Apocalípsis 1:1 - Tayta Diospa Wilakuynin

¹ Kay libruchömi qelqaraykan Jesucristuta Tayta Dios revelashqan. Jesucristumi angilninta kachamur say revelacionta sirviqnin Juanta revelarqan. Sayno revelarmi sirviqninkunata imapis päsananpaqna kaqkunata tantiyasirqan.

Apocalípsis 1:1 ပူးပေါင်းရင်းမြစ်များ

Salmo 25:14

Tayta Diosqa payta mansapakuqkunapa amïgunmi kaykan. Pactuta rurar promitishqannölami bendicionninta kamaripan.

Daniel 8:16

Saypitami wiyarqä Ulai mayupita say runa niraq kayno nimuqta: <<Ángel Gabriel, tantiyasiy rikashqan imapaq kashqantapis>>.

Daniel 9:21

Sayno ruwakuykaptïmi sacrificiuta templucho tardipa rupasiyänan höra ángel Gabriel pajaypa nawpäman chämurqan. Paytami nawpa kaq revelacionchöpis rikarqä.

Daniel 9:23

Manakuyta qalaykuykälaptikimi ruwakushqaykita Tayta Dios awnish. Saymi seqaypa kuyashushpayki wilanäpaq kachamash. Tayta Diospa wilakuyninta tantiyasiptï kanan shumaq wiyamay.

Amós 3:7

Sirviqnin profëtakunata manaraq wilarqa Tayta Dios manami imatapis mansariypaq kaqkunata ruransu.

Juan 12:49

Manami kikiläpa yarpayläpitasu wilakuykä, saypa trukanqa kachamaqnï Taytä nimashqankunalatami.

Juan 15:15

Ashmay kayashqaykita mananami niyäshaykinasu. Ashmaytaqa manami patronnin wilapansu imata yarpashqantapis. Amïguntami isanqa lapan yarpashqanta wilapan. Saynölami qamkunatapis amïgü kayaptiki Taytä nimashqankunata lapanta wilapashkä.

Juan 17:8

Lapan nimashqaykitami paykunata yachasishkä. Saymi yachasishqäkunata chaskikur qampita kay pasaman shamushqäta tantiyakuyan.

Juan 3:32

Jana pasacho rikashqankunata y wiyashqankunata wilakuptinpis runakuna manami chaskikuyansu.

Juan 8:26

Jusaykikunata shimpinäpaq askaraqmi kaykan. Noqaqa kachamaqnï nimashlantami qamkunata wilapaykä. Pay nimashqankunaqa lapanpis rasun kaqlami kaykan>>.

Romanos 16:25

¡Tayta Diosta alabaykuyay! Paymi Jesucristupa wilakuyninta wilakushqänöla yanapaykäyäshunki payman yärakur munashqanno kawayänaykipaq. Say wilakuytaqa runakuna nawpata manami musyayarqansu.

Gálatas 1:12

Saynöpis manami say wilakuyta runasu yachasimash, saypa trukanqa kikin Jesucristumi revelacioncho tantiyasimash.

Efesios 3:3

Ali wilakuyninta mana musyash kayaptinpis Tayta Diosmi tantiyasimash say wilakuy ima kashqantapis. Sayno tantiyasimashqantami kay cartacho wilaykä.

Tito 1:1

Noqa Pablo, Tayta Diospa sirviqnin y Jesucristupa apostolnin karmi, Tayta Dios akrashqan kaqkunata wilakuyninta yachaykäsï Jesucristuman yärakur pay munashqanno kawayänanpaq.

Apocalípsis 1:19

Lapan rikashqaykita qelqay. Kanan päsaykashqanta y päsananpaq kaqkunatapis lapanta qelqay.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

Apocalípsis 17:1

Saypitanami cöpata tikwamuq qanchis angilkunapita juk ángel shamuykur nimarqan: <

Apocalípsis 19:10

Sayno nimaptinmi angilta adoranäpaq lätakuykurqä. Saymi nimarqan: <<¡Noqata ama adoramaysu! Noqapis qamnöla y yärakuq mayikikunanölami Tayta Diospa sirviqnin kaykä. ¡Tayta Dioslata adorayqa! Lapan wilakushqäpis Jesucristo alabash kananpaqmi kaykan>>.

Apocalípsis 19:9

Saymi nawpächo kaykaq ángel nimarqan: < >>. Nirkurnami nimarqan: <>.

Apocalípsis 21:2

Saynölami [noqa Juan] rikarqä mushuq Jerusalén sagrädu markatapis Tayta Diospa nawpanpita uraykämuqta. Say markami casarananpaq mushuq mödanan jatish jipashno kuyaylapaq kaykarqan.

Apocalípsis 21:9

Saypitanami cöpakunawan castïgukunata tikwamuq qanchis angilkunapita juk ángel shamuykur nimarqan: <>.

Apocalípsis 22:1

Saypitanami ángel rikasimarqan imayyaqpis kawasikuq y kuyaylapaq cristal vidriuno chipipiykaq [chuya] mayuta. Say mayu yarqaykämurqan Tayta Dios y Jesucristo jamaraykashqan trönun chakinpitami.

Apocalípsis 22:16

<>.

Apocalípsis 22:6

Saymi ángel nimarqan: <>.

Apocalípsis 22:8

Noqa Juanmi saykunata wiyashkä y rikashkä. Saymi lapanta rikasimaq angilpa puntanman adoranäpaq lätakuykurqä.

Apocalípsis 22:9

Saymi nimarqan: <<¡Noqata ama adoramaysu! Noqapis profëta mayikikunanöla y qelqashqaykikunata chaskikuqkunanölami Tayta Diospa sirviqnin kaykä. Tayta Dioslata adorayqa>>.

Apocalípsis 4:1

Saypitanami jana pasacho punku kicharaykämuqta rikarqä. Say hörami nawpata wiyashqänöla cornëta waqamuqnöraq kayno nimaqta wiyarqä: <>.

Apocalípsis 5:7

Trönucho jamaraykaqpa aluq kaq makinpitami rölluta Carnish chaskirqan.