2 Samuel 23:8 - Tayta Diospa Wilakuynin

⁸ Davidpa mas ali chölunnin kaq soldädunkuna kimsami kayarqan. Punta kaqmi karqan Hacmonipa surin Joseb-basebet. Paymi karqan say kimsa soldädukunapa capitannin. Juk kutichömi Joseb-basebetqa lanzanwan wanusirqan puwaq pachak (800) soldädukunata.

2 Samuel 23:8 ပူးပေါင်းရင်းမြစ်များ

2 Samuel 10:7

Sayta musyaykurmi lapan alinnin kaq soldädunkunata y capitannin Joabta David kacharqan pelyaq aywayänanpaq.

1 Reyes 1:8

Paykuna yanapäyaptinpis cüra Sadoc, Joiadapa surin Benaía, profëta Natán, Simei, Rei y Davidpa alinnin kaq soldädunkunaqa manami Adoníasta yanapäyarqansu.

1 Crónicas 11:10

David rey kaykänan wisan soldädukunapa capitanninkuna kayarqan ali chölulantaqmi. Paykunami Davidta imachöpis yanapäyarqan. Profëtawan Tayta Dios wilakasishqannölami say capitankuna y lapan Israel runakuna payta churayarqan rey kananpaq.

1 Crónicas 27:1

Israel soldädukunapa tröpankunaqa kayarqan chunka ishkaymi. Cada tröpachömi kayarqan ishkay chunka chusku waranqa (24,000) soldädukuna. Paykunami watacho cada killa trukanakuypa reyta sirviyaq. Say tröpakunachömi wakin capitankuna kayarqan waranqa (1,000) soldädukunapa mandaqninkuna y wakinnami kayarqan pachak (100) soldädukunapa mandaqninkuna. Kaychömi qelqaraykan soldädukunapa capitanninkunapa y yanapaqninkunapa jutinkuna.

1 Crónicas 27:2

Punta kaq killachömi turnun töcarqan Zabdielpa surin Jasobeamta. Payqa karqan ishkay chunka chusku waranqa (24,000) soldädukunapa capitanninmi.

1 Crónicas 27:32

Davidpa tiyun Jonatánmi ali tantiyaq y yachaq runa kar Davidpa yäsiqnin y secretariun karqan. Hacmonipa surin Jehielmi karqan rey Davidpa surinkunata cuidaq.

Jueces 15:15

Nirkurmi ashnupa chakawlan manaraq shumaq sakiq jitaraykaqta aptarkur wanuykasirqan waranqantin (1,000) filisteo runakunata.