2 Samuel 5:4 - Tayta Diospa Wilakuynin

⁴ Kimsa chunka (30) watayuq kaykarmi David mandar qalaykurqan. Payqa Israel nacioncho chusku chunka (40) watami rey karqan.

2 Samuel 5:4 ပူးပေါင်းရင်းမြစ်များ

Génesis 41:46

Kimsa chunka (30) watayuq kaykaptinmi Joséta Faraón kaqman apayarqan. Saypitanami intëru Egiptupa José markan markan purirqan runakuna kamarikuyänanpaq yäsishpan.

1 Reyes 2:11

Puntataqa Hebrón markachömi qanchis wata rey karqan. Nirkurmi Jerusalénchöpis kimsa chunka kimsa (33) wata rey karqan. Saymi Israel runakunapa mandaqnin rey karqan chusku chunka (40) wata.

1 Crónicas 26:31

Saynöpis Hebrón ayllupitami mandaq karqan Jerías. Chusku chunka (40) wata rey kaykarmi David musyayta munarqan Hebrón ayllu runakuna mayqan markakunacho täyashqantapis. Saymi mandarqan unay qelqaraykashqan librukunata liyir Hebrón ayllu runakuna täyashqan markakuna mayqan kayashqantapis musyayänanpaq. Saynöpami musyayarqan Hebrón ayllu ali chölu runakuna Galaad particho kaykaq Jezercho kayashqanta. Saynöpis musyayarqan Jezercho taq Hebrón ayllu runakunapa mandaqnin Jerías unay kashqanta.

1 Crónicas 29:27

Puntataqa Hebrón markachömi qanchis wata rey karqan. Nirkurmi Jerusalénchöpis kimsa chunka kimsa (33) wata rey karqan. Saymi Israel runakunapa mandaqnin rey karqan chusku chunka (40) wata.

1 Crónicas 3:4

Say soqta surinkuna yuriyarqan Hebrónchömi. Hebrónpita David mandarqan qanchis wata soqta killami. Saypitanami Jerusaléncho rey karqan kimsa chunka kimsa (33) wata.

Números 4:3

Paykunata censayanki kimsa chunka (30) watayuqpita pisqa chunka (50) watayuqyaq. Say edä runakunami Tinkunansi Tolducho imapis ruraypaq kaqkunata rurayanqa.

Lucas 3:23

Kimsa chunka watayuqnöna kaykarmi Tayta Diospa wilakuyninta wilakur Jesús qalaykurqan. Paypaqmi runakuna yarpäyarqan Josépa surin kashqanta. Josémi karqan Elípa surin.