2 Samuel 6:20 - Tayta Diospa Wilakuynin

²⁰ Saynölami Davidpis wayinman kutikurqan ayllunkunata bendisinanpaq. Wayinman yaykuraykaptinmi Saúlpa surin Mical yarqaskamur nirqan: <<¡Israel nacionpa mandaqnin rey kaykar ashmay warmikunapa nawpancho cösaran tushuraykar aywashkanki! ¡Mana tantiyakuq runanömi pasaypa penqakuypaq sikiki rikakashqanyaq qarikaypa qarikar tushushkanki!>>

2 Samuel 6:20 ပူးပေါင်းရင်းမြစ်များ

Génesis 18:19

Paymi surinta y paypita miraqkunatapis munashqäno imaypis kawayänanpaq yachasinqa. Saypaqmi payta akrashkä. Sayno ruraptinmi Abrahamta promitishqäkunata lapanta cumplishaq>>.

2 Samuel 6:14

Davidmi lïnupita rurash efodnin jatish Tayta Diospa babulninpa puntanta kushikushpan tushuraykar aywarqan.

2 Samuel 6:16

Tayta Diospa babulninta Davidpa Markanman yaykaykäsiyaptinmi ventänanpita watqaykur Saúlpa surin Mical rikarqan Tayta Diospa nawpancho tushuraykar David kushish aywaykaqta. Rey kaykar saltaypa saltar tushuykaqta rikarmi shonqulancho Davidta jamurarqan.

2 Samuel 6:18

Rupasiyta ushaskirmi lapanta mandaq Tayta Diosta Israel mayinkunapaq manakur Davidqa Diospa jutincho bendicionta qorqan.

2 Samuel 6:19

Nirkurnami olqutapis warmitapis lapan Israel runakunata aypurqan juk tantata, pedäzu aysata y päsaslan atipay juk biscöchutapis. Sayta mikukurkurnami runakuna wayinkunapa kutikuyarqan.

1 Crónicas 16:43

Saypitanami lapan runakuna wayinkunapa kutikuyarqan. Ayllunkunata bendicionta qonanpaqmi Davidpis wayinpa kutikurqan.

Job 30:8

Paykunaqa mala fäma runakunami kaykäyan. Imapaqpis manami väliyansu. Saymi markanpitapis qarquyash.

Salmo 101:2

Munashqaykinömi kawayta munaykä. ¡Imayraq shamuykunki yanapämänaykipaq! Mandashqä palaciüchöpis alita rurarmi kawashaq.

Salmo 30:1

1 (2) Conträkunapita salvamashqaykipitami qamta alabä, Tayta Dios. Manami kachapashkankisu chikimaqnïkuna kushipäyämänanta.

Eclesiastés 7:17

Saynöpis ama jusalikunkisu ni mana tantiyakuqqa kankisu. Sayno karqa kikilaykimi wanuyta ashinki.

Marcos 14:66

Ruri patiucho Pedro kaykaptinmi mas mandaq cürapa ashmaynin warmi charqan.

Marcos 3:21

Jesús sayno kaykashqanta ayllunkuna musyaykurmi löcuyash kaykashqanta yarpäyashpan qorimuq aywayarqan.

Juan 13:6

Simón Pedrupa chakinta maylapänanpaq kaykaptinmi Pedro nirqan: <>

Josué 24:15

Tayta Diosta sirviyta mana munarqa kanan akrayay pita sirviyänaykipaq kashqantapis. Éufrates mayu wak simpancho unay ayllunsikuna sirviyashqan dioskunata o kaycho taq amorreo runakuna sirviyashqan dioskunata sirviyaptikipis noqami isanqa wayïcho taqkunawan Tayta Dioslata imayyaqpis sirviyäshaq>>.

Jueces 9:4

Sayno wilanakurmi Baal-beritpa templunpita qanchis chunka (70) qellayta jorquskir Abimelecta aptapäyarqan. Say qellayta wanusikuq runakunata pägaykurmi Abimelec pusharqan

1 Samuel 14:49

Saúlpa surinkunami kayarqan Jonatán, Isúi y Malquisúa. Mayor kaq warmi surinpa jutinmi karqan Merab y shulka kaqpanami karqan Mical.

1 Samuel 18:20

Saypitanami Saúlpa jukaq surin Mical Davidta kuyakurkurqan. Sayta musyaykurmi Saúl kushikushpan