2 Samuel 8:2 - Tayta Diospa Wilakuynin

² Saynölami Moab nación runakunatapis soldädunkunawan vincirqan. Nirkurnami moabita runakunata pasaman lätaykasir jatun watuwan tupurqan. Ishkay tupuyta tupurkurmi saycho lätaraykaq runakunataqa chipyaq wanusirqan. Juk tupuyta tupurkurnami saycho lätaraykaq runakunata kawaykaqta kacharirqan. Mana wanusishqan kaqkunami Davidpa munaynincho kayashpan impuestuta imaypis pägayarqan.

2 Samuel 8:2 ပူးပေါင်းရင်းမြစ်များ

2 Samuel 12:31

Markacho mana wanusishqan runakunatami wakinta churarqan qeruta partiyänanpaq, wakinta churarqan chakracho aruyänanpaq y wakintana churarqan ladrilluta rurayänanpaq. Saynölami wakin markakunacho taq amonita runakunatapis say aruykunaman churarqan. Nirkurnami soldädunkunawan Jerusalénman David kutirqan.

2 Samuel 8:6

Nirkurnami Davidqa Siria nación runakunata impuestuta pägasinanpaq Damascuman soldädunkunata churarqan. Saynölami maypa aywaptinpis Davidta Tayta Dios yanaparqan contrankunata vincinanpaq.

1 Reyes 4:21

21 (5.1) Salomónpa munayninchömi karqan Éufrates mayupita hasta Filistea nacionpa lindërunyaq y Egipto nacionpa lindërunyaq. Saycho taq runakuna lapanmi impuestuta pägayaq. Salomón kawashqanyaqqa lapanpis say runakuna paypa munayninchömi kayarqan.

2 Reyes 1:1

Rey Acab wanuskiptinmi Moab nación runakuna Israel runakunapa contran sharkuyarqan.

2 Reyes 17:3

Oseas rey kashqan wisanmi Asiria nacionpa mandaqnin rey Salmanasar soldädunkunawan shamur Israel nacionta atacarqan. Mas puntapitanami Oseasqa impuestuta cadala Asiriaman apasirqan.

1 Crónicas 18:2

Saynölami Moab nación runakunatapis soldädunkunawan vincirqan. Mana wanusishqan moabita runakunami Davidpa munaynincho kayashpan impuestuta imaypis pägayarqan.

2 Crónicas 26:8

Saynölami amonita runakunapis impuestuta Uzíasta pägayarqan. Uzías munayyuq kashqanqa musyakarqan Egipto nacionpa lindërunyaqmi.

Salmo 108:9

9 (10) Moab nacionqa maylakunä lavatoriumi kaykäyan. Edom nacionmanmi lanqïta jitarishaq. Filisteo runakunata vinciykurmi japanla kushikushaq>>.

Salmo 18:45

45 (46) Say jäpa runakunaqa mansayämanmi. Qayaptïpis pakaräyashqanpita suksukyaykarmi yarqayämun.

Salmo 60:10

10 (12) Tayta Dios, kachariykayämaptiki manami pipis kansu yanapäyämänanpaq. Mananachä soldädükunatapis yanapankinasu.

Salmo 60:8

8 (10) Moab nacionqa maylakunä lavatoriumi kaykäyan. Edom nacionmanmi lanqïta jitarishaq. Filisteo runakunata vinciykurmi japanla kushikushaq>>.

Salmo 83:6

6 (7) Paykuna kaykäyan edomita runakuna, ismaelita runakuna, moabita runakuna y agareno runakunami.

Isaías 36:16

ama criyiyaysu>. <

Números 24:17

Shamuq watakunacho imapis päsananpaq kaqtami rikaykä. Karucho kaykämuqtami rikaykä. Jacobpita miraq runakunapitami juk qoyllar yurinqa. Israel nacionchömi munayyuq rey kanqa. Moabita runakunatami asulanqa. Setpita miraqkunatapis ushakäsinqami.

1 Samuel 10:27

Sayno kaptinpis wakin runakunaqa manakaqman churayashpanmi niyarqan: <<¡Payqa imanöpashi contransipa munayninpita jorqamäshun!>> Sayno nirmi Saúlta manakaqman churar ni ima qaraytapis apayarqansu. Paykuna sayno rurayaptinpis Saúlqa manami cäsuparqansu.

1 Samuel 14:47

Israel nacionpa mandaqnin rey karnami maysaypapis soldädunkunawan Saúl aywarqan Israel runakunapa contran kaq nacionkunawan pelyayänanpaq. Say contran nacionkunami kayarqan Moab, Amón, Edom y Filistea nacionkuna. Saynölami contran sharkuyarqan Sobapa mandaqnin reykunapis. Maypa aywarpis lapantami soldädunkunawan Saúl vinciyarqan.

1 Samuel 22:3

Saypitanami Moab nacioncho kaq Mizpa markaman David aywaykur say markapa mandaqnin reyta ruwakur nirqan: <>.

1 Samuel 22:4

Ruwakushqanta awniptinmi machaylacho David pakarashqanyaq Moab nacionpa mandaqnin reypa makincho mamanwan taytan täyarqan.