Amós 4:7 - Tayta Diospa Wilakuynin

⁷ Saymi mikuykuna poqunanpaq kimsa killa pishiykaptin usyäsimurqä. Wakin markacho tamya kananpaq y wakin markacho usya kananpaqpis noqami kamakäsirqä. Saymi tamya chashqan chakrachöqa mikuykuna ali wayurqan y mana tamyashqan kaqchönami mikuykuna sakikäkuyarqan.

Amós 4:7 ပူးပေါင်းရင်းမြစ်များ

Éxodo 10:22

Nishqanno makinta Moisés joqariptinmi kimsa junaqyaq Egiptucho fiyupa sakakäkurqan.

Éxodo 10:23

Saymi Egipto runakuna kimsa junaqnintin pitapis rikayarqansu ni maypa aywaytapis kamäpakuyarqansu. Israel runakuna täyashqanchömi isanqa asikyarqan.

Éxodo 8:22

22 (18) Sayno kaptinpis kuyashqä runakuna täyashqan Gosén partichöqa juklaylapis upakuru manami kanqasu. Saynöpami musyanki Egipto runakunata noqa Tayta Dios castigaykashqäta.

Éxodo 9:26

Sayno tamyaykarpis Israel runakuna taykäyashqan Gosén partimanmi isanqa charqansu.

Éxodo 9:4

Egipto runakunapa uywankuna qeshyawan wanuyaptinpis Israel runakunapa uywankunaqa manami ni juklaylapis wanuyanqasu> >>.

Isaías 5:6

Sunyaq jirkatami kachaykushaq. Manami pipis kuptupanqanasu ni uryapanqanasu. Kashalanami shataypa juntanqa. Mana tamyamunanpaqmi pukutaytapis nishaq>>.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Jeremías 14:3

Rïcukunapa ashmayninkunapis pözukunaman yaku ashiq aywar manami tariyämunsu. Mana tarirmi jäkuq uyllun janchash kutiyämun. Fiyupa penqakuyashpanmi umankunatapis shukutakuyan.

Jeremías 14:4

Mana tamyaptinmi fiyupa usyawan pasapis shilikashna kaykan. Murupakuyänanpaq mana ali kaptinmi runakunapis fiyupa lakikur umankunata sapakurkuyan.

Jeremías 3:3

Sayno kayashqaykipitami tamya killa wisanpis ni jachakuna tuktunan wisanpis manana tamyamushnasu. <

Joel 2:23

Sióncho taqkuna, noqaman yärakayämashpayki kushikuyay. Unaynömi punta kaq tamyata y qepa kaq tamyatapis tiempulancho tamyasimushaq.

Zacarías 14:17

Mayqan nación karpis lapanta mandaq Tayta Diosta adorayänanpaq Jerusalénman mana shayämuptinqa say nacioncho tamya manami kanqasu.

Juan 4:35

Musyayankimi runakuna kayno niyashqanta: . Sayno niyaptinpis noqa kaynömi nï: Rikayay. Chakrakunacho mikuykuna poquraykannami. Shuntaypaqnami kaykan.

1 Corintios 4:7

Yachasishuqnikikunata sayno juzgayänaykipaqqa ¿pitaq kaykäyanki? Tantiyaq kayashqaykipis ¿manaku Tayta Diospita kaykan? Tayta Diospitaraqmi lapantapis chaskiyashkanki. Sayno kaykaptinqa ¿imanirtaq kikilaykikunapita tantiyaq kayashqaykita yarpar alabakuykäyanki?

Deuteronomio 11:17

Juk dioskunata adorayaptikiqa Tayta Dios fiyupa rabyakushpan mana tamyasimuptinmi murupakuyashqaykikunapis wayunqanasu. Tayta Dios entregayäshushqayki ali nacioncho tarpis lapaykimi wanur ushakäyanki.

Santiago 5:17

Profëta Elías manakushqantapis Tayta Dios wiyanaqshi. Noqansino runala kaykarpis mana tamyananpaq lapan shonqunwan manakuptinshi kimsa wata soqta killantin tamyanaqsu.

Apocalípsis 11:6

Say ishkay wilakuqkunaqa munayyuqmi kayanqa tamyatapis mana tamyasiyämunanpaq, yakutapis yawarman tikrasiyänanpaq y munayashqan höra pestiwan runakunata ushakäsiyänanpaqpis.