Amós 1:5 - Tayta Diospa Wilakuynin

⁵ Damasco markaman yaykuna punkukunatapis lapantami pakir ushashaq. Bicat-avéncho y Bet-edéncho mandaqkunatapis saynölami ushakäsishaq. Nirkurmi contran runakuna shamur Siria runakunata prësu apakuyanqa Kir partiman>>. Tayta Diosmi sayno nin.

Amós 1:5 ပူးပေါင်းရင်းမြစ်များ

2 Reyes 14:28

Rey Jeroboam imata rurashqanpis, guërracho pelyar vincishqanpis y Damascuta y Hamatta shuntashqanpis lapanmi qelqaraykan Israel nacionpa mandaqnin reykunapa acta libruncho.

2 Reyes 16:9

Acaz apasishqankunata chaskirkurmi Asiria nacionpa mandaqnin rey soldädunkunawan Siria nacionpa capitalnin Damascuta atacayänanpaq aywayarqan. Damascuman yaykurmi rey Rezínta wanusiyarqan. Nirkurmi runakunata prësu apayarqan Kir markaman saychöna täyänanpaq.

Isaías 22:6

Atacamänansipaqmi Elam runakuna flëchankunata kamarikuyash. Maynami carrëtankunaman wisäyash. Cawallunkunatapis loqashnami kaykäyan. Kir runakunapis escüdunkuna aptashnami kaykäyan.

Isaías 43:14

Salvayäshuqniki kar Israel runakunapa santu Tayta Diosninmi niyäshunki: <

Isaías 8:4

Say wamra niytapis manaraq pashtasiptinmi Damascuta y Samariata vinciykur Asiria nacionpa mandaqnin rey say markakunapita lapan riquëzankunata apakunqa>>.

Jeremías 50:36

¡Rikakuqninkunapis guërrawan löcutäyäsun! ¡Soldädunkunapis guërrawan mansarir suksukyäyäsun!

Jeremías 51:30

Babilonia soldädukuna mananami pelyayta valurayanqanasu. Murallash markankunalachömi pakaraykäyanqa. Kalpankunapis pasaypami ushakanqa. Warmi japuymi pasaypa mansakash rikakuyanqa. Marka murällapa punkunkunata pakirmi contrankuna yaykuyanqa. Yaykurmi wayikunatapis rupasir ushayanqa.

Lamentaciones 2:9

Markaman yaykuna punkunkunapis manami kannasu. Cerröjunkunapis pakir ushashqami jitaraykäyan. Mandamaqninsi reytapis y autoridäninsikunatapis juklä nacionkunamanmi prësu apakuyash. Tayta Diospa leyninkunata yachasiq runakunapis mananami kayannasu. Profëtankunatapis Tayta Dios mananami revelannasu.

Ezequiel 27:23

<<

Ezequiel 30:17

On markacho y Pibeset markacho taq chölukunapis guërrachömi wanuyanqa. Warmikunatanami juk nacionman prësu apakuyanqa.

Oseas 10:8

Avéncho kaykaq altarkunatapis lapantami juchusiyanqa. Say altarkunachömi Israel runakuna ïdulukunata adorar jusalikuykäyan. Juchusir ushayaptinmi say altarkuna kashqancho kashakunalana y shirakakunalana winayämunqa. Say wisanmi runakuna pasaypa nakar jirkakunata niyanqa: <<¡Jukla ushakäyänäpaq janäkunaman juchumuy!>> Qaqakunatapis niyanqa: <<¡Jukla nitikarkayämay!>>

Amós 5:5

Bet-elman ama aywayaysu. Gilgalman ni Beersebamanpis ama chäyaysu. Gilgal markacho taq runakunata juk nacionmanmi prësu apakuyanqa. Bet-el markapis lapanmi ushakäsish kanqa>>.

Amós 9:7

Tayta Diosmi nin: <

Nahum 3:13

Soldäduykikunapis pasaypa warmïshumi rikakuyanqa. Punkuykikunata nina rupar ushaptinmi wanwanyaraykanqa contraykikuna yaykayämunanpaq.