Amós 1:1 - Tayta Diospa Wilakuynin

¹ Kay libruchömi qelqaraykan Amós wilakushqan. Payqa Tecoa markacho taq uysha misiq runami karqan. Amós wilakushqan wisanmi Judá nacioncho Uzías rey kaykarqan y Israel nacionchönami Joáspa surin Jeroboam rey kaykarqan. Amós wilakushqanpita ishkay wata päsarkuptinraqmi fiyupa temblor karqan.

Amós 1:1 ပူးပေါင်းရင်းမြစ်များ

2 Samuel 14:2

Saymi Davidta awnisinanpaq Tecoa markapita astüta warmita qayaykasimur nirqan: <

1 Reyes 19:19

Saypita Elías kutirmi Safatpa surin Eliseuta tarirqan chunka ishkay par yuntakunawan milgapänakuypa yapyaykaqta. Ushanan kaq milgachöna Eliseo yapyaykaptinmi Elíasqa nawpanpa aywashpan cäpanta aylluparkur päsakurqan.

2 Reyes 14:21

Nirkurnami Judá runakuna shuntakaykur Amasíaspa surin Azaríasta churayarqan rey kananpaq. Say wisan Azarías kaykarqan chunka soqta watayuqmi.

2 Reyes 14:23

Judá nacioncho kaq Joáspa surin Amasías chunka pisqa wata rey kaykaptinmi Israel nacioncho kaq Joáspa surin Jeroboam rey kayman yaykurqan. Paymi Samariapita Israel runakunata mandarqan chusku chunka juk (41) wata.

2 Crónicas 11:6

Say markakunami kayarqan Belén, Etam, Tecoa,

2 Crónicas 20:20

Waraynin tutami saka sakala lapan shuntakäyarqan Tecoa niyashqan sunyaq jirkapa aywayänanpaq. Yarquyänanpaqna kaykaptinmi rey Josafat nirqan: <>.

Éxodo 3:1

Moisésnami suedrun Jetrupa uyshankunata y cabrankunata misikuq. Jetro madianita runakunapa cüranmi karqan. Juk kutimi sunyaq jirkapa Moisés misikuq aywarqan. Sayno aywarmi charqan Tayta Dioswan tinkuna Horeb jirkaman.

Isaías 1:1

Kaychömi qelqaraykan Judá nacioncho y capitalnin Jerusaléncho taykaq runakunapaq Amozpa surin Isaíasta Tayta Dios revelashqan. Saykunata Tayta Dios revelarqan Judá nacioncho Uzías, Jotam, Acaz y Ezequías rey kayashqan wisanmi.

Jeremías 1:1

Kaychömi qelqaraykan Hilcíaspa surin Jeremías wilakushqan. Jeremíasqa cüra ayllumi karqan. Pay karqan Benjamín particho kaq Anatot markapitami.

Jeremías 28:8

Qampis ni noqapis manaraq yurishqami unay profëtakunaqa wilakuyarqan aska nacionkunacho y reykuna mandayashqancho guërrakuna, nakaykuna y pesti qeshyakuna kananpaq kashqanta.

Jeremías 6:1

¡Benjamín trïbu runakuna, Jerusalénpita qeshpir aywakuyay! ¡Tecoacho cornëtata tukayay! ¡Bet-haquerem puntacho qoshnita rurayay! ¡Nortipita fiyupa mansariypaq castïgu chämunanpaqnami kaykan!

Jeremías 7:27

<

Oseas 1:1

Kaychömi qelqaraykan Tayta Diospa wilakuyninta Beeripa surin Oseas wilakushqan. Judá nacioncho Uzías rey kaykänan wisanmi Oseas wilakurqan. Saynölami wilakurqan Jotam rey kaykänan wisan, Acaz rey kaykänan wisan y Ezequías rey kaykänan wisanpis. Israel nacionchönami Joáspa surin Jeroboam rey kaykarqan.

Amós 7:14

Sayno niptinmi Amós nirqan: <

Miqueas 1:1

Moreset markacho taq Miqueastami Tayta Dios revelacionkunacho rikasirqan Samaria markata y Jerusalén markata ima päsananpaq kashqantapis. Sayno rikasirqan Judá nacioncho Jotam rey kaykänan wisan, Acaz rey kaykänan wisan y Ezequías rey kaykänan wisanmi.

Zacarías 14:5

Say raqra Azal partiyaq chaptinmi qamkunaqa say jatunkaray raqrapa qeshpiyankipaq. Judá nacionpa mandaqnin rey Uzías kashqan wisan terremötu kaptin unay aylluykikuna qeshpiyashqannömi qamkunapis qeshpiyankipaq. Say hörami santu angilninkunawan Tayta Dios shamunqa.

Mateo 4:18

Galilea qocha kuchunpa aywaykashqanchömi Jesús rikarqan ishkay runakunata. Pescaq karmi redninta yakuman mashtaykäyarqan. Paykuna kayarqan Simón y wawqin Andrés. Simónpa jukaq jutinmi karqan Pedro.

1 Corintios 1:27

Mana yachaq kayashqaykita runakuna yarpäyaptinpis qamkunatami Tayta Dios akrayäshushkanki yachaqkuna tantiyakur penqakuyänanpaq. Saynölami munayniynaq kayashqaykita yarpäyaptinpis Tayta Dios akrayäshushkanki munayyuq runakuna tantiyakur penqakuyänanpaq.