Apocalípsis 1:15 - Tayta Diospa Wilakuynin

¹⁵ Chakinkunapis waylash broncinöraqmi chipipirqan. Parlashqanpis aska yaku aywar qaparaqnöraqmi karuman wiyakarqan.

Apocalípsis 1:15 ပူးပေါင်းရင်းမြစ်များ

Salmo 93:4

Qammi isanqa jakash mayupitapis mas munayyuq kaykanki. Lamarcho jatunkaray öla sharkuqpitapis mas poderyuqmi kaykanki.

Isaías 17:13

Sayno shayämuptinpis Tayta Dios olqutupaykuptinqa karupami qeshpir aywakuyanqa. Jirkacho oqshata wayra apakushqanno y polvuta wayra apakushqannömi aywakuyanqa.

Ezequiel 1:24

Paykuna aywayaptin riprankuna sapsapyashqan sinchipami wiyakarqan. Say karqan fiyupa jakash mayu bunyashqanno, lapanpaq munayyuq Tayta Diospa vozninno, saysika runakuna parlayashqanno y aska soldädukuna qaparäyashqannömi. Aywaykäyashqancho ichikuykuyaptinqa riprankunapis shuntakäkuqmi.

Ezequiel 1:7

Chankankunaqa derëchulami karqan. Shilunkunanami becërrupa shilunno karqan. Lushukyashqanyaq kupash broncinöraqmi chakinkuna y shilunkuna chipipirqan.

Ezequiel 40:3

Sayman chäsimaptinmi broncipita rurash niraq runata rikarqä. Lïnupita rurash cordilnin y tupukuna varïllan aptashqami punku nawpancho ichiraykarqan.

Ezequiel 43:2

Saypitami rikarqä Israel runakunata kuyaq Tayta Diospa chipipiynin inti jeqamunan kaqläpita aywaykämuqta. Jakash mayu qayarashqannöraqmi shamushqan wiyakämurqan. Chipipiyninwanmi kay pasapis fiyupa asikyarqan.

Daniel 10:6

Cuerpunpis berilo ruminöraqmi chipipirqan. Qaqlanpis elqukuynöraqmi chipipirqan. Nawinkunapis aksinöraqmi asikyarqan. Rikrankuna y chakinkunapis chipipiykaq broncinömi karqan. Aska runakuna parlaykaqnöraqmi parlashqanpis wiyakarqan.

Apocalípsis 10:1

Saypitanami rikarqä munayyuq ángel pukutaycho jana pasapita uraykämuqta. Uman jananchömi seqyaw ichiraykarqan. Qaqlanpis intinömi chipipirqan. Chankankunapis junishta nina sharkuqnöraqmi karqan.

Apocalípsis 14:2

Jana pasapitami wiyakämurqan aska yaku raqrapa bunyaypa bunyar aywaqno y maqakuy bunruruqno. Saynöpis saysika arpakunata tukayämushqannömi wiyakämurqan.

Apocalípsis 19:6

Saypitanami aska runakuna alabaykäyaqta wiyarqä. Say alabayashqan wiyakarqan aska yaku aywar qaparaqno y maqakuy bunruruqnömi. Say runakunami niyarqan: <<¡Aleluya! ¡Lapanpaq munayyuq Tayta Diosninsi mandaykannami!

Apocalípsis 2:18

<