2 Samuel 23:29 - Tayta Diospa Wilakuynin

²⁹ Baanapa surin Heleb (paypis Netofa markapitami karqan); Gabaa markapita kaq Ribaipa surin Itai (Gabaaqa Benjamín trïbu runakuna täyashqanchömi kaykan);

2 Samuel 23:29 ပူးပေါင်းရင်းမြစ်များ

1 Crónicas 27:15

Chunka ishkay kaq killachömi turnun töcarqan Heldaita. Payqa karqan Netofa markapita Otoniel ayllumi. Paypis karqan ishkay chunka chusku waranqa (24,000) soldädukunapa capitanninmi.

Esdras 2:22

Netofa runakunami kayarqan pisqa chunka soqta (56).

Nehemías 7:26

Belén runakuna y Netofa runakunami kayarqan juk pachak puwaq chunka puwaq (188).

Jeremías 40:8

Sayta mayaykurmi mandashqan runakunata pushakurkur say capitankuna aywayarqan Gedalías kaqman. Gedalíasqa Mizpachömi kaykarqan. Say aywaq runakuna kayarqan Netaníaspa surin Ismael, Careapa surinkuna Johanánwan Jonatán, Tanhumetpa surin Seraías, Netofacho taq Efaipa surinkuna, Maacat runapa surin Jezanías y paykuna mandayashqan lapan runakuna.

Josué 18:28

Zela, Elef, Jebús (Jebúspa jukaq jutin kaykan Jerusalén), Gabaa y Quiriat. Say markakuna chunka chuskumi caseriunkunawan kayarqan. Saynömi Benjamín trïbu runakuna ayllunpa ayllunpa chaskiyashqan posisionninpa lindërun karqan.

1 Samuel 13:2

Israel runakunapita kimsa waranqata (3,000) akrarqan soldädunkuna kayänanpaq. Mana akrashqan runakunatanami nirqan wayinkunapa kutikuyänanpaq. Say kimsa waranqa akrashqan soldädukunapitami ishkay waranqata (2,000) akrarqan Micmascho y Bet-el jalqacho kikinwan quëdayänanpaq. Juk waranqa (1,000) soldädukunatanami kacharqan Benjamín trïbu runakuna täyashqan Gabaa markaman Jonatánwan aywayänanpaq.