Amós 2:3 - Tayta Diospa Wilakuynin

³ Say nacionpa mandaqnin reytapis ushakäsishaqmi. Mandäsiqninkunatapis wanusishaqmi>>. Tayta Diosmi sayno nin.

Amós 2:3 ပူးပေါင်းရင်းမြစ်များ

Job 12:21

Respitash autoridäkunata manakaqman churananpaqmi kamakäsin. Kalpayuqkunatapis kalpaynaqyäsinmi.

Salmo 141:6

Cabecïllankunataqa imayka desgraciami päsanqa. Sayraqmi tantiyakuyanqa noqa wilapashqä rasun kaq kashqanta.

Salmo 2:10

Nacionkunapa mandaqnin reykuna, lapaykipis shumaq tantiyakuyay. Kay pasacho mandaqkuna, kay nishqäta shumaq chaskikuyay.

Isaías 40:23

Munayyuq runakunatapis manakaqmanmi churan. Kay pasacho reykunatapis ushakärasinmi.

Jeremías 48:25

Tayta Diosmi nin: <

Jeremías 48:7

Qamkunaqa soldäduykikunaman y rïcu kayashqaykimanmi atiënikuykäyanki. Sayno kayaptikipis contraykikuna shamurmi vinciyäshunki. Quemos diosnikitapis apakuyanqami. Cürakunata y autoridäkunatapis prësumi apakuyanqa.

Amós 5:12

Musyämi jusalikur mana cäsukayämashqaykitapis. Qamkunaqa chaskipakur jusayuqkunapa favorninmi sharkuykäyanki y jusaynaq kaqtami tikrapaykäyanki.

Amós 5:7

Qamkunaqa pobrikuna quejakayämushqantapis manami arreglayankisu. Jusayuqpa favornin sharkurmi jusaynaq kaqpa contran rikakuykäyanki.

Amós 6:12

¿Pilaqa cawallun loqakurkur qaqa pachanpa cörrinmansuraq? ¿Pilaqa lamarcho yuntakunawan yapyanmansuraq? Say yarpaykuna upa yarpay kashqannömi qamkunapis mana tantiyakuq runakuna kaykäyanki. ¿Imanirtaq mana alikunata rurar Tayta Diospa leyninkunata venënumanno tikraykäsiyanki? Runakunata kushikasiyänaykipa trukanqa ¿imanirtaq mana alikunata rurar lakikuyman churaykäyanki?

Números 24:17

Shamuq watakunacho imapis päsananpaq kaqtami rikaykä. Karucho kaykämuqtami rikaykä. Jacobpita miraq runakunapitami juk qoyllar yurinqa. Israel nacionchömi munayyuq rey kanqa. Moabita runakunatami asulanqa. Setpita miraqkunatapis ushakäsinqami.