapäyäshushqaykinölami kananpis yanapaykäyäshunki.

1 Corintios 2:1

Wawqi panikuna, qamkuna kaqman shamur manami yachaq runakuna parlayashqannösu ni paykuna yarpäyashqannösu Tayta Diospa wilakuyninta yachasirqä.

1 Juan 1:1

Kawasikuq Palabrapitami qamkunaman qelqamü. Paymi imapis manaraq kaptin mayna kaykarqan. Paytami rikayashkä, yatayashkä y wiyayashkä.

1 Juan 4:14

Saynöpis kikïkunami rikayashkä Diospa Surin Jesucristo kay pasacho kaykaqta. Saymi wilakuyä runakunata salvananpaq Tayta Dios payta kachamushqanta.

3 Juan 1:12

Demetriupaqmi isanqa Tayta Diospa wilakuynin nishqanno kawashqanta lapan runakunapis parlayan. Noqakunapis rikayashkämi sayno kawashqanta. Musyankimi rasun kaqta niyashqäta.

Apocalípsis 1:11

<<[Alfa y Omegami noqa kaykä. Qalaykunan y ushananmi kaykä.] Revelacioncho rikasishqäkunata juk rölluman qelqarkur apasiy [Asia provincia] qanchis markakunacho kaykaq iglesiakunaman. Say markakuna kaykäyan Éfeso, Esmirna, Pérgamo, Tiatira, Sardis, Filadelfia y Laodiceami>>.

Apocalípsis 1:19

Lapan rikashqaykita qelqay. Kanan päsaykashqanta y päsananpaq kaqkunatapis lapanta qelqay.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

Apocalípsis 12:11

Tayta Diosman yärakuqkunami payta vinciyarqan yawarninta Carnish jichar wanushqanpita y Tayta Diospa wilakuynin nishqanno kawayashpan. Manami wanuytapis mansariyarqansu. Saypa trukanqa listumi kayarqan Carnishman yärakuyashqanpita wanuyänanpaqpis.

Apocalípsis 12:17

Saymi dragonqa fiyupa rabyakushpan warmipa wakin wawankunatana ushakäsinanpaq aywarqan. Warmipa wawankunaqa Jesucristo wilakushqanta chaskikur Tayta Diospa mandamientunkunata cumpliq runakunami kaykäyan.

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 22:21

Señor Jesucristo lapaykita imaypis yanapaykuyäläshunki. [Amén.]

Apocalípsis 6:9

Röllucho pisqa kaq laqaraykaq cërata Carnish jorquriptinmi almakuna altar chakincho kaykäyaqta rikarqä. Say almakuna kayarqan Diospa wilakuyninta wiyakuyashqanpita y Jesucristuman yärakuyashqanpita wanusiyash runakunapa almankunami.