2 Samuel 3:16 - Tayta Diospa Wilakuynin

¹⁶ Micalta rakirkur Abner pushakuptinnami runan Paltiel waqaraykar qepanta aywarqan Bahurim markayaq. Saypitanami wayinpa kutikunanpaq Abner niptin kutikurqan.

2 Samuel 3:16 ပူးပေါင်းရင်းမြစ်များ

2 Samuel 16:5

Saypitanami Bahurim markaman David chaptin Saúl ayllu runa Gerapa surin Simei tinkuparqan Davidta imaykata qayapashpan.

2 Samuel 17:18

Sayno pakaylapa aywaykäyashqanta juk maqta rikaykurmi Absalónta wilarqan. Qatipänanpaq kashqanta maliciarmi Jonatánwan Ahimaas apurayla aywar Bahurim markaman chäyarqan. Chaykurmi juk runapa wayi patiuncho pözuman ishkan pakakuyarqan.

2 Samuel 19:16

16 (17) Saymanmi Gerapa surin Simeipis Judá runakunawan apurä aywarqan rey Davidta chaskikuyänanpaq. Simeiqa Bahurim markapita Benjamín trïbu runami karqan.

2 Samuel 19:17

17 (18) Simeiwanmi Benjamín trïbu waranqa (1,000) runakunapis aywayarqan. Saynölami Saúlpa ashmaynin Sibapis chunka pisqa surinkunawan y ishkay chunka (20) ashmayninkunawan aywar rey David manaraq chaptin Jordán mayuman mas puntata chäyarqan.

2 Samuel 23:31

Arba markapita kaq Abi-albón; Bahurim markapita kaq Azmavet;

2 Samuel 3:15

Sayno niptinmi runan Paltielwan taykashqanpita Micalta Is-boset rakisimurqan. Paltielmi karqan Laispa surin.

1 Reyes 2:8

<

Jeremías 41:6

Say runakuna Mizpaman manaraq chäyaptinmi Netaníaspa surin Ismael waqaraykar taripaq aywarqan. Tinkurkushpannami nirqan: <>.